|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Cundasuttavannana
[379] Tatiye magadhesuti evamnamake janapade. Nalakagamaketi rajagahassa
avidure attano kulasantake evamnamake game. Cundo samanuddesoti ayam
thero dhammasenapatissa kanitthabhatiko, tam bhikkhu anupasampannakale "cundo
samanuddeso"ti samudacaritva therakalepi tatheva samudacarimsu. Tena vuttam "cundo
samanuddeso"ti. Upatthako hotiti mukhodakadantakatthadanena ceva
parivenasammajjanapitthiparikammakaranapattacivaraggahanena ca upatthanakaro hoti.
Parinibbayiti anupadisesaya nibbanadhatuya parinibbuto. Katarasmim kaleti? bhagavato
Parinibbanasamvacchare.
Tatrayam anupubbikatha:- bhagava kira vutthavasso veluvagamato nikkhamitva
"savatthim gamissami"ti agatamaggeneva patinivattento anupubbena savatthim patva
jetavanam pavisi. Dhammasenapati bhagavato vattam dassetva divatthanam gato, so
tattha antevasikesu vattam dassetva patikkantesu divatthanam sammajjitva
cammakhandam pannapetva pade pakkhaletva pallankam abhujitva phalasamapattim
pavisi. Athassa yatha paricchedena 2- tato vutthitassa ayam parivitakko udapadi
"buddha nu kho pathamam parinibbayissanti, 3- udahu aggasavaka"ti, tato
"aggasavaka pathaman"ti natva attano ayusankharam olokesi. So "sattahameva me
ayusankhara pavattissanti"ti natva "kattha parinibbayami"ti cintesi.
@Footnote: 1 cha.Ma. pahiyissatiti 2 Ma. addhaparicchedena 3 cha.Ma. parinibbayanti
Tato "rahulo tavatimsesu parinibbuto, annakondannatthero chaddantadahe,
aham kattha parinibbayissami"ti punappunam cintento mataram arabbha
satim 1- uppadesi "mayham mata sattannam arahantanam mata hutvapi
buddhadhammasamghesu appasanna, atthi nu kho tassa upanissayo, natthi nu kho"ti.
Sotapattimaggassa upanissayam disva "kassa desanaya abhisamayo bhavissati"ti olokento
"mameva dhammadesanaya bhavissati, na annassa. Sace kho panaham appossukko
bhaveyyam, bhavissanti me vattaro `sariputtatthero avasesajananampi avassayo hoti,
tatha hissa samacittasuttantadesanadivase 2- kotisatasahassadevata arahattappatta,
tayo magge patividdhadevatanam ganana natthi, annesu ca thanesu aneka
abhisamaya dissanti, there ca cittam pasadetva sagge nibbattaneva asiti
kulasahassani, so dani sakamatumicchadassanamattampi haritum nasakkhi'ti, tasma
mataram micchadassana mocetva jatovarakeyeva parinibbayissami"ti sannitthanam
katva "ajjeva bhagavantam anujanapetva nikkhamissami"ti cundattheram amantesi
"avuso cunda amhakam pancasataya bhikkhuparisaya sannam dehi, `ganhathavuso
pattacivarani, dhammasenapati nalakagamam gantukamo"ti. Thero tatha akasi.
Bhikkhu senasanam samsametva pattacivaramadaya therassa santikam agamamsu. Thero
senasanam samsametva divatthanam sammajjitva divatthanadvare thatva divatthanam
oloketva "idam dani pacchimadassanam, puna agamanam natthi"ti pancasatabhikkhuparivuto
bhagavantam upasankamitva vanditva bhagavantam etadavoca "anujanatu me bhante
bhagava, anujanatu sugato, parinibbanakalo me, ossattho me ayusankharo"ti.
