|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Upanisasuttavannana
[23] Tatiye "janato ahan"tiadisu janatoti janantassa. Passatoti
passantassa. Dvepi padani ekatthani, byanjanameva nanam. Evam santepi
"janato"ti nanalakkhanam upadaya puggalam niddisati. Ajananalakkhanam hi nanam.
"passato"ti nanappabhavam upadaya. Passanappabhavam hi nanam, nanasamangi
puggalo cakkhuma viya cakkhuna rupani, nanena vivate dhamme passati. Asavanam
khayanti ettha asavanam pahanam asamuppado khinakaro natthibhavoti ayampi
asavakkhayoti vuccati, bhangopi maggaphalanibbananipi. "asavanam khaya anasavam
cetovimuttin"tiadisu 1- hi khinakaro asavakkhayoti vuccati. "yo asavanam khayo
vayo bhedo paribhedo aniccata antaradhanan"ti 2- ettha bhango.
"sekkhassa sekkhamanassa 3- ujumagganusarino
khayasmim pathamam nanam tato anna anantara"ti 4-
ettha maggo. So hi asave khepento vupasamento uppajjati, tasma asavanam
khayoti vutto. "asavanam khaya samano hoti"ti ettha phalam. Tam hi asavanam
khinante. Uppajjati, tasma asavanam khayoti vuttam.
"asava tassa vaddhanti ara so asavakkhaya"ti 5-
ettha nibbanam. Tam hi agamma asava khiyanti, tasma asavanam khayoti vuttam. Idha
@Footnote: 1 Ma.mu. 12/438/386, abhi.vi. 35/831/420
@2 abhi.vi. 35/354/228 (atthato samanam) 3 cha.Ma.,i. sikkhamanassa
@4 khu.iti. 25/62/279 5 khu.dha. 25/253/60 ajjhanasannittheravatthu
---------------------------------------------------------------------------------------------
page61.
Pana maggaphalani adhippetani. No ajanato no apassatoti yo pana na janati
na passati, tassa no vadamiti attho. Etena ye ajanato apassatopi
samsaradihiyeva suddhim vadanti, te patikkhitta honti. Purimena padadvayena
upayo vutto, imina anupayam patisedheti.
Idani yam janato asavanam khayo hoti, tam dassetukamo kinca bhikkhave
janatoti puccham arabhi. Tattha janana bahuvidha. Dabbajatiko 1- eva hi koci
bhikkhu chattam katum janati, koci civaradinam annataram, tassa idisani kammani
vattasise thatva karontassa sa janana saggamaggaphalanam 2- padatthanam na hotiti
na vattabba. 3- Yo pana sasane pabbajitva vejjakammadini katum janati,
tassevam janato asava vaddhantiyeva. Tasma yam janato passato ca asavanam
khayo hoti, tadeva dassento iti rupantiadimaha. Evam kho bhikkhave janatoti
evam pancannam khandhanam udayabbayam janantassa. Asavanam khayo hotiti asavanam
khayante jatatta "asavanam khayo"ti laddhanamam arahattam hoti.
Evam arahattanikutena desanam nitthapetva idani khinasavassa agamaniyam
pubbabhagapatipadam dassetum yampi 4- tam bhikkhavetiadimaha. Tattha khayasmim khaye
nananti asavakkhayasankhate arahattaphale patiladdhe sati pativedhananam. 5- Tam hi
arahattaphalasankhate khayasmim pathamavaram uppanne paccha uppannatta khayenananti
vuccati. Saupanisanti sakaranam sappaccayam. Vimuttiti arahattaphalavimutti.
Sa hi tassa upanissayapaccayena paccayo hoti. Evam ito paresupi labbhamanavasena
paccayabhavo veditabbo.
Viragoti maggo. So hi kilese virajento 6- khepento uppanno,
tasma viragoti vuccati. Nibbidati nibbidananam. Etena balavavipassanam dasseti.
@Footnote: 1 Ma. sippajatiko 2 Si. maggaphalanam 3 cha.Ma.,i. vattabbam
@4 cha.Ma., i. yampissa 5 cha.Ma., i. paccavekkhanananam 6 Si. virajjento
---------------------------------------------------------------------------------------------
page62.
Balavavipassanati bhayatupatthane nanam adinavanupassane nanam muncitukamyatananam
sankharupekkhanananti catunnam nananam adhivacanam. Yathabhutananadassananti
yathasabhavajananasankhatam dassanam. Etena tarunavipassanam dasseti. Tarunavipassana
hi balavavipassanaya paccayo hoti. Tarunavipassanati sankharaparicchede nanam
kankhavitarane nanam sammasane nanam maggamagge nananti catunnam nananam
adhivacanam. Samadhiti padakajjhanasamadhi. So hi tarunavipassanaya paccayo hoti.
