AtthaPali Vol.15

Bhikkhavetiadimaha. Tattha ^1- tam sabbam sabbakarena visuddhimagge ^2- vittharitameva. Tattha vuttanayeneva veditabbam. Ayam pana viseso:- tattha "dukkhasamudayam ariyasaccam yayam tanha ponobbhavika"ti ^3- imaya tantiya agatam, idha "avijjapaccaya sankhara"ti paccayakaravasena. Tattha ca dukkhanirodham ariyasaccam "yo tassayeva tanhaya asesaviraganirodho"ti ^4- imaya tantiya agatam, idha "avijjayatveva asesaviraganirodha"ti paccayakaranirodhavasena. Tattha asesaviraganirodhati asesaviragena ca asesanirodhena ca. Ubhayampetam annamannavevacanameva. Sankharanirodhoti sankharanam anuppattinirodho hoti. Sesapadesupi eseva nayo. Imehi pana padehi yam agamma avijjadayo nirujjhanti, atthato tam nibbanam dipitam hoti. Nibbananhi avijjanirodhotipi sankharanirodhotipi evam tesam tesam dhammanam nirodhanamena kathiyati. Kevalassati sakalassa. Dukkhakkhandhassati vattadukkharasissa. Nirodho hotiti appavatti ^5- hoti. Tattha yasma avijjadinam nirodho nama khinakaropi vuccati arahattampi nibbanampi, tasma idha khinakaradassanavasena dvadasasu thanesu arahattam, dvadasasuyeva nibbanam kathitanti veditabbam. Idam vuccatiti ettha nibbanameva sandhaya idanti vuttam. Atathangikoti na atthahi angehi vinimutto anno maggo nama atthi. Yatha pana pancangikaturiyanti vutte pancangamattameva turiyanti vuttam hoti, evamidhapi atthangikamattameva maggo hotiti veditabbo. Aniggahitoti na niggahito. Nigganhanto hi parihapetva va dasseti vaddhetva tam parivattetva va. Tattha yasma cattari ariyasaccani "na imani cattari, dve va tini va"ti evam hapetvapi "panca va cha va"ti evam vaddhetvapi "na imani cattari ariyasaccani, annaneva cattari ariyasaccani"ti dassetum na sakka. Tasma ayam dhammo aniggahito nama. Sesam sabbattha uttanamevati. @Footnote: ¹ cha.Ma. ayam patho na dissati ² visuddhi. 3/80 indriyasaccaniddesa @1 di.Ma. 10/400/262 samudayasaccaniddesa, Ma.mu. 12/133/90 samudayasaccaniddesa, @abhi.vi. 35/203/120 samudayasacca ² di.Ma. 10/401/264 nirodhasaccaniddesa, @Ma.mu. 12/134/92 nirodhasaccaniddesa, abhi.vi. 35/204/122 nirodhasacca @³ Si. appavattiko

The Pali Atthakatha in Roman Book 15 page 183. http://84000.org/tipitaka/atthapali/read_rm.php?B=15&A=4197&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=4197&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=501 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=4571 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=4631 The Pali Tipitaka in Roman Character :- http://84000.org/tipitaka/read/roman_read.php?B=20&A=4631 Contents of The Tipitaka Volume 20 http://84000.org/tipitaka/read/?index_20