Buddha pana yasma "parinibbahi"ti vutte maranavannam samvannentiti, "ma
parinibbahi"ti vutte vattassa gunam kathentiti micchaditthika dosam
aropessanti, 3-
@Footnote: 1 ka. samvegam 2 an. duka. 20/37 adi/62 3 Si.,ka. aropenti
Tasma tadubhayampi na vadanti. Tena nam bhagava "kattha parinibbayissasi sariputta"ti
vatta "atthi bhante magadhesu nalakagame jatovarako, tatthaham parinibbayissami"ti
vutte "yassa dani tvam sariputta kalam mannasi, idani pana te
jetthakanitthabhatikanam tadisassa bhikkhuno dassanam dullabham bhavissati, desehi nesam
dhamman"ti aha.
Thero "sattha mayham iddhivikubbanapubbangamam dhammadesanam paccasimsati"ti
natva bhagavantam vanditva talappamanam akasam abbhuggantva oruyha dasabalassa
pade vandi, puna dvitalappamanam abbhuggantva oruyha dasabalassa pade
vandi, etenupayena sattatalappamanam abbhuggantva anekani patihariyasatani
dassento dhammakatham arabhi. Dissamanenapi kayena katheti, adissamanenapi.
Uparimena va hetthimena va upaddhakayena katheti adissamanenapi dissamanenapi,
kalena candavannam dasseti, kalena suriyavannam, kalena pabbatavannam, kalena
samuddavannam, kalena cakkavattiraja hoti, kalena vessavanamaharaja, kalena
sakko devaraja, kalena mahabrahmati evam anekani patihariyasatani dassento
dhammakatham kathesi. Sakalanagaram sannipati. thero oruyha dasabalassa pade vanditva
atthasi. Atha nam sattha aha "ko namo ayam sariputta dhammapariyayo"ti.
Sihavikilito nama 1- bhanteti. Taggha sariputta sihavikilito taggha sariputta
sihavikilitoti.
Thero alattakavanne hatthe pasaretva satthu suvannakacchapasadise pade
gopphakesu gahetva "bhante imesam padanam vandanatthaya kappasatasahassadhikam
asankhyeyyam paramiyo purita, so me manoratho matthakam patto, ito dani patthaya
@Footnote: 1 Si.,ka. sihanikilito nama
Patisandhivasena na puna ekatthane sannipato samagamo atthi, chinno esa
vissaso, anekehi buddhasatasahassehi pavittham ajaram amaram khemam sukham sitalam abhayam
nibbanapuram pavisissami, sace me kinci kayikam va vacasikam va na rocetha,
khamatha tam bhagava, gamanakalo mayhan"ti. Khamami te sariputta, na kho pana te
kinci kayikam va vacasikam va mayham aruccanakam atthi, yassa dani tvam sariputta
kalam mannasiti.
Iti bhagavata anunnatasamanantaram satthu pade vanditva utthitamatte
ayasmante sinerucakkavalahimavantaparibhandapabbate dharayamanapi "ajja imam
gunarasim dharetum na sakkomi"ti vadanti viya ekappahareneva vivaramana mahapathavi
yava udakapariyanta akampi, akase devadundubhiyo phalimsu, mahamegho utthahitva
pokkharavassam vassi.
Sattha "dhammasenapatim patipadessami"ti dhammasana vutthaya gandhakutiabhimukho
gantva maniphalake atthasi. Thero tikkhattum padakkhinam katva catusu thanesu
vanditva "bhagava ito kappasatasahassadhikassa asankhyeyyassa upari anomadassissa
sammasambuddhassa padamule nipajjitva tumhakam dassanam patthesi, sa me patthana
samiddha, dittha tumhe, tam pathamadassanam, idam pacchimadassanam, puna tumhakam
dassanam natthi"ti vatva dasanakhasamodhanasamujjalam anjalim paggayha yava dassanavisaya
abhimukhova patikkamitva vanditva pakkami. Puna mahapathavi dharetum asakkonti
udakapariyantam katva akampi.
