AtthaPali Vol.30

20. 3. Acamadayikavimanavannana pindaya te carantassati acamadayikavimanam. Tassa ka uppatti? bhagava rajagahe viharati veluvane kalandakanivape. Tena kho pana samayena rajagahe annataram kulam ahivatakarogena ^2- upaddutam ahosi, tattha sabbe jana mata thapetva ekam @Footnote: ¹ ka. vuttanayameva ² cha.Ma. ahivatarogena. evamuparipi Itthim. Sa geham gehagatanca sabbam dhanadhannam chaddetva maranabhayabhita bhattichiddena palata anatha hutva parageham gantva tassa pitthipasse vasati. Tasmim gehe manussa karunayanta ukkhaliadisu avasittham yagubhattaacamadim tassa denti, sa tesam acamena jivitam ^1- kappeti. Tena ca samayena ayasma mahakassapo sattaham nirodhasamapattim samapajjitva tato vutthito "kam nu kho aham ajja aharapatiggahanena anuggahessami duggatito ca dukkhato ca mocessami"ti cintento tam itthim asannamaranam nirayasamvattanikancassa kammam katokasam disva "ayam mayi gate attana laddham acamam dassati, teneva nimmanaratidevaloke uppajjissati, evam nirayupapattito mocetva handaham imissa saggasampattim nipphadessami"ti pubbanhasamayam nivasetva pattacivaramadaya tassa nivesanatthanabhimukho gacchati. Atha sakko devanamindo annatakavesena anekarasam anekasupabyanjanam dibbaharam upanesi. Tam natva thero "kosiya tvam katakusalo, kasma evam karosi, ma duggatanam kapananam sampattim vilumpi"ti patikkhipatva tassa itthiya purato atthasi. Sa theram disva "ayam mahanubhavo thero, imassa databbayuttakam khadaniyam va bhojaniyam va idha natthi, idanca kilitthabhajanagatam tinacunnarajanukinnam alonam sitalam apparasam acamakanjiyamattam edisassa datum na ussahami"ti cintetva "aticchatha"ti aha. Thero ekapadanikkhepamattam apasakkitva atthasi. Gehavasino manussa bhikkham upanesum, thero na sampaticchati. Sa duggatitthi "mameva anuggahatthaya idhagato, mama santakameva patiggahetukamo"ti natva pasannamanasa adarajata tam acamam therassa patte akiri. Thero tassa pasadasamvaddhanattham bhunjanakaram @Footnote: ¹ Si.,i. tattha sa tesam vahasa jivikam, cha.Ma. sa tam bhunjitva jivikam Dassesi, manussa asanam pannapesum. Thero tattha nisiditva tam acamam bhunjitva pivitva onitapattapani anumodanam katva tam duggatitthim "tvam ito tatiye attabhave mama mata ahosi"ti vatva gato. Sa tena there atipasadanca ^1- uppadetva tassa rattiya pathamayame kalam katva nimmanaratinam devanam sahabyatam upapajji. Atha sakko devaraja tassa kalakatabhavam natva "kattha nu kho uppanna"ti avajjento tavatimsesu adisva rattiya majjhimayame ayasmantam mahakassapam upasankamitva tassa nibbattatthanam pucchanto:- [185] "pindaya te carantassa tunhibhutassa titthato dalidda kapana nari paragaram apassita. ^2- [186] Ya te adasi acamam pasanna sehi panibhi sa hitva manusam deham kam nu sa disatam gata"ti dve gatha abhasi. #[185] Tattha pindayati pindapatatthaya. Tunhibhutassa titthatoti idam pindaya caranakaradassanam, uddissa titthatoti attho. Daliddati duggata. Kapanati varaki. "dalidda"ti imina tassa bhogaparijunnam dasseti, "kapana"ti imina natiparijunnam paragaram apassitati parageham nissita, paresam ghare bahipitthichadanam nissaya vasanti. #[186] Kam nu sa disatam gatati chasu kamadevalokesu uppajjanavasena kam nama disam gata. Iti sakko "therena tatha katanuggaha ularaya @Footnote: ¹ Si. bhattippasadanca ² Si. avassita. evamuparipi Dibbasampattiya bhagini, na ca dissati"ti hettha dvisu devalokesu apassanto samsayapanno pucchati. Athassa thero:- [187] "pindaya me carantassa tunhibhutassa titthato dalidda kapana nari paragaram apassita. [188] Ya me adasi acamam pasanna sehi panibhi ^1- sa hitva manusam deham vippamutta ito cuta. [189] Nimmanaratino nama santi deva mahiddhika tattha sa sukhita nari modatacamadayika"ti ^2- pucchitaniyameneva pativacanam dento tassa nibbattatthanam