AtthaPali Vol.32

Dharemi antimam deham sammasambuddhasasane. Catupannasito kappe sumekhaliyasavhayo ^1- sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva vimuttisukhappatisamvedanena uppannapitivegena udanento:- ^2- "saddhayaham pabbajito aranne me kutika kata appamatto ca atapi sampajano patissato"ti gatham abhasi. ^2- [59] Tattha saddhayati bhagavato vesalim upagamane anubhavam disva "ekantaniyyanikam idam sasanam, tasma addha imaya patipattiya jaramaranato muccissami"ti uppannasaddhavasena pabbajito pabbajjam upagato. Aranne me kutika katati tassa pabbajjaya anurupavasena aranne vasato me kutika kata, pabbajjanurupam arannako hutva vupakattho viharamiti dasseti. Tenaha "appamatto ca atapi, sampajano patissato"ti. Arannavasaladdhena ^3- kayavivekena jagariyam anuyunjanto tattha satiya avippavasena appamatto, araddhaviriyataya atapi, pubbabhagiyasatisampajannaparipuriya vipassanam vaddhetva arahattadhigamena panna- sativepullappattiya ^4- accantameva sampajano patissato viharamiti attho. Appamattabhavadikittane cassa idameva annabyakaranam ahosi, kosalaratthe ciranivasibhavena pana kosalavihariti samanna jatati. Kosalaviharittheragathavannana nitthita. @Footnote: ¹ Si. sumelayasavhayo ^2-2 cha.Ma. "saddhayaham pabbajito"ti gatham abhasi @³ Si. arannavasena laddhena ⁴ Si. arahattadhigamanapannaya sativepullappattiya

The Pali Atthakatha in Roman Book 32 page 209. http://84000.org/tipitaka/atthapali/read_rm.php?B=32&A=4666&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4666&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=196 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5315 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5558 The Pali Tipitaka in Roman Character :- http://84000.org/tipitaka/read/roman_read.php?B=26&A=5558 Contents of The Tipitaka Volume 26 http://84000.org/tipitaka/read/?index_26