|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Venagapurasuttavannana [64] Tatiye kosalesuti evamnamake janapade. Carikam caramanoti addhanagamanam gacchanto. Carika ca namesa bhagavato dvidha hoti turitacarika ca aturitacarika cati. Tattha durepi bodhaneyyapuggalam disva tassa bodhanatthaya sahasa gamanam turitacarika nama. Sa mahakassapapaccuggamanadisu datthabba. Yam pana gamanigamapatipatiya devasikam yojanavasena dviyojanavasena 1- pindapatacariyadihi lokam anugganhantassa gamanam, ayam aturitacarika nama. Imam sandhayetam vuttam "carikancaramano"ti. Vittharena pana carikakatha sumangalavilasiniya dighanikayatthakathaya ambatthasuttavannanayam 2- vutta. Brahmanagamoti brahmananam samosaranagamopi brahmanagamoti vuccati brahmananam bhogagamopi. Idha samosaranagamo brahmanagamoti 3- adhippeto. Tadavasariti tattha avasari, sampattoti attho. Viharo panettha aniyamito. Tasma tassa avidure buddhanam anucchaviko eko vanasando atthi, 4- sattha tam vanasandam gatoti veditabbo. Assosunti sunimsu upalabhimsu, sotadvaram sampattavacananigghosanusarena janimsu. Khoti avadharanatthe, padapuranamatte va nipato. tattha avadharanatthena "assosumyeva, na tesam koci savanantarayo ahosi"ti ayamattho veditabbo. Padapuranena byanjanasilitthatamattameva. Idani yamattham assosum, tam pakasetum samano khalu bho gotamotiadi vuttam. Tattha samitapapatta samanoti veditabbo. Khaluti anussavanatthe 5- nipato. Bhoti tesam annamannam alapanamattam. Gotamoti bhagavato gottavasena paridipanam, tasma "samano khalu bho gotamo"ti ettha samano kira bho gotamagottoti evamattho datthabbo. Sakyaputtoti idam pana bhagavato uccakulaparidipanam. Sakyakula pabbajitoti @Footnote: 1 cha.Ma.,i. yojanaaddhayojanavasena 2 su.vi. 1/254/215 addhanagamanavannana @3 Si.,i. brahmananam vasanagamo 4 si,i. bhavissati 5 cha.Ma.i. anussavatthe--------------------------------------------------------------------------------------------- page186.
Saddhapabbajitabhavaparidipanam, kenaci parijunnena anabhibhuto aparikkhinamyeva tam kulam pahaya saddhapabbajitoti vuttam hoti. Tam kho panati itthambhutakhyanatthe upayogavacanam, tassa kho pana bhoto gotamassati attho. Kalyanoti kalyana- gunasamannagato, setthoti vuttam hoti. Kittisaddoti kittiyeva, thutighoso va. Abbhuggatoti sadevakam lokam ajjhottharitva uggato. Kinti? itipi so bhagava .pe. Buddho bhagavati. Tatrayam padasambandho:- so bhagava itipi araham, itipi sammasambuddho .pe. Itipi bhagavati. Imina ca imina ca karanenati vuttam hoti. Tattha "arakatta, arinanca arananca hatatta, paccayadinam arahatta, papakarane rahabhavati imehi karanehi so bhagava arahanti veditabbo"tiadina 1- nayena matikam nikkhipitva sabbaneva etani padani visuddhimagge 2- buddhanussati- niddese vittharitaniti tato nesam vittharo gahetabbo. So imam lokanti so bhavam gotamo imam lokam, idani vattabbam nidasseti. Sadevakanti saha devehi sadevakam. Evam saha marena samarakam. Saha brahmuna sabrahmakam. Saha samanabrahmanehi sassamanabrahmanim. Pajatatta paja, tam pajam. Saha devamanussehi sadevamanussam. Tattha sadevakavacanena pancakamavacaradevaggahanam veditabbam. Samarakavacanena atthakamavacaradevaggahanam, sabrahmakavacanena brahmakayikadi- brahmaggahanam, sassamanabrahmanivacanena sasanassa paccatthikapaccamittasamana- brahmanaggahanam, samitapapabahitapapasamanabrahmanaggahananca, pajavacanena sattalokaggahanam, sadevamanussavacanena sammutidevaavasesamanussaggahanam. Evamettha tihi padehi okasalokena saddhim sattaloko, dvihi pajavasena sattalokova gahitoti veditabbo. @Footnote: 1 Si.,i. imina 2 visuddhi. 1/253 chaanussatiniddesa--------------------------------------------------------------------------------------------- page187.
