AtthaPali Vol.12

page118.

Avajjitva ^1- anagate bhikkhu cattaro paccaye paccavekkhitva paribhunjissanti"ti. Imaya atthuppattiyam ^2- imam puttamamsupamasuttantam nikkhipi. Tattha cattarome bhikkhave aharatiadi hettha vuttatthameva. Cattaro pana ahare vittharetva idani tesu adinavam dassetum kathanca bhikkhave kavalikaro aharo datthabbotiadimaha. Tattha jayapatikati ^3- jaya ceva pati ca. Parittam sambalanti putabhattasattumodakadinam annataram appamattakam patheyyam. Kantaramagganti kantarabhutam maggam kantare va maggam. Kantaranti ^4- corakantaram valakantaram amanussakantaram nirudakakantaram appabhakkhakantaranti pancavidham. Tesu yattha corabhayam atthi, tam corakantaram. Yattha sihabyagghadayo vala atthi, tam valakantaram. Yattha balavamukhayakkhiniadinam amanussanam vasena bhayam atthi, tam amanussakantaram. Yattha patum va nhayitum va udakam natthi, tam nirudakakantaram. Yattha khaditabbam va bhunjitabbam va antamaso kandamuladimattampi natthi, tam appabhakkhakantaram nama. Yattha panetam pancavidhampi bhayam atthi, tam kantarameva. Tam panetam ekahadvihatihadivasena nittharitabbampi atthi, na tam idha adhippetam. Idha pana nirodakaappabhakkham yojanasatikakantaram ^5- adhippetam. Evarupe kantare maggam kantaramaggam. ^6- Patipajjeyyunti chatakabhayena ceva rogabhayena ca rajabhayena ca upadduta patipajjeyyum "etam kantaram nittharitva dhammikassa ranno nirupaddave rajje ^7- sukham vasissama"ti mannamana. Ekaputtakoti ukkhipitva gahito anukampitabbayuttako kisasariro ^8- ekaputtako. Valluranca sondikancati ghanaghanatthanato gahetva valluram, @Footnote: ¹ cha.Ma., i. avajjitva avajjitva ² cha.Ma. imaya atthuppattiya @³ cha.Ma., i. jayampatika ⁴ Si., i. kantaram hi ⁵ Si.,Ma., i. yojanasatam kantaram @⁶ cha.Ma. evarupe kantare maggam, Si.,i. evarupam kantaramaggam @⁷ cha.Ma., i. ratthe ⁸ Ma. atisariro, cha. athirasariro

--------------------------------------------------------------------------------------------- page119.

Atthinissitasiranissitatthanani gahetva thulamamsancati ^1- attho. Patipimseyyunti pahareyyum. Kaham ekaputtakati ayantesam paridevanakaro. Ayam panettha bhutamattham katva adito patthaya sankhepato atthavannana:- dve kira jayapatika puttam gahetva parittena patheyyena yojanasatikam kantaramaggam patipajjimsu. Te ^2- pannasa yojanani gantva ^3- patheyye nitthapite ^4- khuppipasatura virulhacchayayam ^5- nisidimsu. Tato puriso bhariyam aha "bhadde ito samanta pannasa yojanani gamo va nigamo va natthi, tasma yantam purisena katabbam bahumpi kasigorakkhadikammam, na dani sakka tam maya katum, ehi mam maretva upaddhamamsam khaditva upaddham patheyyam katva puttena saddhim kantaram nittharahi"ti. Sapi ^6- tam aha "sami maya dani yantam itthiya katabbam bahumpi suttakantanadikammam, tam katum na sakka, ehi mam maretva upaddhamamsam khaditva upaddham patheyyam katva puttena saddhim kantaram nittharahi"ti. Puna sopi tam aha "bhadde matugamamaranena dvinnam maranam pannayati. Na hi mando kumaro matara vina jivitum sakkoti. Yadi pana mayam jivama. Puna darakam labheyyama. Handa dani puttakam maretva mamsam gahetva kantaram nittharama"ti. Tato mata puttamaha "tata pitu santikam gaccha"ti, so agamasi. Athassa pita "maya `puttakam posessami'ti kasigorakkhadihi anappakam dukkhamanubhutam, na sakkomi puttam maretum, tvamyeva tava puttam marehi"ti vatva "tata matu santikam gaccha"ti aha. So agamasi. Athassa matapi "maya puttam patthentiya govattakukkuravattadevatayacanadihipi tava anappakam dukkhamanubhutam, ko pana vado kucchina pariharantiya, na sakkomaham puttam maretun"ti vatva @Footnote: ¹ cha., i. sulamamsancati ² cha.Ma., i. tesam @³ Si., i. gatanam ⁴ cha.Ma., i. patheyyam nitthasi, te @⁵ cha.Ma., i. viralacchayayam ⁶ cha.Ma. puna sapi