Bhagava parivaretva thite bhikkhu aha "anugacchatha bhikkhave tumhakam
jetthakabhatikan"ti. Tasmim khane catassopi parisa sammasambuddham ekakamyeva jetavane
ohaya niravasesa nikkhamimsu. Savatthinagaravasinopi "sariputtatthero kira
Sammasambuddham apucchitva parinibbayitukamo nikkhanto, passissama nan"ti
nagaradvarani nirokasani karonta nikkhamitva gandhamaladihattha kese vikiritva
"idani mayam kaham mahapanno nisinno, kaham dhammasenapati nisinno"ti pucchanta
"kassa santikam gamissama, tassa hatthe sakkaram thapetva thero pakkanto"tiadina
nayena paridevanta rodanta theram anubandhimsu.
Thero mahapannaya thitatta "sabbesam anatikkamaniyo esa maggo"ti
mahajanam ovaditva "tumhepi avuso titthatha, ma dasabale pamadam apajjittha"ti
bhikkhusamghampi nivattetva attano parisayeva saddhim pakkami. Yepi manussa "pubbe
ayyo paccagamanacarikam carati, idam dani gamanam na puna paccagamanaya"ti
paridevanta anubandhimsuyeva, tepi "appamatta avuso hotha, evambhavino nama
sankhara"ti nivattesi.
Athakho ayasma sariputto sabbattha ekarattivasena antaramagge sattaham
manussanam sangaham karonto sayam nalakagamam patva gamadvare nigrodharukkhamule
atthasi. Atha uparevato nama therassa bhagineyyo bahigamam gacchanto
theram disva upasankamitva vanditva atthasi. Thero tam aha "atthi gehe te
ayyika"ti. Ama bhanteti. Gaccha amhakam idhagatabhavam arocehi, "kasma agato"ti
ca vutte "ajja kira ekadivasam antogame bhavissati, jatovarakam patijaggatha,
pancannanca kira bhikkhusatanam vasanatthanam janatha"ti. So gantva "ayyike
mayham matulo agato"ti aha. Idani kuhinti. Gamadvareti. Ekakova, annopi
koci atthiti. Atthi pancasata bhikkhuti. Kimkarana agatoti. So tam pavattim arocesi.
Brahmani "kim nu kho ettakanam vasanatthanam patijaggapeti, daharakale pabbajitva
mahallakakale gihi hotukamo"ti cintenti jatovarakam patijaggapetva pancasatanam
vasanatthanam karetva dandadipika jaletva therassa pahesi.
Thero bhikkhuhi saddhim pasadam aruyha jatovarakam pavisitva nisidi, nisiditva
"tumhakam vasanatthanam gacchatha"ti bhikkhu uyyojesi, tesu gatamattesuyeva therassa
kharo abadho uppajji, lohitapakkhandika maranantika vedana vattanti. Ekam
bhajanam pavisati, ekam nikkhamati. Brahmani "mama puttassa pavatti mayham na
ruccati"ti attano vasanagabbhadraram nissaya atthasi.
Cattaro maharajano "dhammasenapati kuhim viharati"ti olokenta "nalakagame
jatovarake parinibbanamance nipanno, pacchimadassanam gamissama"ti
agamma vanditva atthamsu. Ke tumheti. Maharajano bhanteti. Kasma agatatthati.
Gilanupatthaka bhavissamati. "hoti, atthi gilanupatthako, gacchatha tumhe"ti
uyyojesi. Tesam gatavasane teneva nayena sakko devanamindo. Tasmim gate
mahabrahma ca agamimsu. Tepi tatheva thero uyyojesi.
Brahmani devatanam agamananca gamananca disva "ke nu kho ete mama
puttam vanditva gacchanti"ti therassa gabbhadvaram gantva "tata cunda ka
pavatti"ti pucchi. So tam pavattim acikkhitva "mahaupasika bhante agata"ti
aha. Thero "kasma avelaya agata"ti pucchi. Sa "tuyham tata dassanatthaya"ti
vatva "tata pathamam ke agata"ti pucchi. Cattaro maharajano upasiketi.
