AtthaPali Vol.50

13. Sereyyavagga 123. 1. Sereyyakattherapadanavannana ajjhayako ^1- mantadharotiadikam ayasmato sereyyakattherassa apadanam. Ayampi purimajinavaresu katadhikaro tato paresu attabhavasahassesu vivattupanissayani punnani upacinanto vipassissa bhagavato kale brahmanakule nibbatto vinnutam patva tinnam vedanam param gantva itihasadisakalabrahmanamantesu ^2- kotippatto ekasmim divase abbhokase saparivaro thito bhagavantam disva pasannamanaso sereyyapuppham gahetva akase khipanto pujesi. Tani pupphani akase vitanam hutva sattaham thatva paccha antaradhayimsu. So tam acchariyam disva ativa pasannamanaso teneva pitisomanassena kalam katva tusitadisu nibbatto tattha dibbasukhamanubhavitva tato manussasukhamanubhavitva imasmim buddhuppade ekasmim kulagehe nibbatto vinnutam papunitva pubbavasanabalena satthari pasanno pabbajitva nacirasseva araha ahosi. [1] So aparabhage purakatakusalam saritva somanassajato pubbacaritapadanam pakasento ajjhayako mantadharotiadimaha. Tam hettha vuttatthameva. [3] Sereyyakam gahetvanati sirise bhavam jatipuppham sereyyam, sereyyameva sereyyakam, tam sereyyakam gahetvanati sambandho. Bhagavati pasanno jatisumana- makulacampakadini pupphani patitthapetva pujetum kalam natthitaya ^3- tattha sampattam tam sereyyakam puppham gahetva pujesinti attho. Sesam sabbattha uttanamevati. Sereyyakattherapadanavannana nitthita. --------------- @Footnote: ¹ pali. ajjhayiko. ² cha.Ma.....brahmanadhammesu. ³ pujetukamatay(?).

The Pali Atthakatha in Roman Book 50 page 165. http://84000.org/tipitaka/atthapali/read_rm.php?B=50&A=3570&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3570&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=123 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3679 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4504 The Pali Tipitaka in Roman Character :- http://84000.org/tipitaka/read/roman_read.php?B=32&A=4504 Contents of The Tipitaka Volume 32 http://84000.org/tipitaka/read/?index_32