Aparo nayo:- sadevakaggahanena arupavacaraloko gahito, samarakaggahanena chakamavacaradevaloko, sabrahmakaggahanena rupibrahmaloko, sassamanabrahmana- diggahanena catuparisavasena, sammatidevehi va saha manussaloko, avasesasabbasattaloko va. Porana panahu:- sadevakanti devatahi saddhim avasesalokam. Samarakanti marena saddhim avasesalokam. Sabrahmakanti brahmehi saddhim avasesalokam. Evam sabbepi tibhavupage satte tihakarehi tisu padesu pakkhipitva puna dvihi padehi pariyadatum sassamanabrahmanim paj sadevamanussanti vuttam. Evam pancahi padehi tena tenakarena tedhatukameva pariyadinnanti. Sayam abhinna sacchikatva pavedetiti samam, aparaneyyo hutva. Abhinnati abhinnaya, adhikena nanena natvati 1- attho. Sacchikatvati paccakkham katva, etena anumanadipatikkhepo kato. Pavedetiti bodheti napeti pakaseti. So dhammam deseti adikalyanam .pe. Pariyosanakalyananti so bhagava sattesu karunnam 2- paticca hitvapi anuttaram vivekasukham dhammam deseti. Tanca kho appam va bahum va desento adikalyanadippakarameva deseti, adimhipi kalyanam bhaddakam anavajjameva katva deseti, majjhepi, pariyosanepi kalyanam bhaddakam anavajjameva katva desetiti vuttam hoti. Tattha atthi desanaya adimajjhapariyosanam, atthi sasanassa. Desanaya tava catuppadikayapi gathaya pathamapado adi nama, tato dve majjham nama, ante eko pariyosanam nama. Ekanusandhikassa suttassa nidanam adi, idamavocati pariyosanam, ubhinnamantaramajjhe 3- anekanusandhikassa suttassa pathamanusandhi adi, ante anusandhi pariyosanam, majjhe eko va dve va bahu va majjhameva. @Footnote: 1 Si.,i. sacchikatvati 2 cha.Ma.,i. karunnatam 3 cha.Ma.,i. majjham--------------------------------------------------------------------------------------------- page188.
Sasanassa silasamadhivipassana adi nama. Vuttampi cetam "ko cadi kusalanam dhammanam, silanca suvisuddham ditthi ca ujuka"ti. 1- "atthi bhikkhave majjhima patipada tathagatena abhisambuddha"ti 2- evam vutto pana ariyamaggo majjham nama. Phalanceva nibbananca pariyosanam nama "tasmatiha tvam brahmana brahmacariyam etamparam etampariyosanan"ti 3- ettha phalam pariyosananti vuttam. "nibbanogadhamhi avuso visakha brahmacariyam vussati nibbanaparayanam nibbanapariyosananti 4- ettha nibbanam pariyosananti vuttam. Idha pana desanaya adimajjhapariyosanam adhippetam. Bhagava hi dhammam desento adimhi silam dassetva majjhe maggam pariyosane nibbanam deseti. Tena vuttam "so dhammam deseti adikalyanam majjhekalyanam pariyosana- kalyanan"ti. Tasma annopi dhammakathiko dhammam kathento:- adimhi silam dasseyya majjhe maggam vibhavaye pariyosanhi nibbanam esa kathikasanthititi. Sattham sabyanjananti yassa hi yagubhattaitthipurisadivannananissita desana hoti, na so sattham deseti. Bhagava pana tatharupam desanam pahaya catusatipatthanadi- nissitam desanam deseti. Tasma "sattham deseti"ti vuccati. Yassa pana desana ekabyanjanadiyutta va sabbanirodhabyanjana va sabbavisatthasabbaniggahita- byanjana va, tassa damilakirayatakayonakadimilakkhanam bhasa viya byanjana- paripuriya abhavato abyanjana nama desana hoti. Bhagava pana:- "sithilam dhanitanca digharassam lahukam garukanca niggahitam sambandham vavatthitam vimuttam dasadha byanjanabuddhiya pabhedo"ti @Footnote: 1 sam.Ma. 19/369/125 bhikkhusutta @2 sam.Ma. 19/1081/267 dhammacakkappavattanasutta, vi.maha. 4/13/13 pancavaggiyakatha @3 Ma.mu. 12/324/288 culasaropamasutta 4 Ma.mu. 12/466/416 culavedallasutta--------------------------------------------------------------------------------------------- page189.
