|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Sasapanditacariyavannana
[125] Punaparam yada homi sasako pavanacariko
tinapannasakaphalabhakkho parahethanavivajjito.
[126] Makkato ca singalo ca suttapoto caham tada
vasama ekasamagga sayam pato ca dissare.
[127] Ahante anusasami kiriye kalyanapapake
papani parivajjetha kalyane abhinivissathati. 1-
#[125-6] Dasame yada homi, sasakoti aham sariputta bodhipariyesanam caramano
yada sasapandito homi. Bodhisatta hi kammavasippattapi tadisanam tiracchananam
anuggahanattham tiracchanayoniyam nibbattanti. Pavanacarikoti mahavanacari. Dabbaditinani
rukkhagacchesu pannani yam kinci sakam rukkhato patitaphalani ca bhakkho etassati
tinapannasakaphalabhakkho.
@Footnote: 1 khu.cariya. 33/125-27/597
Parahethanavivajjitoti parapilavirahito. Suttapoto cati uddapoto ca.
Aham tadati yada aham sasako homi, tada ete makkatadayo tayo sahaye ovadami.
#[127] Kiriye kalyanapapaketi kusale ceva akusale ca kamme. Papaniti
anusasanakaradassanam. Tattha papani parivajjethati panatipato .pe. Micchaditthiti
imani papani parivajjetha. Kalyane abhinivissathati danam silam .pe.
Ditthujukammanti idam kalyanam, imasmim kalyane attano kayavacacittani
abhimukhabhavena nivissatha, imam kalyanapatipattim patipajjathati attho.
Evam mahasatto tiracchanayoniyam nibbattopi nanasampannataya kalyanamitto
hutva tesam tinnam jananam kalena kalam upagatanam ovadavasena dhammam desesi. Te
tassa ovadam sampaticchitva attano vasanatthanam pavisitva vasanti. Evam kale
gacchante bodhisatto akasam oloketva candaparipurim disva "uposathakammam karotha"ti
ovadi. Tenaha:-
[128] "uposathamhi divase candam disva na puritam
etesam tattha acikkhim divaso ajjuposatho.
[129] Danani patiyadetha dakkhineyyassa datave
datva danam dakkhineyye upavassathuposathan"ti.
#[128-9] Tattha candam disva na puritanti junhapakkhacatuddasiyam isakam
aparipunnabhavena candam na puritam disva tato vibhataya rattiya arunuggamanavelayameva
uposathamhi divase pannarase etesam makkatadinam mayham sahayanam divaso ajjuposatho,
tasma "danani patiyadetha"tiadina tattha uposathadivase patipattividhanam acikkhinti
yojetabbam. Tattha dananiti deyyadhamme. Patiyadethati yathasatti yathabalam sajjetha.
Dataveti datum. Upavassathati uposathakammam karotha, uposathasilani rakkhatha, sile patitthaya
dinnadanam mahapphalam hoti, tasma yacake sampatte tumhehi khaditabbaharato datva
khadeyyathati dasseti.
Te "sadhu"ti bodhisattassa ovadam sirasa sampaticchitva uposathangani
adhitthahimsu. Tesu uddapoto patova "gocaram pariyesissami"ti naditiram gato. Atheko
balisiko satta rohitamacche uddharitva valliya avunitva naditire valukaya
paticchadetva macche ganhanto nadiya adhosotam bhassi. Uddo macchagandham ghayitva
valikam viyuhitva macche disva niharitva "atthi nu kho etesam samiko"ti
tikkhattum ghositva samikam apassanto valliyam damsitva attano vasanagumbe thapetva
"velayameva khadissami"ti attano silam avajjento nipajji. Singalopi gocaram
pariyesanto ekassa khettagopakassa kutiyam dve mamsasulani ekam godham ekanca dadhivarakam
disva "atthi nu kho etesam samiko"ti tikkhattum ghosetva samikam adisva
dadhivarakassa uggahanarajjukam givayam pavesetva mamsasule ca godhanca mukhena damsitva
attano vasanagumbe thapetva "velayameva khadissami"ti attano silam avajjento
nipajji. Makkatopi vanasandam pavisitva ambapindam aharitva attano vasanagumbe
thapetva "velayameva khadissami"ti attano silam avajjento nipajji. Tinnampi
"aho idha nuna yacako agaccheyya"ti cittam uppajji. Tena vuttam:-
[130] "te me sadhuti vatvana yathasatti yathabalam
danani patiyadetva dakkhineyyam gavesisun"ti.
