|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Nandakovadasuttavannana [398] Evamme sutanti nandakovadasuttam. Tattha tena kho pana samayenati bhagava mahapajapatiya yacito bhikkhunisamgham uyyojetva bhikkhusamgham sannipatetva "thera bhikkhu varena bhikkhuniyo ovadantu"ti samghassa bharam akasi. Tam sandhayetam vuttam. Tattha pariyayenati varena. Na icchatiti attano vare sampatte duram gamam va gantva sucikammadini va arabhitva "ayam namassa papanco"ti 1- vadapesi. Imam pana pariyayena ovadam bhagava nandakattherasseva karana akasi. Kasma? imasam hi bhikkhuninam theram disva cittam ekaggam hoti pasidati, tena Ta therassa ovadam sampaticchitukama, dhammakatham sotukama. Tasma bhagava "nandako attano vare sampatteva ovadam dassati, dhammakatham kathessati"ti varena ovadam akasi. Thero pana attano varam na karoti, kasmati ce. Ta kira bhikkhuniyo pubbe therassa jambudipe rajjam karentassa orodha ahesum. Thero pubbenivasananena karanam natva cintesi "mam imassa bhikkhunisamghassa majjhe nisinnam upamayo ca karanani ca aharitva dhammam kathayamanam disva anno pubbenivasananalabhi bhikkhu imam karanam oloketva `ayasma nandako yavajjadivasapi orodhe na vissajjeti, sobhatayasma orodhaparivuto'ti vattabbam manneyya"ti. Etamattham sampassamano thero attano varam na karoti. imasanca kira bhikkhuninam therasseva dhammadesana sappaya bhavissatiti natva atha kho bhagava ayasmantam nandakam amantesi. Tasam pana bhikkhuninam pubbe tassa orodhabhavajananattham idam vatthu:- pubbe kira baranasiyam panca dasasatani ca panca dasisatani cati janghasahassam ekatova kammam katva ekasmim thane vasi. Ayam nandakatthero tasmim kale jetthakadaso hoti, gotami jetthakadaSi. Sa jetthakadasassa padaparicarika ahosi pandita byatta. Janghasahassampi punnakammam karontam ekato karoti. Atha vassupanayikasamaye panca paccekabuddha chandamulakapabbharato isipatane otaritva nagare pindaya caritva isipatanameva gantva "vassupanayikakutiya @Footnote: 1 Ma. sampattoti--------------------------------------------------------------------------------------------- page246.
Atthaya hatthakammam yacissama"ti civaram parupitva sayanhasamaye nagaram pavisitva setthissa gharadvare atthamsu. Jetthakadasi kutim gahetva udakatittham gacchanti paccekabuddhe nagaram pavisante addasa. Setthi tesam agatakaranam sutva "amhakam okaso natthi, gacchantu"ti aha. Atha te nagara nikkhamante jetthakadasi kutam gahetva pavisanti disva kutam otaretva vanditva onametva mukham pidhaya "ayya nagaram pavitthamattava nikkhanta, kim nu kho"ti pucchi. Vassupanayikakutiya hatthakammam yacitum agamimhati. Laddham bhanteti. Na laddham upasiketi. Kim panesa kuti issareheva katabba, duggatehi sakka katunti. Yena kenaci sakkati. Sadhu bhante mayam karissama, sve mayham bhikkham ganhathati nimantetva udakam netva puna kutim gahetva agamma titthamagge thatva agata avasesadasiyo "ettheva hotha"ti vatva sabbasam agatakale aha "amma kim niccameva parassa dasakammam karissatha, udahu dasabhavato muccitum icchatha"ti. Ajjeva muccitumicchama ayyeti. Yadi evam maya panca paccekabuddha hatthakammam alabhanta svatanaya nimantita, tumhakam samikehi ekadivasam hatthakammam dapethati. Ta sadhuti sampaticchitva sayam atavito agatakale samikanam arocesum. Te sadhuti jetthakadasassa gehadvare sannipatimsu. Atha ne jetthakadasi svatanaya 1- paccekabuddhanam hatthakammam dethati anisamsam acikkhitva yepi na katukama, te galhena ovadena tajjetva paticchapesi. Sa punadivase paccekabuddhanam bhattam datva sabbesam dasaputtanam sannam adasi. Te tavadeva arannam pavisitva dabbasambhare samodhanetva satam satam hutva ekekakutim ekekacankamanadiparivaram katva mancapithapaniya- paribhojaniyadini thapetva paccekabuddhe temasam tattha vasanatthaya patinnam karetva varabhikkham patthapesum. Yo attano varadivase na sakkoti, tassa jetthakadasi sakagehato aharitva deti. Evam temasam jaggitva jetthakadasi @Footnote: 1 cha.Ma. sve tata--------------------------------------------------------------------------------------------- page247.
