AtthaPali Vol.12

5. Jinnasuttavannana [148] Pancame jinnoti thero mahallako. Garukaniti tam satthu santika laddhakalato patthaya jinnabhinnatthane suttasamsibbanena ceva aggaladanena ca anekapatalani hutva garukani jatani. Nibbasananiti pubbe bhagavata nivasetva apanitataya evamladdhanamani. Tasmati yasma tvam jinno ceva garupamsukulo ca. Gahapataniti pamsukulikangam vissajjetva gahapatihi dinnacivarani dharehiti vadati. Nimantananiti pindapatikangam vissajjetva salakabhattadini nimantanani bhunjati vadati. Mama ca santiketi arannikangam vissajjetva gamantasenasaneyeva vasahiti vadati. Nanu ca yatha raja senapatim senapatitthane thapetva tassa rajupatthanadina attano kammena aradhentasseva tam thanantaram gahetva annassa @Footnote: ¹ Si.,i. rakkhamanabhavam ² Si.,i. anekasatani

--------------------------------------------------------------------------------------------- page192.

Dadamano ayuttam nama karoti, evam sattha mahakassapattherassa paccuggamanatthaya tigavutam maggam gantva rajagahassa ca nalandaya ca antare bahuputtakarukkhamule nisinno tihi ovadehi upasampadetva tena saddhim attano civaram parivattetva theram jatiarannikanganceva jatipamsukulikanganca akasi, so tasmim kattukamyatachandena satthu cittam aradhentasseva pamsukulikangadini vissajjapetva gahapaticivarapatiggahanadisu niyojento ayuttam nama karotiti. Na karoti. Kasma? attajjhasayatta. Na hi sattha dhutangani vissajjapetukamo, yatha pana aghatitabheriadayo saddam na vissajjenti, evam aghatita evarupa puggala na sihanadam nadantiti nadapetukamo sihanadajjhasayena evamaha. Theropi satthu ajjhasayanurupeneva "aham kho bhante digharattam aranniko ceva"tiadina nayena sihanadam nadi. Ditthadhammasukhaviharanti ditthadhammasukhaviharo nama arannikasseva labhati, no gamantavasino. Gamantasmim hi vasanto darakasaddam sunati, asappayarupani passati, asappaye sadde sunati, tenassa anabhirati uppajjati. Aranniko pana gavutam va addhayojanam va atikkamitva arannam ajjhogahetva vasanto dipibyagghasihadinam sadde sunati, yesam savanapaccaya amanusikasavanarati ^2- uppajjati. Yam sandhaya vuttam:- "sunnagaram pavitthassa santacittassa bhikkhuno amanusi rati hoti samma dhammam vipassato. Yato yato sammasati khandhanam udayabbayam labhati pitipamojjam amatantam vijanatam. @Footnote: ¹ cha.Ma. labbhati ² Si. amanusikabhirati

--------------------------------------------------------------------------------------------- page193.

Purato pacchato vapi aparo ce na vijjati tattheva ^1- phasu bhavati ekassa ramato ^2- vane"ti. Tatha pindapatikasseva labhati, ^3- no apindapatikassa. Apindapatiko hi akalacari hoti, turitacari ^4- gacchati, parivatteti, palibuddhova gacchati, tattha ca bahusamsayo hoti. Pindapatiko pana na akalacari hoti, na turitacari ^4- gacchati, na parivatteti, apalibuddhova gacchati, tattha ca na bahusamsayo hoti. Katham? apindapatiko hi gamato duravihare vasamano kalasseva "yagum va parivasikabhattam va lacchami, asanasalaya va pana uddesabhattadisu kincideva mayham papunissati"ti makkatakasuttani chindanto sayitagorupani utthapento patova gacchanto akalacari hoti. Manusse khettakammantadinam ^5- atthaya geha nikkhanteyeva sampapunitum migam ^6- anubandhanto viya vegena gacchanto turitacari hoti. Antara kincideva disva "asukaupasako va asukaupasika va gehe, no gehe"ti pucchati, "no gehe"ti sutva "idani kuto labhissami"ti aggidaddho viya pavedhati, sayam pacchimadisam gantukamo pacinadisaya salakam labhitva annam pacchimadisaya laddhasalakam upasankamitva "bhante aham pacchimadisam gamissami, mama salakam tumhe ganhatha, tumhakam salakam mayham detha"ti salakam parivatteti. Ekam va pana sasakabhattam aharitva paribhunjanto "aparassapi salakabhattassa pattam detha"ti manussehi vutte "bhante tumhakam pattam detha, aham mayham patte bhattam pakkhipitva ^7- tumhakam pattam dassami"ti annassa pattam dapetva bhatte ahate ^8- attano patte pakkhipitva pattam patidento pattam parivatteti nama. Vihare rajarajamahamattadayo mahadanam denti, imina ca hiyyo ^9- duragame salaka laddha, tattha agacchanto puna sattaham salakam na labhatiti alabhabhayena gacchati, @Footnote: ¹ ativa khu.thera. 26/537/349 ² vasato khu. thera. 26/537/349 ³ cha.Ma.,i. labbhati @⁴ cha.Ma. turitacaram, i. turitacariti ⁵ cha.Ma.,i. khettakammadinam ⁶ Ma. migavam @⁷ Si. aham bhattam mayham patte pakkhipitva, Ma. aham bhante mayham patte @bhatte pakkhipitva ⁸ Ma. aharitva, ka. aharetam ⁹ cha.Ma. bhiyyo

--------------------------------------------------------------------------------------------- page194.

Evam gacchanto palibuddho hutva gacchati nama. Yassa cesa salakabhattadino atthaya gacchati, "tam dassanti nu kho me, udahu na dassanti, panitam nu kho dassanti, udahu lukham, thokam nu kho, udahu bahukam, sitalam nu kho, udahu unhan"ti evam tattha ca bahusamsayo hoti. Pindapatiko pana kalasseva vutthaya vattapativattam katva sariram patijaggitva vasanatthanam pavisitva kammatthanam manasikatva kalam sallakkhetva mahajanassa ulunkabhikkhadini datum pahonakakale gacchatiti na akalacari hoti, ekekam padavaram cha kotthase katva vipassanto gacchatiti na turitacari hoti, attano garubhavena "asuko gehe, na gehe"ti na pucchati, salakabhattadiniyeva na ganhati, agganhanto kim parivattessati, na annassa vasena palibuddhova hoti, kammatthanam manasikaronto yatharucim gacchati, itaro viya na bahusamsayo hoti. Ekasmim game va vithiya va alabhitva annattha carati. Tasmimpi alabhitva annattha caranto missakodanam sankaddhitva amatam viya paribhunjitva gacchati. Pamsukulikasseva labbhati, no apamsukulikassa. Apamsukuliko hi vassavasikam pariyesanto carati, na senasanasappayam pariyesati. Pamsukuliko pana na vassavasikam pariyesanto carati, senasanasappayameva pariyesati. Tecivarikasseva labbhati, na ca itarassa. Atecivariko hi bahubhando bahuparikkharo hoti, tenassa phasuviharo natthi. Appicchadinam ceva labbhati, na ca itaresanti. Tena vuttam:- "attano ca ditthadhammasukhaviharam sampassamano"ti. Pancamam.

The Pali Atthakatha in Roman Book 12 page 191-194. http://84000.org/tipitaka/atthapali/read_rm.php?B=12&A=4261&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=4261&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=478 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=5319 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=4788 The Pali Tipitaka in Roman Character :- http://84000.org/tipitaka/read/roman_read.php?B=16&A=4788 Contents of The Tipitaka Volume 16 http://84000.org/tipitaka/read/?index_16