AtthaPali Vol.1

{131} Evam vatthuvasena ca cittavasena ca apattibhedam dassetva idani anapattim dassento anapatti sakasannissatiadimaha. Tattha sakasannissati sakasannissa mayham santakam idam bhandanti evam sannissa parabhandampi ganhato gahane anapatti. Gahitam puna databbam sace samikehi dehiti vutto. Na deti tesam dhuranikkhepe parajikam. Vissasaggaheti vissasaggahane anapatti. Vissasaggahalakkhanam pana imina suttena janitabbam anujanami bhikkhave pancahangehi samannagatassa vissasam gahetum sandittho ca hoti sambhatto ca alapito ca jivati ca gahite ca attamanoti. Tattha sanditthoti ditthamattakamitto. Sambhattoti dalhamitto. Alapitoti mama santakam yam icchasi tam ganheyyasi apucchitva gahane karanam natthiti vutto. Jivatiti anutthanaseyyaya sayitopi yava jivitindriyupacchedam na papunati. Gahite ca attamanoti

--------------------------------------------------------------------------------------------- page454.

Gahite tutthacitto hoti. Evarupassa santakam gahite attamano bhavissatiti janante gahetum vattati. Avasesapariyadanavasena cetani panca angani vuttani. Vissasaggaho pana tihi angehi ruhati sandittho jivati gahite attamano sambhatto jivati gahite attamano alapito jivati gahite attamanoti. Yo pana jivati na ca gahite attamano hoti tassa santakam vissasaggahena gahitampi puna databbam. Dadamanena ca matakadhanantava ye tassa dhane issara gahattha va pabbajita va tesam databbam. Anattamanassa santakam tasseva databbam. Yo pana pathamameva sutthu katam taya mama santakam ganhantenati vacibhedena va cittuppadamatteneva va anumoditva paccha kenaci karanena kupito paccaharapetum na labhati ^1-. Yopi adatukamo cittena pana adhivaseti na kinci vadati sopi puna paccaharapetum na labhati. Yo pana maya tumhakam santakam gahitam va paribhuttam vati vutte gahitam va hotu paribhuttam va maya pana tam kenacideva karaniyena thapitam tam pakatikam katum vattatiti vadati ayam paccaharapetum labhati. Tavakaliketi patidassami patikarissamiti evam ganhantassa tavakalikepi gahane anapatti. Gahitampana sace bhandassamiko puggalo va gano va tuyhevetam hotuti anujanati iccetam kusalam no ce anujanati aharapente databbam. Sanghasantakam pana patidatumeva vattati. @Footnote: ^1. yo pana pathamameva...anumodati so paccha...na labhatiti paripunnavakyena bhavitabbam.

--------------------------------------------------------------------------------------------- page455.

Petapariggaheti ettha pana pittivisaye uppannapi kalam katva tasmimyeva attabhave nibbattapi catummaharajikadayopi deva sabbe petatveva sankhyam gata tesam pariggahe anapatti. Sacepi hi sakko devaraja apanam pasaretva nisinno hoti dibbacakkhuko ca bhikkhu tam natva attano civaratthaya satasahassagghanakampi satakam tassa ma ganha ma ganhati viravantassapi gahetva gacchati vattati. Devata pana uddissa balikammam karontehi rukkhadisu laggitasatake vattabbameva natthi. Tiracchanagatapariggaheti tiracchanagatanampi pariggahe anapatti. Sacepi hi nagaraja va supannamanavako va manussarupena apanam pasareti tato cassa santakam koci bhikkhu purimanayeneva gahetva gacchati vattati. Siho va bayaggho va migamahisadayo vadhitva akhadanto jighacchapilito aditova na varetabbo anatthampi hi kareyya. Yadi pana thoke khayite varetum sakkoti varetva gahetum vattati. Senadayopi amisam gahetva gacchante patapetva ganhitum vattati. Pamsukulasannissati assamikam idam pamsukulanti evam sannissapi gahane anapatti. Sace pana tam sassamikam hoti aharapente databbam. Ummattakassati pubbe vuttappakarassa ummattakassapi anapatti. Adikammikassati idha dhaniyo adikammiko tassa anapatti. Avasesanam pana rajakabhandikadicoranam chabbaggiyadinam apattiyevati. Padabhajaniyavannana nitthita.

--------------------------------------------------------------------------------------------- page456.

Samutthananca kiriya atho sanna sacittakam lokavajjanca kammanca kusalam vedanaya cati imasmim pana pakinnake idam tisamutthanam sahatthikam kayato ca cittato ca samutthati anattikam vacato ca cittato ca samutthati sahatthikanattikam kayato ca vacato ca cittato ca samutthati kiriyasamutthananca karontoyeva hi etam apajjati na akaronto adinnam adiyamiti sannaya abhavena muccanto sannavimokkham sacittakam lokavajjam kayakammam vacikammam akusalacittam tuttho va bhito va majjhatto va tam apajjatiti tivedanikanti sabbam pathamasikkhapade vuttanayeneva veditabbam.

The Pali Atthakatha in Roman Book 1 page 453-456. http://84000.org/tipitaka/atthapali/read_rm.php?B=1&A=9525&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=9525&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=125 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=6651 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1991 The Pali Tipitaka in Roman Character :- http://84000.org/tipitaka/read/roman_read.php?B=1&A=1991 Contents of The Tipitaka Volume 1 http://84000.org/tipitaka/read/?index_1