Tata tvam catuhi maharajehi mahantataroti. Aramikasadisa ete upasike, amhakam
satthu patisandhiggahanato patthaya khaggahattha hutva arakkham akamsuti. Tesam tata
gatavasane ko agatoti. Sakko devanamindoti. Devarajatopi tvam tata
mahantataroti. Bhandaggahakasamanerasadiso esa upasike, amhakam satthu tavatimsato
otaranakale pattacivaram gahetva otinnoti. Tassa tata gatavasane jotayamano
viya ko agatoti. Upasike tuyham bhagava ca sattha ca mahabrahma nama esoti.
Mayham bhagavato mahabrahmatopi tvam tata mahantataroti. Ama upasike, ete nama
kira amhakam satthu jatadivase cattaro mahabrahmano mahapurisam suvannajalena
patigganhimsuti.
Atha brahmaniya "puttassa tava me ayam anubhavo, kidiso vata mayham
puttassa bhagavato satthu anubhavo bhavissati"ti cintayantiya sahasa pancavanna piti
uppajjitva sakalasariram phari. Thero "uppannam me matu pitisomanassam, ayam dani
kalo dhammadesanaya"ti cintetva "kim cintesi mahaupasike"ti aha. Sa
"puttassa tava me ayam guno, satthu panassa kidiso bhavissatiti tata idam
cintemi"ti aha. Mahaupasike mayham satthu jatakkhane mahabhinikkhamane sambodhiyam
dhammacakkappavattane ca dasasahassilokadhatu kampittha. Silena samadhina pannaya
vimuttiya vimuttinanadassanena samo nama natthi, itipi so bhagavati vittharetva
buddhagunapatisamyuttadhammadesanam kathesi.
Brahmani piyaputtassa dhammadesanapariyosane sotapattiphale patitthaya
puttam aha "tata upatissa kasma evam akasi, evarupam nama amatam mayham ettakam
kalam na adasi"ti. Thero "dinnam dani me matu rupasariya brahmaniya
posavanikamulam, ettakena vattissati"ti cintetva "gaccha mahaupasike"ti brahmanim
uyyojetva "cunda ka vela"ti aha. Balavapaccusakalo bhanteti. Bhikkhusamgham
sannipatehiti. Sannipato bhante bhikkhusamghoti. "mam ukkhipitva nisidapehi
cunda"ti ukkhipitva nisidapesi.
Thero bhikkhu amantesi "avuso catucattalisam vo vassani maya saddhim
vicarantanam yam me kayikam va vacasikam va na rocetha, khamatha tam avuso"ti.
Ettakam bhante amhakam chaya viya tumhe amuncitva vicarantanam aruccanakam
Nama natthi, 1- tumhe panamhakam khamathati. Atha thero mahacivaram sankaddhitva
mukham pidhaya dakkhinena passena nipanno sattha viya nava anupubbasamapattiyo
anulomapatilomato samapajjitva puna pathamam jhanam adim katva yava catutthajjhana
samapajji, tato vutthaya anantaramyeva mahapathavim unnadento anupadisesaya
nibbanadhatuya parinibbayi.
Upasika "kim nu kho me putto, na kinci katheti"ti utthaya pitthipade
parimajjanti parinibbutabhavam natva mahasaddam kurumana padesu nipatitva
"tata mayam ito pubbe tava gunam na janimha, idani pana tam adim katva
anekasate anekasahasse anekasatasahasse bhikkhu imasmim nivesane nisidapetva
bhojetum na labhimha, civarehi acchadetum na labhimha, viharasatam viharasahassam
karetum na labhimha"ti yava arunuggamana paridevi. Arune uggatamatteyeva
suvannakare pakkosapetva suvannagabbham vivarapetva suvannakatiyo mahatulaya
tulapetva "panca kutagarasatani panca agghikasatani karotha"ti dapeti. 2-
Sakkopi devaraja vissukammam 3- devaputtam amantetva "tata dhammasenapati
parinibbuto, panca kutagarasatani panca agghikasatani ca mapehi"ti aha.
