AtthaPali Vol.27

3. Tatiyavagga 1. Micchaditthikasuttavannana [70] Tatiyavaggassa pathame dittha mayati maya dittha, mama samantacakkhuna dibbacakkhuna cati dvihipi dittha paccakkhato vidita. Tena anussavadim patikkhipati, ayanca attho idaneva paliyam agamissati. Kayaduccaritena samannagatati kayaduccaritena samangibhuta. Ariyanam upavadakati buddhadinam ariyanam antamaso gihisotapannanampi gunaparidhamsanena abbhutabbhakkhanena upavadaka akkosaka garahaka. Micchaditthikati viparitadassana. Micchaditthikammasamadanati micchadassanahetu samadinnananavidhakamma, ye ca micchaditthimulakesu kayakammadisu annepi samadapenti. Ettha ca vacimanoduccaritaggahaneneva ariyupavadamicchaditthisu gahitasu puna vacanam mahasavajjabhavadassanattham nesam. Mahasavajjo hi ariyupavado anantariyasadiso. Yathaha:- "seyyathapi sariputta bhikkhu silasampanno samadhisampanno pannasampanno dittheva dhamme annam aradheyyam, evam sampadamidam sariputta vadami, tam vacam appahaya tam cittam appahaya tam ditthim appatinissajjitva yathabhatam nikkhitto evam niraye"ti. ^1- Micchaditthito ca mahasavajjataram nama annam natthi. Yathaha:- "naham bhikkhave annam ekadhammampi samanupassami, yam evam mahasavajjataram yathayidam bhikkhave micchaditthi, micchaditthiparamani bhikkhave vajjani"ti. @Footnote: ¹ Ma.mu. 12/149/110 Tam kho panatiadi yathavuttassa atthassa attapaccakkhabhavam dalhataram katva dassetum araddham, tampi suvinneyyameva. Gathasu micchamanam panidhayati abhijjhadinam vasena cittam ayoniso thapetva. Micchavacanca bhasiyati ^1- miccha musavadadivasena vacam bhasitva. Miccha kammani katvanati panatipatadivasena kayakammani katva. Atha va micchamanam panidhayati micchaditthivasena cittam viparitam thapetva. Sesapadadvayepi eseva nayo. Idanissa tathaduccaritacarane karanam dasseti. Appassutoti attano paresanca hitavahena virahitoti attho. Apunnakaroti tato eva ariyadhammassa akovidataya kibbisakari papadhammo. Appasmim idha jiviteti idha manussaloke jivite atiparitte, tatha caha "yo ciram jivati, so vassasatam appam va bhiyyo"ti ^2- appamayu manussananti ^3- ca. Tasma bahussuto sappanno sigham punnani katva saggupago nibbanapatittho va hoti. Yo pana appassuto apunnakaro, kayassa bheda duppanno nirayam so upapajjatiti. Pathamasuttavannana nitathita. -------------

The Pali Atthakatha in Roman Book 27 page 249-250. http://84000.org/tipitaka/atthapali/read_rm.php?B=27&A=5473&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5473&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=248 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5748 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5687 The Pali Tipitaka in Roman Character :- http://84000.org/tipitaka/read/roman_read.php?B=25&A=5687 Contents of The Tipitaka Volume 25 http://84000.org/tipitaka/read/?index_25