ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

                           5. Kassapasamyutta
                        1. Santutthasuttavannana
    [144] Kassapasamyuttassa pathame santutthayanti santuttho ayam. Itaritarena
civarenati na thulasukhumalukhapanitathirajinnanam yena kenaci, athakho yathaladdhadinam
itaritarena yena kenaci santutthoti attho. Civarasmim hi tayo santosa
yathalabhasantoso yathabalasantoso yathasaruppasantosoti. Pindapatadisupi eseva nayo.
    Tesam ayam pabhedasamvannana:- idha bhikkhu civaram labhati sundaram va asundaram
va, so teneva yapeti, annam na pattheti, labhantopi na ganhati. Ayamassa
civare yathalabhasantoso. Atha pana pakatidubbalo va hoti abadhajarabhibhuto va,
garum civaram parupanto kilamati, so sabhagena bhikkhuna saddhim tam parivattetva
lahukena yapentopi santutthova hoti. Ayamassa civare yathabalasantoso. Aparo
panitapaccayalabhi hoti, so pattacivaradinam 1- annataram mahagghacivaram bahuni va
civaradini labhitva "idam theranam cirapabbajitanam, idam bahussutanam anurupam, idam
gilananam, idam appalabhinam hotu"ti datva tesam puranacivaram va sankarakutadito
va pana nantakani uccinitva tehi sanghatim katva dharentopi santutthova
hoti. Ayamassa civare yathasaruppasantoso.
    Idha pana bhikkhu pindapatam labhati lukham va panitam va, so teneva yapeti,
annam na pattheti, labhantopi na ganhati. Ayamassa pindapate yathalabhasantoso.
Yo pana attano pakativiruddham va byadhiviruddham va pindapatam labhati, yenassa
paribhuttena aphasu hoti, so sabhagassa bhikkhuno tam datva tassa hatthato
sappayabhojanam bhunjitva 2- samanadhammam karontopi santutthova hoti. Ayamassa
pindapate yathabalasantoso. Aparo bahum panitam pindapatam labhati, so tam civaram
viya cirapabbajitabahussutaappalabhagilananam datva tesam va sesakam pindaya va
@Footnote: 1 cha.Ma. patta.....        2 cha.Ma.,i. bhutva
Caritva missakaharam bhunjantopi santutthova hoti. Ayamassa pindapate
yathasaruppasantoso.
    Idha pana bhikkhu senasanam labhati manapam va amanapam va, so teneva
somanassam na patigham uppadeti, antamaso tinasantharakenapi yathaladdheneva
tussati. Ayamassa senasane yathalabhasantoso. Yo pana attano pakativiruddham
va byadhiviruddham va senasanam labhati, yatthassa vasato aphasu hoti, so tam
sabhagassa bhikkhuno datva tassa santake sappayasenasane vasantopi santutthova
hoti. Ayamassa senasane yathabalasantoso. Aparo mahapunno lenamandapakutagaradini bahuni
panitasenasanani labhati, so tani civarani 1- viya cirapabbajitabahussutaappalabhagilananam
datva yattha katthaci vasantopi santutthova hoti. Ayamassa senasane
yathasaruppasantoso. Yopi "uttamasenasanam nama pamadatthanam, tattha
nisinnassa thinamiddham okkamati, niddabhibhutassa patibuddhato 2- papavitakka
patubhavanti"ti patisancikkhitva tadisam senasanam pattampi na sampaticchati, so tam
patikkhipitva abbhokasarukkhamuladisu vasanto santutthova hoti. Ayampi senasane
yathasaruppasantoso.
    Idha pana bhikkhu bhesajjam labhati lukham va panitam va, so yam labhati,
teneva tussati, annam na pattheti, labhantopi na ganhati. Ayamassa
gilanapaccaye yathalabhasantoso. Yo pana telenatthiko phanitam labhati, so
tam sabhagassa bhikkhuno datva tassa hatthato telam gahetva va annadeva
va pariyesitva bhesajjam karontopi santutthova hoti. Ayamassa gilanapaccaye
yathabalasantoso. Aparo mahapunno bahutelamadhuphanitadipanitabhesajjam labhati,
so tam civaram viya cirapabbajitabahussutaappalabhagilananam datva tesam
abhatakena yena kenaci yapentopi santutthova hoti. Yo pana ekasmim bhajane
muttaharitakam thapetva ekasmim catumadhuram "ganha bhante yadicchasi"ti vuccamano
sacassa tesu annatarenapi rogo vupasamati, atha "muttaharitakam nama buddhadihi
@Footnote: 1 cha.Ma. civaradini          2 cha.Ma.,i. patibujjhato
Vannitan"ti catumadhuram patikkhipitva muttaharitakena bhesajjam karonto paramasantutthova
hoti. Ayamassa gilanapaccaye yathasaruppasantoso. Iti ime tayo santose
sandhaya "santutthayam bhikkhave kassapo itaritarena civarena yathaladdhadisu
yena kenaci civarena santuttho"ti vuttam.
    Vannavaditi eko santuttho hoti, santosassa vannam na katheti. Eko
na santuttho hoti, santosassa vannam katheti. Eko neva santuttho hoti, na
santosassa vannam katheti. Eko santuttho ca hoti, santosassa ca vannam
katheti. Ayam tadisoti dassetum itaritaracivarasantutthiya ca vannavaditi vuttam.
Anesananti duteyyapahinagamananuyogappabhedam nanappakaram anesanam. Aladdhati
alabhitva. Yatha ca ekacco "katham nu kho civaram labhissami"ti punnavantehi
bhikkhuhi saddhim ekato hutva kohannam karonto uttasati paritasati, ayam
evam aladdha ca civaram na paritasati. Laddha cati dhammena samena labhitva.
Agadhitoti vigatalobhagedho. Amucchitoti adhimattatanhaya muccham anapanno.
Anajjhapannoti tanhaya anotthato apariyonaddho. Adinavadassaviti anesanapattiyanca
gadhitaparibhoge ca adinavam passamano. Nissaranapannoti "yavadeva sitassa
patighataya"ti vuttanissaranameva patijananto paribhunjatiti attho. Itaritarena
pindapatenatiadisupi yathaladdhadinam yena kenaci pindapatena, yena kenaci
senasanena, yena kenaci gilanapaccayabhesajjaparikkharenati evamattho datthabbo.
    Kassapena va hi vo bhikkhave ovadissamiti ettha yatha mahakassapatthero
catusu paccayesu tihi santosehi santuttho. Tumhepi tatharupa bhavathati ovadanto
kassapena ovadati nama. Yo va panassa kassapasadisoti etthapi yo va
panannopi kassapasadiso mahakassapatthero viya catusu paccayesu tihi santosehi
santuttho bhaveyya, tumhepi tatharupa bhavathati ovadanto kassapasadisena
Ovadati nama. Tathattaya patipajjitabbanti  "sammasambuddhassa imaya imasmim
santutthisutte vuttasallekhacarapatipattiya kathanam nama bharo, amhakampi imam
patipattim paripuram katva puranam bharoyeva, agato kho pana bharo gahetabbo"ti
cintetva yatha maya kathitam, tathattaya tathabhavaya tumhehipi patipajjitabbanti. Pathamam.



             The Pali Atthakatha in Roman Book 12 page 182-185. http://84000.org/tipitaka/atthapali/read_rm.php?B=12&A=4044&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=4044&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=16&i=462              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=5112              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=4604              The Pali Tipitaka in Roman Character :- http://84000.org/tipitaka/read/roman_read.php?B=16&A=4604              Contents of The Tipitaka Volume 16 http://84000.org/tipitaka/read/?index_16

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com