Iti mahaupasika karitani vissukammena nimmitani ca sabbanipi dve sahassani
ahesum. Tato nagaramajjhe saramayam mahamandapam karetva mandapamajjhe
mahakutagaram thapetva sesani parivarasankhepena thapetva sadhukilikam arabhimsu.
Devanam antare manussa, manussanam antare deva ahesum.
Revati nama eka therassa upatthayika "aham therassa pujam karissami"ti
suvannapupphanam tayo kumbhe karesi. "therassa pujam karissami"ti sakko devaraja
addhateyyakotinatakehi 4- parivarito otari. "sakko otarati"ti mahajano
@Footnote: 1 Ma. aruccanakam nama no natthi 2 Si.,ka. pesesi
@3 cha.Ma. vissakammam, evamuparipi 4 Si.,ka....natakahi
Pacchamukho patikkami. Tattha sapi upasika patikkamamana garubharatta ekamantam
apasakkitum asakkonti manussanam antare pati, manussa apassanta tam madditva
agamamsu, sa tattheva kalam katva tavatimsabhavane kanakavimane nibbatti.
Nibbattakkhaneyevassa ratanakkhandho viya tigavutappamano attabhavo ahosi
satthisakatapurappamanaalankarapatimandita accharasahassaparivarita. Athassa dibbam
sabbakayikadasam purato thapayimsu. Sa attano sirisampattim disva "olara ayam
sampatti, kim nu kho me kammam katan"ti cintayamana addasa "maya sariputtattherassa
parinibbutatthane tihi suvannapupphakumbhehi puja kata, mahajano mam madditva
gato, saham tattha kalam katva idhupapanna, theram nissaya laddham idani
punnavipakam manussanam kathessami"ti saha vimaneneva otari.
Mahajano duratova disva "kim nu kho dve suriya utthita"ti 1-
olokento "vimane agacchante kutagarasanthanam pannayati, nayam suriyo,
vimanametam ekan"ti aha. Tampi vimanam tavadeva agantva therassa
darucitakamatthake vehasam atthasi. Devadhita vimanam akaseyeva thapetva pathavim
otari. Mahajano "ka tvam ayye"ti pucchi. "na mam tumhe janatha, revati
namaham, tihi suvannapupphakumbhehi therassa 2- pujam katva manussehi maddita kalam
katva tavatimsabhavane nibbatta, passatha me sirisampattim, tumhepi dani
danani detha, punnani karotha"ti kusalakiriyaya vannam kathetva therassa
citakam padakkhinam katva vanditva attano devatthanamyeva gata.
Mahajanopi sattaham sadhukilikam kilitva sabbagandhehi citakamakasi,
citaka ekunaratanasatika ahosi. Therassa sariram citakam aropetva usirakalapehi
@Footnote: 1 Si.,ka. uditati 2 cha.Ma. theram
Alimpesum. Alahane sabbarattim dhammassavanam pavatti. Anuruddhatthero sabbagandhodakena
therassa citakam nibbapesi. Cundatthero dhatuyo parissavane pakkhipitva
"na dani maya idheva sakka thatum 1- mayham jetthabhatikassa dhammasenapatisariputtat-
therassa parinibbutabhavam sammasambuddhassa arocessami"ti dhatuparissavanam
therassa ca pattacivaram gahetva savatthim agamasi, ekatthanepi ca dve rattiyo
avasitva sabbattha ekarattivaseneva savatthim papuni. Etamattham dassetum athakho
cundo samanuddesotiadi vuttam.
Tattha yenayasma anandoti yenassa attano upajjhayo dhammabhandagariko
ayasma anando, tenupasankami. Kasma panesa ujukam satthu santikam
agantva therassa santikam agamasiti? satthari ca there ca garavena. Jetavane
mahavihare pokkharaniyam kirassa nhatva paccuttaritva sunivatthasuparutassa
etadahosi "buddha nama mahapasanacchattam viya garuno, phanakatasappasihabyagghamatta-
varavaranadayo viya ca durasada, na sakka maya ujukameva satthu santikam gantva
kathetum, kassa nu kho santikam gantabban"ti. Tato cintesi "upajjhayo me
dhammabhandagariko jetthabhatikattherassa uttamasahayo, tassa santikam gantva tam
adaya satthara saddhim kathessami"ti 2- satthari ceva there ca garavena upasankami.