kathesi. #[188] Tattha vippamuttati tato manussadobhaggiyato paramakarunnavuttito vippamutta apagata. #[189] Modatacamadayikati acamamattadayika sapi nama pancame kamasagge dibbasampattiya modati, passa tava khettasampattiphalanti ^3- dasseti. Puna sakko tassa danassa mahapphalatam mahanisamsatanca sutva tam thomento aha:- [190] "aho danam varakiya kassape suppatitthitam parabhatena danena ijjhittha vata dakkhina. @Footnote: ¹ ka. sakehi panihi ² i.,Ma.,paliyam. moditacamadayikati ³ Si....balanti [191] Ya mahesittam kareyya cakkavattissa rajino nari sabbangakalyani bhattu canomadassika etassacamadanassa kalam nagghati solasim. [192] Satam nikkha satam assa satam assatariratha satam kannasahassani amuttamanikundala etassacamadanassa kalam nagghanti solasim. [193] Satam hemavata naga isadanta urulhava suvannakaccha matanga hemakappanavasasa ^1- etassacamadanassa kalam nagghanti solasim. [194] Catunnamapi dipanam issaram yodha karaye etassacamadanassa kalam nagghati solasin"ti. #[190] Tattha ahoti acchariyatthe nipato. Varakiyati kapaniya. Parabhatenati parato anitena, paresam gharato unchacariyaya laddhenati attho. Danenati databbena acamamattena deyyadhammena. Ijjhittha vata dakkhinati dakkhina danam aho nipphajjittha, aho mahapphala mahajutika mahavipphara ahuvatthati attho. #[191] Idani "itthiratanadinipi tassa danassa satabhagampi sahassabhagampi na upenti"ti dassetum "ya mahesittam kareyya"tiadi vuttam. Tattha sabbanga- kalyaniti "natidigha natirassa natikisa natithula natikali naccodata atikkanta manusavannam appatta dibbavannan"ti evam vuttehi sabbehi angehi karanehi, sabbehi va angapaccangehi kalyani sobhana sundaRa. Bhattu canomadassikati @Footnote: ¹ ka. hemakappanivasasa Samikassa alamakadassana satisayam dassaniya pasadika. Etassacamadanassa, kalam nagghati solasinti etassa etaya dinnassa acamadanassa phalam solasabhagam katva tato ekam bhagam puna solasabhagam katva gahitabhagasankhatam solasim kalam cakkavattiranno ^1- itthiratanabhavopi nagghati nanubhoti na papunati. "suvannassa pancadasadharanam nikkhan"ti vadanti, "satadharanan"ti apare. #[193] Hemavatati himavati jata, hemavatajatika va. Te hi mahanta thamajavasampanna ca honti. Isadantati rathisasadisadanta, ^2- thokamyeva anuvankadantati ^3- attho. Tena visalakadathibhavam ^4- nivareti. Urulhavati thamajavaparakkamehi bruhanto, mahantam yuddhakiccam vahitum samatthati attho. Suvannakacchati hemamayagiveyyakapatimukka. ^5- Kacchasisena hi sabbam hatthiyoggam ^6- vadati. Hemakappanavasasati suvannakhacitagajattharanakankanadihatthalankarasampanna ^7-. #[194] Catunnam mahadipanam issaranti dvisahassaparittadipaparivaranam jambudipadinam catunnam mahadipanam issariyam. Tena sattaratanasamujjalam sakalam cakkavattisirim vadati. Yam panettha avuttam, tam hettha vuttanayameva. Idha sakkena devarajena attana ca vuttam sabbam ayasma mahakassapatthero bhagavato arocesi. Bhagava tam atthuppattim katva sampattaparisaya vittharena dhammam desesi, sa desana mahajanassa satthika ahositi. Acamadayikavimanavannana nitthita. -------------- @Footnote: ¹ Si. cakkavattissa rajino ² Si.,i. rathasisasadisadanta @³ cha.Ma. avanatadantati ⁴ i. visalatadibhavam @⁵ i. hemamayagiveyyakadiyutta ⁶ Ma. hatthiyuttam ⁷ Si....hatthalankarasannaha

The Pali Atthakatha in Roman Book 30 page 108-113. http://84000.org/tipitaka/atthapali/read_rm.php?B=30&A=2337&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=2337&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=20 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=588 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=591 The Pali Tipitaka in Roman Character :- http://84000.org/tipitaka/read/roman_read.php?B=26&A=591 Contents of The Tipitaka Volume 26 http://84000.org/tipitaka/read/?index_26