Ekekam dasam ekekam satakam vissajjapesi. Panca thulasatakasatani ahesum. Tani parivattapetva pancannam paccekabuddhanam ticivarani katva adasi. Paccekabuddha yathaphasukam agamamsu. Tampi janghasahassam ekato kusalam katva kayassa bheda devaloke nibbatti. Tani panca matugamasatani kalena kalam tesam pancannam purisasatanam gehe honti, athekasmim kale jetthakadasaputto devalokato cavitva rajakule nibbatto, tapi pancasata devakanna mahabhogakulesu nibbattitva tassa rajje thitassa geham agamamsu. Etena niyamena samsarantiyo amhakam bhagavato kale koliyanagare ca devadahanagare ca khattiyakulesu nibbatta. Nandakatthero pabbajitva arahattam patto, jetthakadasidhita vayam agamma suddhodanamaharajassa aggamahesitthane thita, itarapi tesam tesam rajaputtanamyeva gharam gata. Tasam samika pancasata rajakumara udakacumbatakalahe satthu dhammadesanam sutva pabbajita, rajadhitaro tesam ukkanthanattham sasanam pesesum. Te ukkanthite bhagava kunaladaham netva sotapattiphale patitthapetva mahasamayadivase arahatte patitthapesi. Tapi pancasata rajadhitaro nikkhamitva mahapajapatiya santike pabbajimsu. Ayamayasma nandako etava ta bhikkhuniyoti evametam vatthu dipetabbam. Rajakaramoti pasenadina karito nagarassa dakkhinadisabhage thuparamasadise thane viharo. [399] Sammappannaya suditthanti hetuna karanena vipassanapannaya yathavasarasato dittham. [401] Tajjam tajjanti tamsabhavam tamsabhavam, atthato pana tam tam paccayam paticca ta ta vedana uppajjantiti vuttam hoti. [412] Pagevassa chayati muladini nissaya nibbatta chaya pathamataramyeva anicca.--------------------------------------------------------------------------------------------- page248.
[413] Anupahaccati anupahanitva. Tattha mamsam pindam pindam katva cammam alliyapento mamsakayam upahanati nama. Cammam baddham baddham katva 1- mamse alliyapento mamsakayam upahanati nama. Evam akatva. Vilimamsanharubandhananti sabba sabbacamme laggavilipanamamsameva. Antarakilesasamyojanabandhananti sabbam antarakilesameva 2- sandhaya vuttam. [414] Satta kho panimeti kasma ahati. Ya hi esa panna kilese chindatiti vutta, sa na ekikava attano dhammataya chinditum sakkoti. Yatha pana kuthari na attano dhammataya chejjam chindati, purisassa tajjam vayamam paticceva chindati, evam na vina chahi bojjhangehi panna kilese chinditum sakkoti. Tasma evamaha. Tena hiti yena karanena taya cha ajjhattikani ayatanani, cha bahirani, cha vinnanakaye, dipopamam, rukkhopamam, gavupamanca dassetva sattahi bojjhangehi asavakkhayena desana nitthapita, tena karanena tvam svepi ta bhikkhuniyo teneva ovadena ovadeyyasiti. [415] Sa sotapannati ya sa gunehi sabbapacchimika, sa sotapanna. Sesa pana sakadagamianagaminiyo ca khinasava ca. Yadi evam katham paripunnasankappati. Ajjhasayaparipuriya. Yassa hi bhikkhuniya evamahosi "kada nu kho aham ayyassa nandakassa dhammadesanam sunanti tasminneva asane sotapattiphalam sacchikareyyan"ti, sa sotapattiphalam sacchakasi. Yassa ahosi "sakadagamiphalam anagamiphalam arahattan"ti, sa arahattam sacchakasi. Tenaha bhagava "attamana ceva paripunnasankappa ca"ti. Papancasudaniya majjhimanikayatthakathaya nandakovadasuttavannana nitthita. ------------------ @Footnote: 1 Si. vattam katva, tika. baddham katva @2 Si. antarakilesameva, Ma.,ka. antaram kilesamevaThe Pali Atthakatha in Roman Book 10 page 245-248. http://84000.org/tipitaka/atthapali/read_rm.php?B=10&A=6232&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=6232&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=766 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=9746 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=9712 The Pali Tipitaka in Roman Character :- http://84000.org/tipitaka/read/roman_read.php?B=14&A=9712 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]