--------------------------------------------------------------------------------------------- page120.

"tata pitu santikameva gaccha"ti aha. Evam so dvinnam antara gacchantoyeva mato. Te tam disva paridevitva vuttanayena mamsani gahetva khadanta pakkamimsu. Tesam so puttamamsaharo navahi karanehi patikulatta neva davaya hoti, na madaya, na mandanaya, na vibhusanaya, kevalam kantaranittharanatthayeva hoti. Katamehi navahi karanehi patikuloti ce? sajatimamsataya natimamsataya puttamamsataya Piyaputtamamsataya tarunamamsataya amakamamsataya agorasataya ^1- alonataya adhupitatayati. Evam hi tehi ^2- navahi karanehi patikulam tam puttamamsam khadanta na saratta bhijjamanasa ^3- hutva khadimsu, majjhattabhaveyeva pana nicchandaragaparibhoge thita khadimsu. Na atthinaharucammanissitatthanani apanetva thulathulam varamamsameva khadimsu, hatthasampattam mamsameva pana khadimsu. Na yavadattham kanthapamanam katva khadimsu, thokam thokam pana ekadivasam yapanamattameva khadimsu. Na annamannam maccharayanta khadimsu, vigatamaccheramalena pana parisuddheneva cetasa khadimsu. Na annam kinci migamamsam va moramamsadinam va annataram khadamati sammulha khadimsu, piyaputtamamsabhavam pana janantava khadimsu. Na "aho vata mayam punapi evarupam puttamamsam khadeyyama"ti patthanam katva khadimsu, patthanam pana vitivatta hutva khadimsu. Na "ettakam kantare khaditva avasittham kantaram atikkamma lonambiladihi yojetva khadissama"ti sannidhim akamsu, kantarapariyosane pana "pure mahajano passati"ti bhumiyam va nikkhanimsu, aggina va jhapayimsu. Na "koci anno amhe viya evarupam puttamamsam khaditum na labhati"ti manam va dappam va akamsu, nihatamana pana nihatadappa hutva khadimsu. "kim imina alonena anambilena adhupitena duggandhena"ti na hiletva khadimsu, hilanam pana vitivatta @Footnote: ¹ cha.Ma. abhogamamsataya ² cha.Ma., i evam hi te @³ cha.Ma., i. giddhamanasa

--------------------------------------------------------------------------------------------- page121.