Bodhisatto pana "velayameva nikkhamitva dabbaditinani khadissami"ti attano
vasanagumbeyeva nisinno cintesi "mama santikam agatanam yacakanam tinani khaditum na
Sakka, tilatanduladayopi mayham natthi, sace me santikam yacako agamissati, aham
tinena yapemi, attano sariramamsam dassami"ti. Tenaha bhagava:-
[131] "aham nisajja cintesim danam dakkhinanucchavam
yadiham labhe dakkhineyyam kim me danam bhavissati.
[132] Na me atthi tila mugga masa va tandula ghatam
aham tinena yapemi na sakka tina datave.
[133] Yadi koci eti dakkhineyyo bhikkhaya mama santike
dajjaham sakamattanam na so tuccho gamissati"ti.
#[131-3] Tattha danam dakkhinanucchavanti dakkhinabhavena anucchavikam danam
dakkhineyyassa databbam deyyadhammam cintesim. Yadiham labheti yadi aham kinci
dakkhineyyam ajja labheyyam. Kim me danam bhavissatiti kim mama databbam bhavissati. Na
sakka tina dataveti yadi dakkhineyyassa datum tilamuggadikam mayham natthi, yam pana mama
aharabhutam, tam na sakka tinam dakkhineyyassa datum. Dajjaham sakamattananti kim va
mayham etaya deyyadhammacintaya, nanu idameva mayham anavajjam aparadhinataya sulabham
paresanca paribhogaraham sariram sace koci dakkhineyyo mama santikam agacchati, tayidam
sakamattanam tassa dajjamaham. Evam sante na so tuccho mama santikam agato arittahattho
hutva gamissatiti.
Evam mahapurisassa yathabhutasabhavam parivitakkentassa parivitakkanubhavena sakkassa
pandukambalasilasanam unhakaram dassesi. So avajjento imam karanam disva "sasarajam
vimamsissami"ti pathamam uddassa vasanatthanam gantva brahmanavesena atthasi. Tena
"kimattham brahmana thitosi"ti ca vutte sace kinci aharam labheyyam, uposathiko
hutva samanadhammam kareyyanti. So "sadhuti te aharam dassami"ti aha. Tena vuttam:-
"satta me rohita maccha udaka thalamubbhata
idam brahmana me atthi etam bhutva vane vasa"ti. 1-
Brahmano "pageva tava hotu, paccha janissami"ti tatheva singalassa makkatassa
ca santikam gantva tehipi attano vijjamanehi deyyadhammehi nimantito "pageva tava
hotu, paccha janissami"ti aha. Tena vuttam:-
"dussa me khettapalassa rattibhattam apabhatam
mamsasula ca dve godha ekanca dadhivarakam 2-
idam brahmana me atthi etam bhutva vane vasa"ti. 3-
"ambapakkam dakam sitam sitacchayam manoramam 4-
idam brahmana me atthi etam bhutva vane vasa"ti. 3-
Tattha dussati amussa. Rattibhattam apabhatanti rattibhojanato apanitam. Mamsasula ca
dve godhati angarapakkani dve mamsasulani eka ca godha. Dadhivarakanti dadhivarako.
[134] Atha brahmano sasapanditassa santikam gato. Tenapi "kimattham agatosi"ti
vutte tathevaha. Tena vuttam:-
#[134] mama sankappamannaya sakko brahmanavannina
asayam me upagacchi danam vimamsanaya me.
[135] Tamaham disva santuttho idam vacanamabravim
sadhu khosi anuppatto ghasahetu mamantike.
[136] Adinnapubbam danavaram ajja dassami te aham
tuvam silagunupeto ayuttam te parahethanam.
@Footnote: 1 khu.ja. 27/61/104 2 Si.,Ma. dadhithalakam 3 khu.ja. 27/62-3/104
@ 4 cha.Ma. sitacchaya manorama
[137] Ehi aggim padipehi nanakatthe samanaya
aham pacissamattanam pakkam tvam bhakkhayissasi.
[138] Sadhuti so hatthamano nanakatthe samanayi
mahantam akasi citakam katvanangaragabbhakam.
[139] Aggim tattha padipesi yatha so khippam mahabhave
photetva rajagate gatte ekamantam upavisim.
[140] Yada mahakatthapunjo aditto dhamadhamayati
taduppatitva papati majjhe jalasikhantare.
[141] Yatha sitodakam nama pavittham yassa kassaci
sameti darathaparilaham assadam deti piti ca.
