|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
11. Saccavibhangasuttavannana [371] Evamme sutanti saccavibhangasuttam. Tattha acikkhanati idam dukkham ariyasaccam nama .pe. Ayam dukkhanirodhagamini patipada ariyasaccam namati. Sesapadesupi eseva nayo. Apicettha pannapana nama dukkhasaccadinam thapana. Asanam thapento hi asanam pannapetiti vuccati. Patthapanati pannapana. Vivaranati vivattakarana. Vibhajanati vibhagakiriya. Uttanikammanti pakatabhavakaranam. Anuggahakati amisasangahena dhammasangahenati dvihipi sangahehi anuggahaka. Janetati 1- janika mata. Apadetati poseta. Posikamata viya moggallanoti dipeti. Janikamata hi nava va dasa va mase lonambiladini pariharamana kucchiya darakam dharetva kucchito nikkhantam posikamataram dhatim paticchapeti, sa khiranavanitadihi darakam posetva 2- vaddheti. So vuddhimagamma yathasukham vicarati. Evameva sariputto attano va paresam va santike pabbajite dvihi sangahehi sanganhanto gilane patijagganto kammatthane yojetva sotapannabhavam natva apayabhayehi vutthitakalato patthaya "idani paccattapurisakarena uparimagge nibbattessanti"ti tesu anapekkho hutva anne nave nave ovadati. Mahamoggallanopi attano va paresam va santike pabbajite tatheva sanganhitva kammatthane yojetva hettha tini phalani pattesupi anapekkhatam na apajjati. Kasma? evam kirassa hoti:- vuttam bhagavata "seyyathapi bhikkhave appamattakopi gutho duggandho hoti .pe. Appamattakampi muttam, khelo, pubbo, lohitam duggandham hoti, evameva kho aham bhikkhave appamattakampi bhavam na vannemi antamaso accharasanghatamattampiti. 3- Tasma yava arahattam na papunanti, tava tesu anapekkhatam anapajjitva arahattam pattesuyeva apajjati. Tenaha bhagava "seyyathapi bhikkhave janeta evam sariputto. Seyyathapi jatassa apadeta evam moggallano. Sariputto bhikkhave sotapattiphale vineti, moggallano uttamatthe"ti. Pahotiti sakkoti. @Footnote: 1 Si. janettiti 2 Si. payetva 3 an. ekaka. 20/320-321/36--------------------------------------------------------------------------------------------- page224.
Dukkhe nananti savanasammasanapativedhananam, tatha dukkhasamudaye. Dukkhanirodhe savanapativedhananam vattati, tatha dukkhanirodhagaminiya patipadaya. Nekkhammasankappadisu kamapaccanikatthena kamato nissatabhavena va, kamam sammasantassa uppannoti va, kamapadaghatam kamavupasamam karonto uppannoti va, kamavivittante uppannoti va nekkhammasankapPo. Sesapadadvayepi eseva nayo. Sabbepi cete pubbabhage nanacittesu, maggakkhane ekacitte labbhanti. Tatra hi micchasankappacetanaya samugghatako ekova sankappo labbhati, na nana labbhati. Sammavacadayopi pubbabhage nanacittesu, vuttanayeneva maggakkhane ekacitte labbhanti. Ayamettha sankhepo, vittharena pana saccakathavisuddhimagge ca sammaditthisutte 1- ca vuttayevati. Papancasudaniya majjhimanikayatthakathaya saccavibhangasuttavannana nitthita. ----------------The Pali Atthakatha in Roman Book 10 page 223-224. http://84000.org/tipitaka/atthapali/read_rm.php?B=10&A=5671&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=5671&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=698 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=9020 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=8962 The Pali Tipitaka in Roman Character :- http://84000.org/tipitaka/read/roman_read.php?B=14&A=8962 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]