|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Kalyanamittatadivaggavannana [71] Atthamassa pathame kalyanamittatati kalyana mitta assati kalyanamitto, tassa bhavo kalyanamittata. Sesam vuttapatipakkhanayena veditabbam. [72-73] Dutiye anuyogoti yogo payogo. Ananuyogoti ayogo appayogo. Anuyogati anuyogena. Ananuyogati ananuyogena. Kusalanam dhammananti catubhumikakusalanam dhammanam. Tatiyam uttanatthameva. [74] Catutthe bojjhangati bujjhanakasattassa angabhuta satta dhamma. Yaya va dhammasamaggiya so bujjhati, vattato 1- va vutthati, catusaccadhammam va sacchikaroti. Tassa bodhiya angabhutatipi bojjhanga. "bojjhangati kenatthena bojjhanga, bujjhantiti bojjhanga, anubujjhantiti bojjhanga, patibujjhantiti bojjhanga, sambujjhantiti bojjhanga, bodhaya samvattantiti bojjhanga"ti 2- evam panetam padam vibhattameva. [75] Pancame bhavanaparipurim gacchantiti imina padena bojjhanganam yathavasarasabhumi nama kathita. Sa panesa catubbidha hoti vipassana vipassanapadakajjhanam maggo phalanti. Tattha vipassanaya uppajjanakale bojjhanga kamavacara honti, vipassanapadakajjhanamhi uppajjanakale rupavacara arupavacara, maggaphalesu uppajjanakale lokuttaRa. Iti imasmim sutte bojjhanga catubhumika kathita. [76] Chatthassa atthuppattiko nikkhePo. Atthuppattiyancetam 3- nikkhittam. Sambahula kira bhikkhu dhammasabhayam sannisinna. Tesam antare bandhulamallasenapatim arabbha ayam katha udapadi "avuso asukam nama kulam pubbe bahunatikam ahosi bahupakkham, @Footnote: 1 cha.Ma. sammohaniddato 2 khu.pati. 31/557/463 bojjhangakatha @3 cha.Ma.,i. atthuppattiyam hetam--------------------------------------------------------------------------------------------- page74.
Idani appanatikam appapakkham jatan"ti. Atha bhagava tesam cittavaram 1- natva "mayi gate mahati desana bhavissati"ti natva gandhakutito nikkhamma dhammasabhayam pannattapavarabuddhasane nisiditva "kaya nuttha bhikkhave etarahi kathaya sannisinna"ti aha. Atha 2- bhagava anna gamanigamadikatha natthi, asukam pana kulam 3- pubbe bahunatikam ahosi bahupakkham, idani appanatikam appapakkham jatanti vadanta nisinnamhati. Sattha imissa atthuppattiya appamattika esa bhikkhave parihaniti idam suttam arabhi. Tattha appamattikati paritta parittappamana. Etaya hi parihaniya saggato va maggato va parihani nama natthi, ditthadhammikaparihanimattamevetantiadimaha. Etam patikitthanti etam pacchimam etam lamakam. Yadidam pannaparihaniti ya esa mama sasane kammassakatapannaya jhanapannaya vipassanapannaya maggapannaya phalapannaya ca parihani, esa pacchima esa lamaka esa chaddaniyati attho. [77] Sattamampi atthuppattiyameva kathitam. Dhammasabhayam kira nisinnesu bhikkhusamghesu ekacce evamahamsu "asukam nama kulam pubbe appanatikam appapakkham ahosi, tam idani bahunatikam bahupakkam jatan"ti. Kam sandhaya evamahamsuti. Visakham upasikam vesaliyanca licchavi. Sattha tesam cittavaram natva purimanayeneva agantva dhammasane nisinno "kaya nuttha bhikkhave etarahi kathaya sannisinna"ti pucchi. Te yathabhutam kathayimsu. Sattha imissa atthuppattiya 4- imam suttam arabhi. Tattha appamattikati tam sampattim nissaya saggam va maggam va sampattanam abhavato paritta. Yadidam pannavuddhiti kammassakatapannadinam vuddhi. Tasmati yasma natinam vuddhi nama ditthadhammikamatta appa paritta, saggam va maggam va papetum asamattha, tasma. Pannavuddhiyati kammassakatadipannavuddhiya. @Footnote: 1 cha.Ma.,i. cittacaram. evamuparipi 2 cha.Ma.,i. ayam saddo na dissati @3 cha.Ma.,i. asukam nama 4 cha.Ma. atthuppattiya. evamuparipi--------------------------------------------------------------------------------------------- page75.
[78] Atthamampi atthuppattiyameva kathitam. Sambahula kira bhikkhu dhammasabhayam sannisinna mahadhanasetthiputtam arabbha "asukam nama kulam pubbe mahabhogam mahahirannasuvannam ahosi, tam idani appabhogam jatan"ti kathayimsu. Sattha purimanayeneva agantva tesam vacanam sutva imam suttam arabhi. [79] Navamampi atthuppattiyameva vuttam. Dhammasabhayam kira sannisinna bhikkhu kakavaliyasetthinca punnasetthinca arabbha "asukam nama kulam pubbe appabhogam ahosi, tam idani mahabhogam jatan"ti kathayimsu. Sattha purimanayeneva agantva tesam vacanam sutva imam suttam arabhi. Sesam imesu dvisupi hettha vuttanayeneva veditabbam. [80] Dasamampi atthuppattiyam vuttam. Dhammasabhayam kira bhikkhu kosalamaharajanam arabbha "asukam nama kulam pubbe mahayasam mahaparivaram ahosi, idani appayasam appaparivaram jatan"ti kathayimsu. Sattha purimanayeneva agantva tesam vacanam sutva imam desanam 1- arabhi. Sesam vuttanayeneva veditabbam. Kalyanamittatadivaggavannana nitthita. Atthamo vaggo. -------------- @Footnote: 1 cha.Ma. dhammadesanamThe Pali Atthakatha in Roman Book 14 page 73-75. http://84000.org/tipitaka/atthapali/read_rm.php?B=14&A=1708&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=14&A=1708&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=72 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=291 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=314 The Pali Tipitaka in Roman Character :- http://84000.org/tipitaka/read/roman_read.php?B=20&A=314 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]