Hutva khadimsu. Na "tuyham bhago mayham bhago tava putto mama putto"ti annamannam atimannimsu. Samagga pana sammodamana hutva khadimsu. Imam nesam evarupam vicchandaragadiparibhogam sampassamano sattha bhikkhusamghampi tam karanam anujanapento tam kim mannatha bhikkhave, api nu te davaya va aharam ahareyyuntiadimaha. Tattha davaya vatiadini visuddhimagge ^1- vittharitaneva. Kantarassati nitthinnavasesassa ^2- kantarassa. Evameva khoti navannam patikulyanam vasena evampi puttamamsasadiso ^3- katva datthabboti attho. Katamesam navannam? gamanapatikulyatadinam. Gamanapatikulyatam paccavekkhantopi hi kabalinkaraharam parigganhati, pariyesanapatikulyatam paccavekkhantopi, paribhoganidhanaasayaparipakkaparipakkasammakkhananissandapatikulyatam paccavekkhantopi. Tani panetani gamanapatikulyatadini visuddhimagge ^4- aharapatikulyataniddese vittharitaneva. Iti imesam navannam patikulyanam vasena puttamamsupamameva katva aharo paribhunjitabbo. Yatha te jayapatika patikulyam piyaputtamamsam khadanta na saratta bhijjamanasa ^5- hutva khadimsu, majjhattabhaveyeva pana ^6- nicchandaragaparibhoge thita khadimsu, evam nicchandaragaparibhogam katva paribhunjitabbo. Yatha ca te na atthinaharucammanissitam apanetva thulathulam varamamsameva khadimsu, hatthasampattameva pana khadimsu, evam sukkhabhattathaddhabyanjanadini ^7- pitthihatthena apakkhipitva ^8- vattakena viya kukkutena viya ca odhim adassetva tato tato sappimamsadisamsatthavarabhojanamyeva vicinitva abhunjantena sihena viya sapadanam paribhunjitabbo. @Footnote: ¹ visuddhi. 1/39 ² cha.Ma. nittinna....., i. nittharam avasesassa @³ cha.Ma., i. vasena piyaputtasadiso ⁴ visuddhi. 2/155 @⁵ cha.Ma., i. giddhamanasa ⁶ cha.Ma. ayam saddo na dissati @⁷ Si. sukkhabhattabaddhabyanjanadini, cha.Ma. sukkhabhattamandabyanjanadini @⁸ cha. apatikkhipitva

--------------------------------------------------------------------------------------------- page122.

Yatha ca te na yavadattham kanthappamanam khadimsu, thokam thokam pana ekekadivasam yapanamattameva khadimsu, evameva aharahatthakadibrahmananam annatarena viya yavadattham udaravadehakam abhunjantena catunnam pancannam va alopanam okasam thapetvava dhammasenapati ^1- viya paribhunjitabbo. Thero kira ^2- pancacattalisa vassani titthamano "pacchabhatte ambiluggarasamutthapakam katva ekadivasampi aharam na aharesin"ti vatva sihanadam nadanto imam gathamaha:- "cattaro panca alope abhutva udakam pive alam phasuviharaya pahitattassa bhikkhuno"ti. ^3- Yatha ca te na annamannam maccharayanta khadimsu, vigatamalamaccherena pana parisuddheneva cetasa khadimsu, evameva pindapatam labhitva amaccharayitva "imam sabbam ganhantassa sabbam dassami, upaddham ganhantassa upaddham, sace gahitavaseso bhavissati, attana paribhunkhissami"ti saraniyadhamme thiteneva paribhunjitabbo. Yatha ca te na "annam kinci mayam migamamsam va moramamsadinam va annataram khadama"ti sammulha khadimsu, piyaputtamamsabhavam pana janantava khadimsu, evameva pindapatam labhitva "aham khadami bhunjami"ti attupaladdhisammoham anuppadetva "kabalinkaraharo na janati `aham catummahabhutikakayam vaddhemi'ti, kayopi na janati `kabalinkaraharo mam vaddheti"ti, evam sammoham pahaya paribhunjitabbo. Satisampajannavasenapi cesa asammulheneva hutva paribhunjitabbo. Yatha ca te na "aho vata mayam punapi evarupam puttamamsam khadeyyama"ti patthanam katva khadimsu, patthanam pana vitivatta hutva khadimsu, evameva panitabhojanam laddha "aho vataham svepi punadivasepi evarupam labheyyam" , lukham va pana laddha @Footnote: ¹ cha.Ma., i. dhammasenapatina ² cha.Ma., i. so kira ³ khu.thera. 26/983/395

--------------------------------------------------------------------------------------------- page123.