Idamassa pattacivaranti "ayamassa paribhogapatto, idam dhatuparissavanan"ti
evam ekekam acikkhi. Paliyam pana "idamassa pattacivaran"ti ettakameva vuttam.
Kathapabhatanti kathamulam. Mulanhi pabhatanti vuccati. Yathaha:-
"appakenapi medhavi pabhatena vicakkhano
samutthapeti attanam anum aggimva sandhaman"ti 3-
@Footnote: 1 Ma. sandharetum 2 Si. tam adaya satthu santikam upasankamissamiti
@3 khu.ja. 27/4/2
Bhagavantam dassanayati bhagavantam dassanatthaya. Kim panimina bhagava na
ditthapubboti? no na ditthapubbo. Ayam hi ayasma diva nava vare, rattim
nava vareti ekaham attharasa vare upatthanameva gacchati. Divasassa pana satavaram
sahassavaram va gantukamo samanopi na akarana gacchati, ekam panhadvaram 1-
gahetvava gacchati. So tamdivasam tena kathapabhatena gantukamo evamaha.
Idamassa pattacivaranti theropi "idam tassa pattacivaram, idam ca dhatuparissavanan"ti
patiyekkamyeva dassetva acikkhi.
Sattha hattham pasaretva dhatuparissavanam gahetva hatthatale thapetva
bhikkhu amantesi "yo so bhikkhave bhikkhu purimadivase anekani patihariyasatani
katva parinibbanam anujanapesi, tassa dani ima sankhavannapatibhaga 2-
dhatuyova pannayanti, kappasatasahassadhikaasankhyeyyam puritaparami esa bhikkhave
bhikkhu, maya pavattitam dhammacakkam anupavattako 3- esa bhikkhu, patiladdhadutiyakaasano 4-
esa bhikkhu, puritasavakasannipato esa bhikkhu, thapetva mam dasasu cakkavalasahassesu
pannaya asadiso esa bhikkhu, mahapanno esa bhikkhu, puthupanno hasapanno
javanapanno tikkhapanno nibbedhikapanno esa bhikkhu, appiccho esa bhikkhu,
santuttho pavivitto asamsattho araddhaviriyo codako papagarahi esa bhikkhu,
panca jatisatani patiladdhamahasampattiyo pahaya pabbajito esa bhikkhu, mama
sasane pathavisamakhantiko esa bhikkhu, chinnavisanausabhasadiso esa bhikkhu,
candalaputtasadisanicacitto esa bhikkhu, passatha bhikkhave mahapannassa dhatuyo,
passatha bhikkhave puthupannassa mahapannassa javanapannassa tikkhapannassa
nibbedhikapannassa appicchassa santutthassa pavivittassa asamsatthassa araddhaviriyassa
codakassa passatha bhikkhave papagarahissa dhatuyoti.
@Footnote: 1 Si. panhavaram 2 cha.Ma. sankhavannasannibha
@3 Ma. anupavattito 4 Si.,ka. patiladdhadutiyakasasano
Yo pabbaji jatisatani panca
pahaya kamani manoramani
tam vitaragam susamahitindriyam
parinibbutam vandatha sariputtam.
Khantibalo pathavisamo na kuppati
na capi cittassa vasena vattati
anukampako karuniko ca nibbuto
parinibbutam vandatha sariputtam.
Candalaputto yatha nagaram pavittho
nicamano carati kalopihattho 1-
tatha ayam viharati 2- sariputto
parinibbutam vandatha sariputtam.
Usabho yatha chinnavisanako
ahethayanto carati purantare vane
tatha ayam viharati 2- sariputto
parinibbutam vandatha sariputtan"ti.
