AtthaPali Vol.31

#[327-328] Yathapi bhaddaketi gathadvayassa vuttavipariyayena atthayojana veditabba. Tattha samma dharam pavecchanteti vutthidharam sammadeva pavattente, anvaddhamasam anudasaham anupancaham deve vassanteti attho. Gunavantesuti jhanadigunayuttesu. Tadisuti itthadisu tadilakkhanappattesu. Karanti lingavipallasena vuttam, upakaroti attho. Kidiso upakaroti aha "punnan"ti. [329] "viceyya danam databbam yattha dinnam mahapphalam viceyya danam datvana saggam gacchanti dayaka. [330] Viceyya danam sugatappasattham ye dakkhineyya idha jivaloke etesu dinnani mahapphalani bijani vuttani yatha sukhette"ti ayam sangitikarehi thapita gatha. #[329] Tattha viceyyati vicinitva, punnakkhettam pannaya upaparikkhitva. Sesam sabbattha uttanamevati. Tayidam ankurapetavatthu satthara ^1- tavatimsabhavane dasasahassacakkavaladevatanam purato dakkhineyyasampattivibhavanattham "mahadanam taya dinnan"tiadina attana samutthapitam, tattha tayo mase abhidhammam desetva mahapavaranaya devaganaparivuto devadevo devalokato sankassanagaram otaritva anukkamena savatthim patva jetavane viharanto catuparisamajjhe dakkhineyyasampattivibhavanatthameva "yassa atthaya gacchama"tiadina vittharato desetva catusaccakathaya desanaya kutam ganhi, desanavasane tesam anekakotipanasahassanam dhammabhisamayo ahositi. Ankurapetavatthuvannana nitthita @Footnote: ¹ i. sattha

The Pali Atthakatha in Roman Book 31 page 150. http://84000.org/tipitaka/atthapali/read_rm.php?B=31&A=3322&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=3322&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=106 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3661 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3813 The Pali Tipitaka in Roman Character :- http://84000.org/tipitaka/read/roman_read.php?B=26&A=3813 Contents of The Tipitaka Volume 26 http://84000.org/tipitaka/read/?index_26