"hiyyo viya me ajja panitabhojanam na laddhan"ti patthanam va anusocanam va akatva nittanhena:- "atitam nanusocami na jappaminagatam ^1- paccuppannena yapemi tena vanno pasidati"ti ^2- imam ovadam anussarantena "paccuppanneneva yapessami"ti paribhunjitabbo. Yatha ca te na "ettakam kantare khaditva avasittham kantaram atikkamma lonambiladihi yojetva khadissama"ti sannidhim akamsu, kantarapariyosane pana "pure mahajano passati"ti bhumiyam va nikhanimsu, aggina va jhapayimsu, evameva:- "annanamatho pananam khadaniyanam athopi vatthanam laddha na sannidhim kayira na ca parittase tani alabhamano"ti ^3- imam ovadam anussarantena catusu paccayesu yam yam labhati, tato tato attano yapanamattam gahetva sesam sabrahmacarinam vissajjetva sannidhim parivajjantena paribhunjitabbo. Yatha ca te na "koci anno amhe viya evarupam puttamamsam khaditum na labhati"ti manam va dappam va akamsu, nihatamana pana nihatadappa hutva khadimsu, evameva panitabhojanam labhitva "ahamasmi labhi civarapindapatadinan"ti na mano va dappo va katabbo. "nayam pabbajja civaradihetu, arahattahetu panayam pabbajja"ti paccavekkhitva nihatamanadappeneva paribhunjitabbo. Yatha ca te "kim imina alonena anambilena adhupitena duggandhena"ti hiletva na khadimsu, hilanam pana vitivatta hutva khadimsu, evameva pindapatam labhitva "kim imina asukkena bhattasadisena ^4- lukhena nirasena, suvanadoniyam ^5- tam pakkhipatha"ti evam pindapatam va "ko imam bhunjissati, kakasunakhadinam dehi"ti evam dayakam va ahilentena:- @Footnote: ¹ Si., i. nappajappamanagatam ² khu.ja. 28/435/162 (sya) ³ khu.su. 25/931/516 @⁴ cha.Ma. assagonabhattasadisena ⁵ i. supanadoniyam

--------------------------------------------------------------------------------------------- page124.

"sa pattapani caranto ^1- amugo mugasammato appam danam na hileyya dataram navajaniya"ti ^2- imam ovadam anussarantena paribhunjitabbo. Yatha ca te na "tuyham bhago, mayham bhago, tava putto, mama putto"ti annamannam atimannimsu, samagga pana sammodamana hutva khadimsu, evameva pindapatam labhitva yatha ekacce "ko tumhadisanam dassati nikkarana ummaresu pakkhalanta ahindatha, ^3- vijatamatapi te databbam na mannati, mayam pana gatagatatthane panitani civaradini labhama"ti silavante sabrahmacari atimannanti, yam sandhaya vuttam:- "so tena labhasakkarasilokena abhibhuto pariyadinnacitto anne pesale bhikkhu atimannati. Tam hi tassa bhikkhave moghapurisassa hoti digharattam ahitaya dukkhaya"ti. ^4- Evam kanci anatimannitva sabbehi sabrahmacarihi saddhim samaggena sammodamanena hutva paribhunjitabbam. Parinnateti nataparinna tiranaparinna pahanaparinnati imahi tihi parinnahi parinnate. Katham? idha bhikkhu "kabalinkaraharo nama ayam savatthukavasena ojatthamakarupam hoti, ojatthamakarupam kattha patihannati? jivhapasade, jivhapasado kimnissito? catumahabhutanissito. Iti ojatthamakam jivhapasado tassa paccayani mahabhutaniti ime dhamma rupakkhandho nama, tam parigganhato uppanna phassapancamaka dhamma cattaro arupakkhandha. Iti sabbepime pancakkhandha sankhepato namarupamattam hoti"ti pajanati. So te dhamme sarasalakkhanato vavatthapetva tesam paccayam pariyesanto anulomam ^5- paticcasamuppadam passati. Ettavatanena kabalinkaraharamukhena sappaccayassa namarupassa @Footnote: ¹ cha.Ma. vicaranto ² khu.su. 25/719/474 ³ cha.Ma. pakkhalantanam ahindantanam @⁴ sam.ni. 16/161/219 ⁵ cha. anulomapatilomam

--------------------------------------------------------------------------------------------- page125.

