AtthaPali Vol.16

4. Dutiyaaggisuttavannana [47] Catutthe uggatasarirassati so kira brahmanamahasalo atta- bhavenapi bhogehipi uggato sarappatto ahosi, tasma uggatasarirotveva pannayittha. Upakkhatoti ^2- paccupatthito. Thunupanitaniti yupasankhatam thunam upanitani. Yannatthayati vadhitva yajanatthaya. Upasankamiti so kira sabbantam yannasambharam sajjetva cintesi "samano kira gotamo mahapanno, kim nu kho me yannassa vannam kathessati udahu avannam, pucchitva janissami"ti imina karanena yena bhagava tenupasankami. Aggissa adananti ^3- yannassa yajanatthaya navassa mangalaggino adiyanam. Sabbena sabbanti sabbena sutena sabbam sutam sameti samsandati, ekasadisam hotiti dasseti. Satthaniti vihimsanatthena satthani viyati satthani. Sayam pathamam samarabhatiti ^4- attanava pathamataram arabhati. Hannantuti hanantu. ^5- @Footnote: ¹ cha.Ma. ayam saddo na dissati ² Si. upakatthoti ³ ka. adhananti @⁴ cha.Ma. samarambhatiti ⁵ cha.Ma. hantunti hanitum Parihatabbati ^1- pariharitabba. Ito hayanti ito ^2- hi matapitito ayam. Ahutoti agato. Sambhutoti uppanno. Ayam vuccati brahmana gahapataggiti ayam puttadaradigano yasma gahapati viya gehasamiko viya hutva aggati vicarati, tasma gahapataggiti vuccati. Attananti cittam. Damentiti indriyadamanena damenti. Samentiti ragadisamanena samenti. Tesanneva parinibbapanena parinibbapenti. Nikkhipitabboti yatha na vinassati, evam thapetabbo. Upavayatanti upavayatu. Evanca pana vatva brahmano sabbesampi tesam pananam jivitam datva yannasalam viddhamsetva satthusasane opanabhuto ahositi.

The Pali Atthakatha in Roman Book 16 page 183-184. http://84000.org/tipitaka/atthapali/read_rm.php?B=16&A=4082&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4082&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=44 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1110 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1125 The Pali Tipitaka in Roman Character :- http://84000.org/tipitaka/read/roman_read.php?B=22&A=1125 Contents of The Tipitaka Volume 22 http://84000.org/tipitaka/read/?index_22