[142] Tatheva jalitam aggim pavitthassa mamam tada
sabbam sameti daratham yatha sitodakam viyati. 1-
Tattha mama sankappamannayati pubbe vuttappakaram parivitakkam janitva.
Brahmanavanninati brahmanarupavata attabhavena. Asayanti vasanagumbam.
#[135-7] Santutthoti samam sabbabhageneva tuttho. Ghasahetuti aharahetu.
Adinnapubbanti yehi kehici abodhisattehi adinnapubbam. Danavaranti uttamadanam.
"ajja dassami te ahan"ti vatva tuvam silagunupeto, ayuttam te parahethananti tam
panatipatato apanetva idani tassa paribhogayoggam attanam katva datum "ehi
aggim padipehi"tiadimaha.
@Footnote: 1 khu.cariya. 33/137-42/598
Tattha aham pacissamattananti taya kate angaragabbhe ahameva patitva attanam
pacissam. Pakkam tvam bhakkhayissasiti tatha pana pakkam tvam khadissasi.
#[138-9] Nanakatthe samanayiti so brahmanavesadhari sakko nanadaruni
samanento viya ahosi. Mahantam akasi citakam, katvanangaragabbhakanti vitaccikam
vigatadhumam angarabharitabbhantaram samantato jalamanam mama sarirassa nimmujjanappahonakam
tankhananneva mahantam cittakam akasi, sahasa iddhiya abhinimminiti adhippayo. Tenaha
"aggim tattha padipesi, yatha so khippam mahabhave"ti.
Tattha soti so aggikkhandho sigham mahanto yatha bhaveyya, tatha padipesi. Photetva
rajagate gatteti "sace lomantaresu panaka atthi, te ma marimsu"ti pamsugate mama gatte
tikkhattum vidhunitva. Ekamantam upavisinti na tava katthani adittaniti tesam
adipanam udikkhanto thokam ekamantam nisidim.
#[140] Yada mahakatthapunjo, aditto dhamadhamayatiti yada pana so darurasi
samantato aditto ayuvegasamuddhatanam jalasikhanam vasena "dhama dhama"ti evam karoti.
Taduppatitva papati, majjhe jalasikhantareti tada tasmim kale "mama sarirassa
jhapanasamattho ayam angararasi"ti cintetva uppatitva ullanghitva jalasikhanam
abbhantarabhute tassa angararasissa majjhe padumapunje rajahamso viya pamuditacitto
sakalasariram danamukhe datva papati.
#[141-2] Pavittham yassa kassaciti yatha ghammakale sitalam udakam yena kenaci pavittham
tassa darathaparilaham vupasameti, assadam pitinca uppadeti. Tatheva jalitam agginti
evam tatha pajjalitam angararasi tada mama pavitthassa usumamattampi nahosi. Annadatthu
danapitiya sabbadarathaparilahavupasamo eva ahosi. Cirassam vata me chavicammadiko sabbo
sariravayavo danamukhe juhitabbatam upagato abhipatthito manoratho matthakam pattoti. Tena
vuttam:-
[143] "../../bdpicture/chavim cammam mamsam nharum atthim 1- hadayabandhanam
kevalam sakalam kayam brahmanassa adasahan"ti. 2-
#[143] Tattha hadayabandhananti dahayamamsapesi. Tam hi hadayavatthum bandhitva viya thitatta
"hadayabandhanan"ti vuttam. Atha va hadayabandhananti hadayanca bandhananca, hadayamamsanceva tam
bandhitva viya thitayakanamamsancati attho. Kevalam sakalam kayanti anavasesam sabbam sariram.
Evam tasmim aggimhi attano sarire lomakupamattampi unham katum asakkonto
bodhisattopi himagabbham pavittho viya hutva brahmanarupadharam sakkam evamaha "brahmana
taya kato aggi atisitalo, kinnametan"ti. Pandita naham brahmano, sakkohamasmi,
tava vimamsanattham agato evamakasinti. "sakka tvam tava titthatu, sakalopi ce loko mam
danena vimamseyya, neva me adatukamatam kathancipi uppadeyya passetha nan"ti
bodhisatto sihanadam nadi.
Atha nam sakko "sasapandita tava guna sakalakappampi pakata hontu"ti pabbatam
piletva pabbatarasam adaya candamandale sasalakkhanam alikhitva bodhisattam tasmim
vanasande tattheva vanagumbe tarunadabbatinapithe nipajjapetva attano devalokameva gato.