Yathavato ditthatta kabalinkaraharo nataparinnaya parinnatova hoti. So tadeva sappaccayam namarupam aniccam dukkham anattati tini lakkhanani aropetva sattannam anupassananam vasena sammasati. Ettavatanena so tilakkhanapativedhasammasanananasankhataya tiranaparinnaya parinnato hoti. Tasmimyeva pana ^1- namarupe chandaragavakaddhanena anagamimaggena parijanata pahanaparinnaya parinnato hotiti. Pancakamagunikoti pancakamagunasambhavo rago parinnato hoti. Ettha pana tisso parinna ekaparinna sabbaparinna mulaparinnati. Katama ekaparinna? yo bhikkhu jivhadvare ekarasatanham parijanati, tena pancakamaguniko rago parinnatova hotiti. Kasma? tassayeva tattha uppajjanato. Sayeva hi tanha cakkhudvare uppanna ruparago nama hoti, sotadvaradisu uppanna saddaragadayo. Iti yatha ekasseva corassa panca magge hanato ekasmim magge gahetva sise chinne pancapi magga khema honti, evam jivhadvare rasatanhaya parinnataya pancakamaguniko rago parinnato hotiti ayam ekaparinna nama. Katama sabbaparinna? patte pakkhittapindapatasmim hi ekasmimyeva Pancakamagunikarago labbhati. Katham? parisuddham tavassa vannam olokayato ruparago Hoti, unhe sappimhi tattha asincante patapatati saddo utthahati, tatharupam khadaniyam va khadantassa murumuradisaddo ^2- uppajjati, tam assadayato saddarago. Jirakadisambharagandham ^3- assadentassa gandharago, sadhurasavasena rasarago. Mudubhojanam phassavantanti assadayato photthabbarago. Iti imasmim ahare satisampajannena pariggahetva nicchandaragaparibhogena paribhutte sabbopi so parinnato hotiti ayam sabbaparinna nama. @Footnote: ¹ cha.Ma. ayam saddo na dissati ² cha.Ma., i. murumuruti saddo ³ cha.Ma. jirakadivasagandham

--------------------------------------------------------------------------------------------- page126.

Katama mulaparinna? pancakamagunikaragassa hi kabalinkaraharo mulam. Kasma? tasmim sati tassuppattito. Brahmanatissabhaye kira dvadasa vassani jayapatikanam upanijjhanacittannama nahosi. Kasma? aharamandataya. Bhaye pana vupasante yojanasatiko tambapannidipo darakanam jatamangalehi ekamangalo ahosi. Iti mulabhute ahare parinnate pancakamaguniko rago parinnatova hotiti ayam mulaparinna nama. Natthi nam sannojananti tena ragena saddhim pahanekatthataya pahinatta natthi. Evamayam desana yava anagamimagga kathita. "ettakena pana ma vosanam apajjimsu"ti etesamyeva rupadinam vasena pancasu khandhesu vipassanam vaddhetva yava arahatta kathetum vattatiti. Pathamaharo nitthito. Dutiye niccammati khurato patthaya yava singamula sakalasarirato uddalitacamma kimsukarasivanna. Kasma pana annam hatthiassagonadiopammam agahetva niccammagavupama gahitati? titikkhitum asamatthabhavadipanattham. Matugamo hi uppannam dukkhavedanam titikkhitum adhivasetum na sakkoti, evameva phassaharo abalo dubbaloti dassanattham sadisameva upamam ahari. Kuddanti silakuddadinam annataram. Kuddanissita pana nama unnanabhisarabumusikadayo. Rukkhanissitati uccalingapanakadayo. Udakanissitati macchasumsumaradayo. Akasanissitati damsamakasakakakulaladayo. Khadeyyunti luncitva khadeyyum. Sa tasmim tasmim thane tamtamthanasannissayamulakam panakhadanabhayam sampassamana neva attano sakkarasammanam, na pitthiparikammasarirasambahanaunhodakani icchati, evameva bhikkhu phassaharamulakam kilesapanakakhadanabhayam sampassamano tebhumikaphassena anatthiko hoti. Phasse bhikkhave ahare parinnateti tihi parinnahi parinnate. Idhapi tisso parinna. Tattha "phasso sankharakkhandho, tamsampayutta vedana

--------------------------------------------------------------------------------------------- page127.