Sukhanti appanaya pubbabhagasukham. Tam hi padakajjhanassa paccayo hoti. Passaddhiti
darathapatipassaddhi. Sa hi appanapubbabhagassa sukhassa paccayo hoti. Pititi
balavapiti. Sa hi darathapassaddhiya 1- paccayo hoti. Pamojjanti dubbalapiti. Sa
hi balavapitiya paccayo hoti. Saddhati aparaparam uppajjanasaddha. Sa hi
dubbalapitiya paccayo hoti. Dukkhanti vattadukkham. Tam hi aparaparasaddhaya paccayo
hoti. Jatiti savikarakkhandhajati. 2- Sa hi vattadukkhassa paccayo hoti. Bhavoti
kamabhavo. 3- Etenupayena sesapadanipi veditabbani.
Thullaphusitaketi mahaphusitake. Pabbatakandarapadarasakhati ettha kandaram nama
`kan'ti laddhanamena udakena darito udakabhinno pabbatapadeso, yo "nitambo"tipi
"nikunjo"tipi 4- vuccati. Padaram nama addhamase 5- deve avassante phalito
bhumippadeso. Sakhati kusubbhagaminiyo khuddakamatikayo. Kusubbhati khuddakaavata.
Mahasobbhati mahaavata. Kunnadiyoti khuddakanadiyo. Mahanadiyoti
gangayamunadika mahasarita. Evameva kho bhikkhave avijjupanisa sankharatiadisu
avijja pabbatoti datthabba, abhisankhara meghoti, vinnanadivattam kandaradayoti,
vimutti sagaroti.
@Footnote: 1 cha.Ma., i. darathapatippassaddhiya
@2 cha.Ma., i. savikara khandhajati 3 cha.Ma. kammabhavo
@4 cha.Ma., i. nadikunchotipi 5 cha.Ma., i. atthamase
---------------------------------------------------------------------------------------------
page63.
Yatha pabbatamatthake devo vassitva pabbatakandaradini purento
anupubbena mahasamuddasagaram pureti, evam avijjapabbatamatthake tava abhisankharameghassa
vassanam veditabbam. Assutava hi balaputhujjano avijjaya annani hutva
tanhaya abhilasam katva kusalakusalakammam ayuhati, tam kusalakusalakammam
patisandhivinnanassa paccayo hoti, patisandhivinnanadini namarupadinam. Iti
pabbatamatthake vutthadevassa kandaradayo puretva mahasamuddam ahacca thitakalo
viya avijjapabbatamatthake vutthaabhisankharameghassa paramparapaccayataya anupubbena
vinnanadivattam 1- puretva thitakalo. Buddhavacanam pana paliyam agahitampi "idha
tathagato loke uppajjati, agarasma anagariyam pabbajati"ti imaya paliya
vasena gahitamevati veditabbam. Ya hi tassa kulagehe nibbatti, sa kammabhavapaccaya
savikara jati nama. So pubbabuddhanam 2- va buddhasavakanam va sammukhibhavam agamma
vattadosadipakalakkhanahatam dhammakatham sutva vattasena pilito hoti, evamassa
savikara khandhajati vattadukkhassa paccayo hoti. So vattadukkhena pilito
aparaparam saddham janetva agarasma anagariyam pabbajati, evamassa vattadukkham
aparaparasaddhaya paccayo hoti. So pabbajjamatteneva asantuttho unapancavassakale
nissayam gahetva vattapatipattim purento dve matika pagunam katva kammakammam
uggahetva yava arahatta nijjatam katva kammatthanam gahetva aranne
vasanto pathavikasinadisu kammam arabhati, tassa kammatthanam nissaya dubbala piti
uppajjati. Tadassa saddhupanisam pamojjam, tam balavapitiya paccayo hoti. Balavapiti
darathapatippassaddhiya, sa appanapubbabhagasukhassa, tam sukham padakajjhanasamadhissa.
So samadhina pattakallam tam 3- janetva tarunavipassanaya
@Footnote: 1 Si. vinnanadikandaravattam
@2 Ma. sutabuddhanam, cha. buddhanam 3 cha.Ma. cittakallatam
---------------------------------------------------------------------------------------------
page64.
Kammam karoti. Iccassa padakajjhanasamadhi tarunavipassanaya paccayo hoti,
tarunavipassana balavavipassanaya, balavavipassana maggassa, maggo phalavimuttiya,
phalavimutti paccavekkhanassati. 1- Evam devassa anupubbena sagaram puretva thitakalo
viya khinasavassa vimuttisagaram puretva thitakalo veditabboti. Tatiyam.
The Pali Atthakatha in Roman Book 12 page 60-64.
http://84000.org/tipitaka/atthapali/read_rm.php?B=12&A=1328&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=1328&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=16&i=68
เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=704
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=718
The Pali Tipitaka in Roman Character :-
http://84000.org/tipitaka/read/roman_read.php?B=16&A=718
Contents of The Tipitaka Volume 16
http://84000.org/tipitaka/read/?index_16
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]