Evam vuttam dasavidham byanjanam amakkhetva paripunnabyanjanameva katva dhammam deseti. Tasma "sabyanjanam katva deseti"ti vuccati. Kevalaparipunnanti ettha kevalanti sakaladhivacanam. Paripunnanti anunadhikavacanam. Idam vuttam hoti:- sakalaparipunnameva deseti, ekadesanapi aparipunna natthiti. Parisuddhanti nirupakkilesam. Yo hi "imam dhammadesanam nissaya labham va sakkaram va labhissami"ti deseti, tassa aparisuddha desana nama hoti. Bhagava pana lokamisanirapekkho hitapharaneneva mettabhavanaya muduhadayo ullumpanasabhavasanthitena cittena deseti. Tasma parisuddham desetiti vuccati. Brahmacariyam pakasetiti ettha brahmacariyanti sikkhattayasangahitam sakalasasanam. Tasma brahmacariyam pakasetiti so dhammam deseti adikalyanam .pe. Parisuddham, evam desento ca sikkhattayasangahitam sakalasasana- brahmacariyam pakasetiti evamettha attho datthabbo. Brahmacariyanti setthatthena brahmabhutam cariyam, brahmabhutanam va buddhadinam cariyanti vuttam hoti. Sadhu kho panati sundaram kho pana, atthavaham sukhavahanti vuttam hoti. Tatharupanam arahatanti yatharupo so bhavam gotamo, evarupanam anekehipi kappa- kotisatasahassehi dullabhadassananam byamappabhaparikkhittehi asitianubyanjanapati- manditehi dvattimsamahapurisalakkhanavarehi 1- samakinnamanoramasariranam anappakadassananam atimadhuradhammanigghosanam yathabhutagunadhigamena loke arahantoti laddhasaddanam arahatam. Dassanam hotiti pasadasommani akkhini ummiletva dassanamattampi sadhu hoti. Sace pana atthangasamannagatena brahmassarena dhammam desentassa ekapadampi sotum labhissami, sadhutaramyeva bhavissatiti evam ajjhasayam katva yena bhagava tenupasankamimsuti sabbakiccani pahaya tutthamanasa agamamsu. Anjalimpanametvati ettha ye ubhatopakkhika, 2- te evam cintesum "sace no micchaditthika codessanti `kasma tumhe samanam gotamam vandittha'ti tesam `kim anjalikaranamattenapi vanditam hoti'ti vakkhama. Sace no sammaditthika codessanti `kasma na bhagavantam @Footnote: 1 Ma....lakkhanavalihi 2 Ma. ettha ye ubhayapakkhika, cha. ete ubhatopakkhika--------------------------------------------------------------------------------------------- page190.
Vandittha'ti, `kim sisena bhumim paharanteneva vanditam hoti. Nanu anjalikammampi vandana eva'ti vakkhama"ti. Namagottanti "bho gotama aham asukassa putto datto nama mitto nama idhagato"ti vadanta namam saventi nama. "bho gotama aham vasettho nama kaccano nama idhagato"ti vadanta gottam saventi nama. Ete kira dalidda jinnakulaputta "parisamajjhe namagottavasena pakata bhavissama"ti evam akamsu. Ye pana tunhibhuta nisidimsu, te keratika ceva andhabala ca. Tattha keratika "ekam dve kathasallape karonte vissasiko hoti, vissase sati ekam dve bhikkha adatum na yuttan"ti tato attanam mocenta tunhibhuta nisidanti. Andhabala annanatayeva avakkhittamattikapinda viya yattha katthaci tunhibhuta nisidanti. Venagapurikoti venagapuravaSi. Etadavocati padantato patthaya yava kesanta tathagatassa sariram olokento asitianubyanjanasamujjalehi dvattimsa- mahapurisalakkhanehi patimanditam sarira nikkhamitva samantato asitihattham padesam ajjhottharitva thitahi chabbannahi ghanabuddharamsihi samparivaritam tathagatassa sariram disva sanjatavimhayo vannam bhananto etam "acchariyam bho gotama"tiadivacanam avoca. Tattha yavancidanti adhimattappamanaparicchedavacanametam. Tassa vippasannapadena saddhim sambandho. Yavanca vippasannani adhimattavippasannani ativippasannaniti 1- attho. Indriyaniti cakkhadini cha indriyani. Tassa hi pancannam indriyanam patitthitokasassa vippasannatam disva tesam vippasannata pakata ahosi. Yasma pana sa mane vippasanneyeva hoti, avippasannacittananhi indriyappasado nama natthi, tasmassa manindriyappasadopi pakato ahosi. Tam esa vippasannatam @Footnote: 1 cha.Ma. "ativippasannani"ti patho na dissati--------------------------------------------------------------------------------------------- page191.
