|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
[78] Tena kho pana samayena vesaliyam panitanam bhattanam bhattapatipati atthita 3- hoti . bhikkhu panitani bhojanani bhunjitva @Footnote: 1 Ma. addhano. 2 Ma. Yu. ottharakanti. 3 Yu. adhitthita. Ra. patthita.--------------------------------------------------------------------------------------------- page30.
Abhisannakaya honti bahvabadha . athakho jivako komarabhacco vesalim agamasi kenacideva karaniyena . addasa kho jivako komarabhacco bhikkhu abhisannakaye bahvabadhe disvana yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho jivako komarabhacco bhagavantam etadavoca etarahi bhante bhikkhu abhisannakaya bahvabadha sadhu bhante bhagava bhikkhunam cankamanca jantagharanca anujanatu evam bhikkhu appabadha bhavissantiti . athakho bhagava jivakam komarabhaccam dhammiya kathaya sandassesi samadapesi samuttejesi sampahamsesi . athakho jivako komarabhacco bhagavata dhammiya kathaya sandassito samadapito samuttejito sampahamsito utthayasana bhagavantam abhivadetva padakkhinam katva pakkami. [79] Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave cankamanca jantagharancati. [80] Tena kho pana samayena bhikkhu visame cankame cankamanti. Pada dukkha honti . bhagavato etamattham arocesum . anujanami bhikkhave samam katunti. [81] Tena kho pana samayena cankamo nicavatthuko hoti . Udakena otthariyati .pe. anujanami bhikkhave uccavatthukam katunti .--------------------------------------------------------------------------------------------- page31.
Cayo paripatati .pe. anujanami bhikkhave cinitum tayo caye itthakacayam silacayam darucayanti . arohanta vihannanti .pe. anujanami bhikkhave tayo sopane itthakasopanam silasopanam darusopananti . arohanta paripatanti .pe. Anujanami bhikkhave alambanabahanti. [82] Tena kho pana samayena bhikkhu cankame cankamanta paripatanti . bhagavato etamattham arocesum . anujanami bhikkhave cankamanavedikanti. [83] Tena kho pana samayena bhikkhu ajjhokase cankamanta sitenapi unhenapi kilamanti . bhagavato etamattham arocesum . Anujanami bhikkhave cankamanasalanti . cankamanasalayam tinacunnam paripatati .pe. anujanami bhikkhave ogumbetva 2- ullittavalittam katum setavannam kalavannam gerukaparikammam malakammam latakammam makaradantakam pancapatthikam civaravamsam civararajjunti. [84] Tena kho pana samayena jantagharam nicavatthukam hoti. Udakena otthariyati .pe. anujanami bhikkhave uccavatthukam katunti . cayo paripatati .pe. anujanami bhikkhave cinitum tayo caye itthakacayam silacayam darucayanti . arohanta vihannanti .pe. anujanami bhikkhave tayo sopane itthakasopanam silasopanam daru- sopananti . arohanta paripatanti .pe. anujanami bhikkhave @Footnote: 1 Ma. Yu. ogumphetva.--------------------------------------------------------------------------------------------- page32.
Alambanabahanti . jantagharassa kavatam na hoti .pe. anujanami bhikkhave kavatam pitthasanghatam udukkhalikam uttarapasakam aggalavattim 1- kapisisakam sucikam ghatikam talacchiddam avinchanacchiddam avinchanarajjunti . Jantagharassa kuddapado jirati . bhagavato etamattham arocesum . Anujanami bhikkhave mandalikam katunti . jantagharassa dhumanettam na hoti .pe. Anujanami bhikkhave dhumanettanti. [85] Tena kho pana samayena bhikkhu khuddake jantaghare majjhe aggitthanam karonti . upacaro na hoti .pe. anujanami bhikkhave khuddake jantaghare ekamantam aggitthanam katum mahallake majjheti . jantaghare aggi mukham dahati .pe. anujanami bhikkhave mukhamattikanti . hatthena mattikam tementi .pe. anujanami bhikkhave mattikadonikanti . mattika duggandha honti .pe. Anujanami bhikkhave vasetunti. [86] Tena kho pana samayena jantaghare aggi kayam dahati .pe. Anujanami bhikkhave udakam atiharitunti . patiyapi pattenapi udakam atiharanti .pe. anujanami bhikkhave udakanidhanam 2- udakasaravakanti. Jantagharam tinacchadanam na sedeti .pe. anujanami bhikkhave ogumbetva 3- ullittavalittam katunti . jantagharam cikkhallam hoti .pe. anujanami bhikkhave santharitum tayo santhare 4- itthakasantharam @Footnote: 1 Ma. aggalavattikam. 2 Yu. udakatthanam. 3 Ma. Yu. ogumphetva. @4 Ma. santhare.--------------------------------------------------------------------------------------------- page33.
Silasantharam darusantharanti . cikkhallamyeva hoti .pe. anujanami bhikkhave dhovitunti . udakam santitthati .pe. anujanami bhikkhave udakaniddhamananti. [87] Tena kho pana samayena bhikkhu jantaghare chamayam nisidanti gattani kandavanti 1- .pe. Anujanami bhikkhave jantagharapithanti. [88] Tena kho pana samayena jantagharam aparikkhittam hoti .pe. Anujanami bhikkhave parikkhipitum tayo pakare itthakapakaram silapakaram darupakaranti . kotthako na hoti .pe. anujanami bhikkhave kotthakanti . kotthako nicavatthuko hoti . udakena otthariyati .pe. anujanami bhikkhave uccavatthukam katunti . cayo paripatati .pe. anujanami bhikkhave cinitum tayo caye itthakacayam silacayam darucayanti . arohanta vihannanti .pe. anujanami bhikkhave tayo sopane itthakasopanam silasopanam darusopananti . Arohanta paripatanti .pe. anujanami bhikkhave alambanabahanti . Kotthakassa kavatam na hoti .pe. anujanami bhikkhave kavatam pitthasanghatam udukkhalikam uttarapasakam aggalavattim 2- kapisisakam sucikam ghatikam talacchiddam avinchanacchiddam avinchanarajjunti. [89] Tena kho pana samayena kotthake tinacunnam paripatati .pe. Anujanami bhikkhave ogumbetva 3- ullittavalittam katum @Footnote: 1 Ma. kanduvanti. Yu. kanduvanti. 2 Ma. aggalavattikam. 3 Ma. Yu. ogumphetva.--------------------------------------------------------------------------------------------- page34.
Setavannam kalavannam gerukaparikammam malakammam latakammam makaradantakam pancapatthikanti . parivenam cikkhallam hoti .pe. Anujanami bhikkhave marumbam upakiritunti . na pariyapunanti .pe. Anujanami bhikkhave padarasilam 1- nikkhipitunti . udakam santitthati .pe. Anujanami bhikkhave udakaniddhamananti.The Pali Tipitaka in Roman Character Volume 7 page 29-34. https://84000.org/tipitaka/read/roman_read.php?B=7&A=569&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=569&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=78&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=9 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]