Iti bhagava pancahi gathasatehi therassa vannam kathesi. Yatha yatha
bhagava therassa vannam kathesi, tatha tatha anandatthero santhatum na sakkoti,
vilaramukhe pakkhantakukkuto viya pavedheti. Tenaha api me bhante madhurakajato viya
kayoti sabbam vittharetabbam. Tattha madhurakajatotiadinamattho vuttoyeva. Idha pana
dhammati uddesaparipucchadhamma adhippeta. Tassa hi uddesaparipucchadhamme
agahite va gahetum, gahite va sajjhayam katum cittam na pavattati. Atha sattha
@Footnote: 1 Si.,ka. kapalahattho 2 Si. vicarati
Pancapasadavicitrani akkhini ummiletva theram olokento "assasessami
nan"ti assasento kim nu kho te ananda sariputtotiadimaha.
Tattha silakkhandhanti lokiyalokuttarasilam. Samadhipannasupi eseva nayo. Vimutti
pana lokuttarava. Vimuttinanadassanam paccavekkhanananam, tam lokiyameva. Ovadakoti
ovadadayako. Otinnoti otinnesu vatthusu nanappakarena otaranasilo.
Vinnapakoti dhammakathakale atthanca karananca vinnapeta. Sandassakoti
khandhadhatuayatanavasena tesam tesam dhammanam dasseta. 1- Samadapakoti "idancidanca
ganhatha"ti evam ganhapako. Samuttejakoti abbhussahako. Sampahamsakoti
patiladdhagunehi modapako jotapako.
Akilasu dhammadesanayati dhammadesanam arabhitva "sisam va me rujjati,
hadayam va kucchi va pitthi va"ti evam osakkanakaravirahito nikkilasu visarado
ekassapi dvinnampi sihavegeneva pakkhandati. Anuggahako sabrahmacarinanti
padassa attho khandhakavagge vittharitova. Dhammojam dhammabhoganti ubhayenapi
bhogova kathito. Dhammanuggahanti dhammena anuggahanam.
Sattha "ativiya yam bhikkhu kilamati"ti puna tam assadento na nu tam
ananda mayatiadimaha. Tattha piyehi manapehiti matapitabhatabhaginiadikehi
jatiya nanabhavo, maranena vinabhavo, bhavena annathabhavo. Tam kutettha
ananda labbha yantanti tasma 2- yasma sabbehi piyehi manapehi nanabhavo,
tasma dasa paramiyo puretvapi sambodhim patvapi dhammacakkam pavattetvapi
yamakapatihariyam dassetvapi devorohanam katvapi yantam jatam bhutam sankhatam
palokadhammam, tam tathagatassapi sariram ma palujjiti netam thanam vijjati, rodentenapi
kathentenapi na sakka tam karanam laddhunti. So palujjeyyati so bhijjeyya.
@Footnote: 1 ka. dassetva 2 Si. labbha yam tanti kasma
Evameva khoti ettha yojanasatubbedho mahajamburukkho viya bhikkhusamgho
tassa dakkhinadisamgato 1- pannasayojaniko mahakhandho viya dhammasenapati, tasmim
mahakhandhe bhinne tato patthaya anupubbena vaddhitva pupphaphaladihi tam thanam
puretum samatthassa annassa khandhassa abhavo viya there parinibbute solasannam
panhanam matthakam pattassa annassa dakkhinasane nisidanasamatthassa bhikkhuno abhavo,
taya paribhinnaya so 2- rukkho viya bhikkhusamgho khandho tveva jatoti veditabbo.
Tasmati yasma sabbasankhatam palokadhammam, tam ma palujjiti na sakka laddhum,
tasma.
The Pali Atthakatha in Roman Book 13 page 286-299.
http://84000.org/tipitaka/atthapali/read_rm.php?B=13&A=6242&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=6242&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=18&i=254
เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=3842
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=3742
The Pali Tipitaka in Roman Character :-
http://84000.org/tipitaka/read/roman_read.php?B=18&A=3742
Contents of The Tipitaka Volume 18
http://84000.org/tipitaka/read/?index_18
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]