Vedanakkhandho, sanna sannakkhandho, cittam vinnanakkhandho, tesam vattharammanani rupakkhandho"ti evam sappaccayassa namarupassa yathavasarasadassanam ^1- nataparinna. Tattheva tilakkhanam aropetva sattannam anupassananam vasena aniccadito tulanam tiranaparinna. Tasmimyeva pana namarupe chandaraganikkaddhano arahattamaggo pahanaparinna. Tisso vedanati evam phassahare tihi parinnahi parinnate tisso vedana parinnatava honti tammulakatta tamsampayuttatta ca. Iti phassaharavasena desana yava arahatta kathita. Dutiyaharo. Tatiye angarakasuti angaranam kasu. Kasuti rasipi vuccati avatopi. "angarakasum apare thunanti ^2- nara rudanta paridaddhagatta bhayam hi mam vindati suta disva pucchami tam matali devasarathi"ti ^3- ettha rasi "kasu"ti vutto. "kim nu santaramanova kasum khanasi sarathi"ti ^4- ettha avato. Idhapi ayameva adhippeto. Sadhikaporisati atirekaporisa pancaratanappamana. Vitacchikanam vitadhumananti etenassa mahaparilahatam dassesi. Jalaya va hi dhume va sati vato samutthati, parilaho maha na hoti, tadabhave vatabhavato parilaho maha hoti. Arakavassati dureyeva bhaveyya. Evameva khoti ettha idam opammasamsandanam:- angarakasu viya hi tebhumikavattam datthabbam. Jivitukamo puriso viya vattanissito balaputhujjano. Dve balavanto purisa viya kusalakusalakammam. Tesam tam purisam nanabahasu gahetva angarakasum @Footnote: ¹ cha.Ma. yathavato dassanam ² Ma. punanti, cha. phunanti @³ khu.ja. 28/546/203 (sya) ⁴ khu.ja. 28/396/153 (sya)

--------------------------------------------------------------------------------------------- page128.

Upakaddhanakalo viya puthujjanassa kammayuhanakalo. Kammanhi ayuhiyamanameva patisandhim akaddhati nama. Angarakasunidanam dukkham viya kammanidanam vattadukkham veditabbam. Parinnateti tihi parinnahi parinnate. Parinnayojana panettha phasse vuttanayeneva veditabba. Tisso tanhati kamatanha bhavatanha vibhavatanhati ima parinnatava honti. Kasma? tanhamulakatta manosancetanaya. Na hi hetumhi appahine phalam pahiyati. Iti manosancetanaharavasenapi yava arahatta desana kathita. Tatiyaharo. Catutthe agucarinti papacarim dosakarakam. Katham so purisoti so puriso kathambhuto, kim yapeti na yapetiti pucchati. Tatheva deva jivatiti yatha pubbe, idanipi tatheva jivati. Evameva khoti idhapi idam opammasamsandanam:- raja viya hi kammam datthabbam, agucari puriso viya vattasannissito balaputhujjano, tini sattisatani viya patisandhivinnanam, agucarim purisam "tihi sattisatehi hanatha"ti ranna anattakalo viya kammaranna vattasannissitaputhujjanam gahetva patisandhiyam khipanakalo. ^1- Tattha kincapi tini sattisatani viya patisandhivinnanam, sattisu pana dukkham natthi, sattihi pahatavanamukhamulam ^2- dukkham, evameva patisandhiyampi dukkham natthi, dinnaya pana patisandhiya pavatte vipakadukkham sattihi pahatavanamukhamuladukkham ^3- viya hoti. Parinnateti tiheva parinnahi parinnate. Idhapi parinnayojana phassahare vuttanayeneva veditabba. Namarupanti vinnanapaccaya namarupam. @Footnote: ¹ cha.Ma., i. pakkhipanakalo ² cha.Ma., i. pahatavanamulakam ³ cha.Ma. sattipahatavanamulakam dukkham

--------------------------------------------------------------------------------------------- page129.

Vinnanasmim hi parinnate tam parinnatameva hoti tammulakatta sahuppannatta ca. Iti vinnanaharavasenapi yava arahatta desana kathitati. Catutthaharo. Tatiyam.

The Pali Atthakatha in Roman Book 12 page 118-129. http://84000.org/tipitaka/atthapali/read_rm.php?B=12&A=2624&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=2624&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=240 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2620 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2386 The Pali Tipitaka in Roman Character :- http://84000.org/tipitaka/read/roman_read.php?B=16&A=2386 Contents of The Tipitaka Volume 16 http://84000.org/tipitaka/read/?index_16