Tepi cattaro pandita samagga sammodamana niccasilam uposathasilanca puretva yatharaham
punnani katva yathakammam gata. Tada uddo ayasma anando ahosi, singalo
mahamoggallano, makkato sariputto, sasapandito pana lokanatho.
Tassa idhapi siladiparamiyo hettha vuttanayeneva yatharaham niddharetabba. Tatha
satipi tiracchanupapattiyam kusaladidhamme kusaladito yathabhutavabodho, tesu anumattampi
vajjam bhayato disva sutthu akusalato oramanam, sammadeva ca kusaladhammesu attano
patitthapanam, paresanca "ime nama papadhamma te evam gahita evam paramattha evamgatika
bhavanti
@Footnote: 1 pali. chavi cammanca mamsanca nharu atthi... 2 khu.cariya. 33/143/599
Evamabhisamparaya"ti adinavam dassetva tato viramane niyojanam, idam danam nama, idam
silam nama, idam uposathakammam nama, ettha patitthitanam devamanussasampattiyo hatthagata
evatiadina punnakammesu anisamsam dassetva patitthapanam, attano
sarirajivitanirapekkham, paresam sattanam anugganhanam, ularo ca danajjhasayoti evamadayo
idha bodhisattassa gunanubhava vibhavetabba. Tenetam vuccati "evam acchariya hete
.pe. Dhammassa anudhammato"ti.
Sasapanditacariyavannana nitthita.
---------------
Idani "akittibrahmano"tiadina yathavutte dasapi cariyavisese udanetva
nigameti. Tena vuttam:-
"akittibrahmano sankho kururaja dhananjayo
mahasudassano raja mahagovindabrahmano.
Nemi candakumaro ca sivi vessantaro saso
ahameva tada asim yo te danavare ada.
Ete danaparikkhara ete danassa parami
jivitam yacake datva imam parami purayin"ti.
Tattha ahameva tada asim, yo te danavare adati yo tani uttamadanani
adasi, so akittibrahmanadiko ahameva tada tasmim kale ahosim, na annoti. Iti
tesu attabhavesu satipi siladiparaminam yatharaham puritabhave attano pana tada
danajjhasayassa ativiya ularabhavam sandhaya danaparamivaseneva desanam aropesi.
Ete danaparikkhara, ete danassa paramiti ye ime akittijatakadisu 1-
anekakaravokara maya pavattita deyyadhammapariccaga mama sariravayavaputtadarapariccaga
paramakotika, kincapi te karunupayakosallapariggahitatta sabbannutannanameva
uddissa pavattitatta danassa paramukkamsagamanena danaparami eva, tathapi mama danassa
paramatthaparamibhutassa parikkharanato 2- santanassa paribhavanavasena abhisankharanato ete
danaparikkhara nama. Yassa panete parikkhara, tam dassetum "jivitam yacake datva, imam
parami purayin"ti vuttam. Ettha hi thapetva sasapanditacariyam sesasu navasu cariyasu
yatharaham danaparamidanaupaparamiyo veditabba, sasapanditacariye 3- pana danaparamatthaparami.
Tena vuttam:-
"bhikkhaya upagatam disva sakattanam pariccajim
danena me samo natthi esa me danaparami"ti. 4-
Kincapi hi mahapurisassa yathavutte akittibrahmanadikale annasmim ca
mahajanakamahasutasomadikale danaparamiya puritattabhavanam parimanam nama natthi, tathapi
ekanteneva sasapanditakale danaparamiya paramatthaparamibhavo vibhavetabboti.
Iti paramatthadipaniya cariyapitakasamvannanaya
dasavidhacariyasangahassa visesato danaparamivibhavanassa
pathamavaggassa atthavannana nitthita.
-----------------
@Footnote: 1 khu.ja. 27/83-103/280-82 2 Si. parikkharagunato 3 khu.cariya. 33/125-43/597-99
@4 khu.cariya. 33/599
The Pali Atthakatha in Roman Book 52 page 123-132.
http://84000.org/tipitaka/atthapali/read_rm.php?B=52&A=2704&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=52&A=2704&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=33&i=218
เนื้อความพระไตรปิฎกฉบับหลวง :-
http://84000.org/tipitaka/read/r.php?B=33&A=8906
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=33&A=11640
The Pali Tipitaka in Roman Character :-
http://84000.org/tipitaka/read/roman_read.php?B=33&A=11640
Contents of The Tipitaka Volume 33
http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]