AtthaPali Vol.16

4. Puggalasuttavannana [14] Catutthe ubhatobhagavimuttoti dvihi bhagehi vimutto, arupasamapattiya rupakayato vimutto, maggena namakayato. So catunnam arupasamapattinam ekekato vutthaya sankhare sammasitva arahattam pattanam catunnam nirodha vutthaya arahattappattaanagamino ca vasena pancavidho hoti. Pali panettha "katamo ca puggalo ubhatobhagavimutto. Idhekacco puggalo attha vimokkhe kayena phusitva @Footnote: ¹ Ma. appakena ² cha.Ma. anadarameva ³ Si. niguhantiti Viharati, pannaya cassa disva asava parikkhina honti"ti evam atthavimokkhalabhino vasena agata. Pannaya vimuttoti pannavimutto. So sukkhavipassako, catuhi jhanehi vutthaya arahattam patta cattaro cati imesam vasena pancavidho hoti. Pali panettha atthavimokkhapatikkhepavaseneva agata. Yathaha "na heva kho attha vimokkhe kayena phusitva viharati, pannaya cassa disva asava parikkhina honti. Ayam vuccati puggalo pannavimutto"ti. ^1- Phutthantam sacchikatoti kayasakkhi. So jhanaphassam pathamam phusati, paccha nirodham nibbanam sacchikaroti. So sotapattiphalattham adim katva yava arahattamaggattha chabbidho hoti. Tenaha "idhekacco puggalo attha vimokkhe kayena phusitva viharati, pannaya cassa disva ekacce asava parikkhina honti. Ayam vuccati puggalo kayasakkhi"ti. ^1- Ditthantam pattoti ditthippatto. ^2- Tatridam sankhepalakkhanam:- dukkha sankhara, sukho nirodhoti natam hoti dittham viditam sacchikatam phusitam pannayati ditthippatto. Vittharato pana sopi kayasakkhi viya chabbidho hoti. Tenevaha "idhekacco puggalo `idam dukkhan'ti yathabhutam pajanati .pe. `ayam Dukkhanirodhagamini patipada'ti yathabhutam pajanati, tathagatappavedita cassa dhamma pannaya vodittha honti vocarita pannaya .pe. Ayam vuccati puggalo ditthippatto"ti. ^1- Saddhaya vimuttoti saddhavimutto. Sopi vuttanayeneva chabbidho hoti. Tenaha "idhekacco puggalo `idam dukkhan'ti yathabhutam pajanati .pe. `ayam Dukkhanirodhagamini patipada'ti yathabhutam pajanati, tathagatappavedita cassa dhamma pannaya vodittha @Footnote: ¹ abhi. pu. 36/208/190 navakapuggalapannatti ² Si. ditthappatto Honti vocarita, pannaya .pe. No ca kho yathaditthippattassa. Ayam vuccati puggalo saddhavimutto"ti. ^1- Etassa hi saddhavimuttassa pubbabhagamaggakkhane saddahantassa viya okappentassa viya adhimuccantassa viya ca kilesakkhayo hoti, ditthippattassa pubbabhagamaggakkhane kilesacchedakananam adandham tikhinam suram hutva vahati. Tasma yatha nama natitikhinena asina kadalim chindantassa chinnatthanam na mattham hoti, asi na sigham vahati, saddo suyyati, balavataro vayamo katabbo hoti, evarupa saddhavimuttassa pubbabhagamaggabhavana. Yatha pana sunisitena asina kadalim chindantassa chinnatthanam mattham hoti, asi sigham vahati, saddo na suyyati, balavavayamakiccam na hoti, evarupa pannavimuttassa pubbabhagamaggabhavana veditabba. Dhammam anussaratiti dhammanusari. Dhammoti panna, pannapubbangamam maggam bhavetiti attho. Saddhanusarimhipi eseva nayo. Ubhopete sotapattimaggatthayeva. Vuttampi cetam "yassa puggalassa sotapattiphalasacchikiriyaya patipannassa pannindriyam adhimattam hoti, pannavahim ^2- pannapubbangamam ariyamaggam bhaveti, ayam vuccati puggalo dhammanusari. Yassa puggalassa sotapattiphalasacchikiriyaya patipannassa saddhindriyam adhimattam hoti, saddhavahim saddhapubbangamam ariyamaggam bhaveti, ayam vuccati puggalo saddhanusari"ti. ^1- Ayamettha sankhepo, vittharato panesa ubhatobhagavimuttadikatha visuddhimagge ^3- pannabhavanadhikare vutta. Tasma tattha vuttanayeneva veditabbati.

The Pali Atthakatha in Roman Book 16 page 160-162. http://84000.org/tipitaka/atthapali/read_rm.php?B=16&A=3579&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3579&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=14 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=209 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=220 The Pali Tipitaka in Roman Character :- http://84000.org/tipitaka/read/roman_read.php?B=22&A=220 Contents of The Tipitaka Volume 22 http://84000.org/tipitaka/read/?index_22