AtthaPali Vol.39

Kukkutajatakam sucittapattacchadanati idam sattha jetavane viharanto ekam ukkanthitabhikkhum arabbha kathesi. Tam hi bhikkhum sattha kasma ukkanthitositi pucchitva ekam alankatapatiyattam itthim disva kilesavasena bhanteti vutte bhikkhu itthiyo nama vancetva upalapetva attano vasam gatakale vinasam papenti lolavilari viya hontiti vatva tunhi ahosi tena yacito atitam ahari atite baranasiyam brahamdatte rajjam karente bodhisatto aranne kukkutayoniyam nibbattitva anekasatakukkutaparivaro aranne vasati. Tassavidure eka vilarikapi vasati. Sa thapetva bodhisattam sesakukkute upayena vancetva khadi. Bodhisatto tassa gahanam na gacchati. Sa cintesi ayam kukkuto ativiya satho amhakanca sathabhavam upayakusalabhavanca na janati imam maya bhariya te bhavissamiti upalapetva attano vasam agatakale khaditum vattatiti. Sa tena nisinnarukkhamulam gantva vannabhasitapubbangamaya vacaya tam yacamana pathamam gathamaha sucittapattacchadana lambaculavihangama oroha dumasakhaya mudha bhariya bhavami teti. Tattha sucittapattacchadanati sucittehi pattehi katacchadana. Mudhati vina mulena na kinci gahetva aham bhariya bhavami. Tam sutva bodhisatto imaya mama sabbe nataka khadita idani mam upalobhetva khaditukama uyyojessami nanti cintetva dutiyam gathamaha catuppadi tvam kalyani dvipadaham manorame migi pakkhi asamyutta annam pariyesa samikanti. Tattha migiti vilarim sandhayaha. Asamyuttati jayapatika bhavitum asamyutta asambandha natthi tesam idiso sambandhoti dipeti. Tam sutva tato sa ayam ativiya satho yenakenaci upayena vancetva nam khadissamiti cintetva tatiyam gathamaha komarika te hessami manjuka piyabhanini vinda mam ariyena vedena kalyanim brahmacarininti. Tattha komarikati aham ettakam kalam annam purisam na janami tava komarika bhariya bhavissamiti vadati. Manjuka piyabhaniniti tava madhurakatha piyabhaniniyeva bhavissami. Vinda manti patilabha mam. Ariyena vedenati sundarena patilabhena ahampi hi ito pubbe purisasamphassam na janami tvampi itthisamphassam na janasi iti pakatiya brahmacarinim mam niddosena labhena labhasi mam icchasi atha me vacanam na saddahasi dvadasayojanaya baranasiya Bherincarapetva ayam mama dasiti sava mam attano dasim katva ganhati vadati. Tam sutva tato bodhisatto imam tajjetva palapetum vattatiti cintetva catuttham gathamaha kunapadi lohitape cori kukkutapothini na tvam ariyena vedena mamam bhattaramicchasiti. Tattha na tvam ariyenati tvam ariyena brahmacariyavasena labhena na mam bhattaram icchasi vancetva pana khaditukamasi nassa papeti tam palapesi. Sa pana palayitva gantva puna oloketumpi na visahiti. Ima abhisambuddhagatha abhasi evampi catura nari disvana pavaram naram nenti sanhahi vacahi vilari viya kukkutam. Yo ca uppatitam attham na khippamanubujjhati amittavasamanveti paccha ca manutappati. Yo ca uppatitam attham khippameva nibodhati muccate sattusambadha kukkutova vilariyati. Ima abhisambuddhagatha. Tattha caturati caturiyena samannagata. Nariti itthiyo. Nentiti attano vasam upanenti. Vilari viyati yatha sa vilari tam kukkutam netam vayami evam anna nariyo nentiyeva. Uppatitam Atthanti uppannam kincideva attham. Na bujjhatiti yathasabhavena na janati paccha ca anutappati. Kukkutovati yatha so nanasampanno kukkuto vilarito mutto evam sattusambadhato muccatiti attho. Sattha imam dhammadesanam aharitva saccani pakasetva jatakam samodhanesi saccapariyosane ukkanthitabhikkhu sotapattiphale patitthahi tada kukkutaraja pana ahameva ahositi. Kukkutajatakam atthamam.

The Pali Atthakatha in Roman Book 39 page 50-53. http://84000.org/tipitaka/atthapali/read_rm.php?B=39&A=992&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=992&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=886 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4006 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3978 The Pali Tipitaka in Roman Character :- http://84000.org/tipitaka/read/roman_read.php?B=27&A=3978 Contents of The Tipitaka Volume 27 http://84000.org/tipitaka/read/?index_27