AtthaPali Vol.12

2. Moliyaphaggunasuttavannana [12] Dutiye sambhavesinam va anuggahayati imasmimyeva thane bhagava desanam nitthapesi. Kasma? ditthigatikassa nisinnatta. Tassam hi parisati moliyaphagguno nama bhikkhu ditthigatiko nisinno, atha sattha cintesi "ayam utthahitva mam panham pucchissati, athassaham vissajjessami"ti pucchaya okasadanattham desanam nitthapesi. Moliyaphaggunoti moliti cula vuccati. Yathaha:- "../../bdpicture/chetvana molim varagandhavasitam vehayasam ukkhipi sakyapungavo @Footnote: ¹ cha.Ma.,i. parato ² cha.Ma.,i. tattha

--------------------------------------------------------------------------------------------- page35.

Suvannacankotavarena ^1- vasavo sahassanetto sirasa patiggahi"ti. Sa tassa gihikale mahanta moli ^2- ahosi. Tenassa "moliyaphagguno"ti sankha udapadi. Pabbajitampi nam teneva namena sanjananti. Etadavocati desananusandhim ghatento etam "ko nu kho bhante vinnanaharam ahareti"ti vacanam avoca. Tassattho:- bhante ko nama so, yo etam vinnanaharam khadati va bhunjati vati. Kasma panayam itare tayo ahare apucchitva imameva pucchatiti. Janamiti laddhiya. So hi mahante mahante pinde katva kavalimkaraharam bhunjante passati, tenassa tam janamiti laddhiya. So hi mahante mahante pinde katva kabalinkaraharam bhunjante passati, tenassa tam janamiti laddhi. Tittiravattakamorakukkutadayo pana matusamphassena yapente disva "ete phassaharena yapenti"ti tassa laddhi. Kacchapa pana attano utusamaye mahasamuddato nikkhamitva samuddatire valikantare andani thapetva valikaya paticchadetva mahasamuddameva otaranti. Tani matuanussaranavasena na putini honti. Tani manosancetanaharena yapentiti tassa laddhi. Kincapi therassa ayam laddhi, na pana etaya laddhiya imam panham pucchati. Ditthigatiko hi ummattakasadiso. Yatha ummattako pacchim gahetva antaravithim otinno gomayampi pasanampi guthampi rajjukhandampi tam tam manapampi amanapampi gahetva pacchiyamva pakkhipati, evameva ditthigatiko yuttampi ayuttampi pucchati. So "kasma idam ^3- pucchasi"ti na niggahetabbo, pucchitapucchitatthane pana gahanameva nibodhetabbam. ^4- Teneva nam bhagava "kasma evam pucchasi"ti avatva gahitagahameva tassa mocetum no kallo panhotiadimaha. @Footnote: ¹ cha.Ma. ratanacankotavarena ² cha.Ma. ayam patho na dissati @³ cha.Ma. imam ⁴ cha.Ma. nisedhetabbam

--------------------------------------------------------------------------------------------- page36.

Tattha no kalloti ayutto. Aharetiti aham na vadamiti aham koci satto va puggalo va aharam aharetiti na vadami. Aharetiti caham vadeyyanti yadi aham aharetiti vadeyyam. Tatrassa kallo panhoti tasmim maya evam vutte ayam panho yutto bhaveyya. Kissa nu kho bhante vinnanaharoti bhante ayam vinnanaharo katamassa dhammassa paccayoti attho. Tatra kallam veyyakarananti tasmim evam pucchite panhe idam veyyakaranam yuttam "vinnanaharo ayatim punabbhavabhinibbattiya paccayo"ti. Ettha ca vinnanaharoti patisandhicittam. Ayatim punabbhavabhinibbattiti teneva vinnanena sahuppannam namarupam. Tasmim bhute satim salayatananti tasmim punabbhavabhinibbattisankhate namarupe jate sati salayatanam hotiti attho. Salayatanapaccaya phassoti idhapi bhagava uttarim panhassa okasam dento desanam nitthapesi. Ditthigatiko hi navapuccham uppadetum na sakkoti, nitthanamyeva ^1- pana ganhitva pucchati, tenassa bhagava okasam adasi. Attho pana sabbapadesu vuttanayeneva gahetabbo. "ko nu kho bhante bhavati"ti kasma na pucchati? ditthigatikassa hi satto nama bhuto nibbattoyevati ^2- laddhi, tasma attano laddhiviruddham idanti na pucchati. Apica idappaccaya idam idappaccaya idanti bahusu thanesu kathitatta sannattim upagato, tenapi na pucchati. Sattha vapi "imassa bahum pucchantassapi titti natthi, tucchapucchameva ^3- pucchati"ti ito patthaya desanam ekabaddham katva desesi. Channam tvevati yato patthaya desenaya arulham, ^4- tameva gahetva desanam vivattento ^5- evamaha. Imasmim pana sutte @Footnote: ¹ cha.Ma. niddittham nidditthamyeva ² tika. nipphattoyevati ³ Si. tucchameva @⁴ cha.Ma. desana arulham ⁵ Ma. vivajjento

--------------------------------------------------------------------------------------------- page37.

Vinnananamarupanam antare eko sandhi, vedanatanhanam antare eko bhavajatinam antare ekoti. Dutiyam.

The Pali Atthakatha in Roman Book 12 page 34-37. http://84000.org/tipitaka/atthapali/read_rm.php?B=12&A=759&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=759&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=31 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=277 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=301 The Pali Tipitaka in Roman Character :- http://84000.org/tipitaka/read/roman_read.php?B=16&A=301 Contents of The Tipitaka Volume 16 http://84000.org/tipitaka/read/?index_16