AtthaPali Vol.55

9. Navamanaya sampayuttenasampayuttapadavannana [319] Idani sampayuttenasampayuttapadam bhajetum vedanakkhandhenatiadi araddham. Tattha yam khandhadivasena sampayuttam, puna tasseva khandhadihi sampayogam pucchitva vissajjanam katam. Tam rupena va rupamissakehi va sabbarupakkhandha- sangahakehi va padehi saddhim na yujjati. Rupena hi rupamissakena va annesam sampayogo natthi, sabbarupakkhandhasangahakehi sabbesam sampayogarahanam khandhadinam gahitatta annamyeva natthi, yantena saha sampayogam gaccheyya, tasma tatharupani padani idha na gahitani. Yani pana padani rupena asammissam arupekadesam dipenti, tani idha gahitani. Tesam idamuddanam:- "arupakkhandha cattaro manayatanameva ca vinnanadhatuyo satta dve sacca cuddasindriya. Paccaye dvadasa pada tato upari solasa tikesu attha gocchake tecattalisameva ca. Mahantaraduke satta pada pitthidukesu cha navamassa padassete niddese sangaham gata"ti. @Footnote: ¹ cha.Ma. sabbavissajjanesu ² cha.Ma. icceva Sabbapanhesu pana ye dhamma pucchaya uddhata, te yehi sampayutta honti, tesam vasena khandhadibhedo veditabbo. Vedanakkhandhena hi itare tayo khandha sampayutta, puna tehi vedanakkhandho sampayutto, so tehi sannadihi tihi khandhehi ekena manayatanena sattahi vinnanadhatuhi ekasmim dhammayatane dhammadhatuya ca kehici sannasankhareheva sampayutto. Eseva nayo sabbatthati. Sampayuttenasampayuttapadavannana nitthita. -------------

The Pali Atthakatha in Roman Book 55 page 23-24. http://84000.org/tipitaka/atthapali/read_rm.php?B=55&A=481&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=481&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=315 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1358 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1447 The Pali Tipitaka in Roman Character :- http://84000.org/tipitaka/read/roman_read.php?B=36&A=1447 Contents of The Tipitaka Volume 36 http://84000.org/tipitaka/read/?index_36