Gahetva "vippasannani indriyani"ti aha. Parisuddhoti nimmalo. Pariyodatoti pabhassaro. Saradam badarapandunti saradakale jatam natisuparipakkabadaram. Tanhi parisuddham ceva hoti pariyodatam ca. Talapakkanti suparipakkatalaphalam. Sampati bandhana pamuttanti 1- tamkhananneva bandhana pamuttam. Tassa hi bandhanamulam apanetva param mukham 2- katva phalake thapitassa caturangulamattam thanam olokentanam parisuddham pariyodatam hutva khayati. Tam sandhayevamaha. nekkham jambonadanti surattavannassa 3- jambonada- suvannassa ghatika. Dakkhakammaraputtasuparikammakatanti dakkhena suvannakaraputtena sutthu kataparikammam. Ukkamukhe sukusalasampahatthanti suvannakarauddhane pacitva sukusalena suvannakarena ghattanaparimajjanapahamsanena sutthu suparimadditanti attho. Pandukambale nikkhittanti aggina pacitva dipidathaya ghamsitva gerukaparikammam katva rattakambale thapitam. Bhasateti sanjataobhasataya bhasate. Tapateti andhakaraviddhamsanataya tapate. Virocatiti vijjotamanam pharitva 4- virocati, sobhatiti attho. Uccasayanamahasayananiti ettha atikkantappamanam uccasayanam nama, ayatam vitthatam akappiyabhandam mahasayanam nama. Idani tani dassento seyyathidam, asanditiadimaha. Tattha asanditi atikkantappamanam asanam. Pallankoti padesu valarupani thapetva kato. Gonakoti dighalomako mahakojavo. Caturanguladhikani kira tassa lomani. Cittakoti ratanavicitraunnamayattharanam. 5- Patikati unnamayo setattharako. Patalikati ghanapuppho unnamayattharako, yo amalakapattotapi vuccati. Tulikati tinnam tulanam annatarapunna tulika. Vikatikati sihabyagghadirupavicitro unnamayattharako. Uddhalomiti ubhatodasam unnamayattharanam. Keci ekato uggatapupphanti vadanti. Ekantalomiti ekatodasam unnamayattharanam. Keci ubhato uggatapupphanti vadanti. Kattissanti ratanaparisibbitam koseyyakattissamayam paccattharanam. @Footnote: 1 Si.Ma.,i. muttanti 2 Ma. parimukham, cha. paramukham 3 Si.,i. rattasuvannassa @4 cha.Ma.,i. hutva 5 cha.Ma. vanacittam unnamayattharanam--------------------------------------------------------------------------------------------- page192.
Koseyyanti ratanaparisibbitameva kosiyasuttamayam paccattharanam. Kuttakanti solasannam natakitthinam thatva naccanayoggam unnamayattharanam. Hatthattharadayo hatthapitthadisu attharanakaattharaka ceva hatthirupadini dassetva katattharaka ca. Ajinappaveniti ajinacammehi mancappamanena sibbitva katappaveni. Sesam hettha vuttatthameva. Nikamalabhitiatikamalabhi 1- icchiticchitalabhi. Akicchalabhiti adukkhalabhi. Akasiralabhiti vipulalabhi, mahantalabhi, olarularaneva labhati 2- manneti sandhaya vadati. Ayam kira brahmano sayanagaruko, so bhagavato vippasannindriyaditam disva "addha esa evarupesu uccasayanamahasayanesu nisidati ceva nipajjati ca. Tenassa vippasannani indriyani, parisuddho chavivanno pariyodato"ti mannamano imam senasanavannam kathesi. Laddha ca pana na kappantiti ettha kinci kinci kappati. Suddhakoseyyanhi mancepi attharitum vattati, gonakadayo ca bhummattharanaparibhogena, asandiya pade chinditva, pallankassa vale bhinditva, tulikam vijtetva "bimbohananca katun"ti 3- vacanato imanipi ekena vidhanena kappanti. Akappiyam pana upadaya sabbaneva na kappantiti vuttani. Vanantamyeva pacarayamiti 4- arannamyeva pavisami. Yadevati yaniyeva. Pallankam abhujitvati samanta 5- urubaddhasanam bandhitva. Ujum kayam panidhayati attharasa- pitthikantake kotiya kotim patipadento ujum kayam thapetva. Parimukham satim upatthapetvati kammatthanabhimukham satim thapetva, pariggahitaniyyanam va katvati attho. Vuttanhetam "pariti pariggahattho. Mukhanti niyyanattho. Satiti upatthanattho. Tena vuccati parimukham satim upatthapetva"ti. 6- Upasampajja viharamiti patilabhitva @Footnote: 1 Si.,i. kamalabhi, su.vi. 3/160/85 2 Ma. labhiti @3 vi.cu 7/297/65 senasanakkhandhaka 4 cha.Ma. pavisamiti @5 cha.Ma.,i. samantato 6 khu.pati. 31/388/264 anapanakatha (sya)--------------------------------------------------------------------------------------------- page193.
Paccakkham katva viharami. Evambhutoti evam pathamajjhanadisu annatarasamangi hutva. Dibbo me eso tasmim samaye cankamo hotiti cattari hi rupajjhanani samapajjitva cankamantassa me 1- cankamo dibbacankamoyeva. 2- Thanadisupi eseva nayo. Tatha itaresu dvisu viharesu. So evam pajanami "rago me pahino"ti mahabodhipallanke arahattamaggena pahinaragameva dassento "so evam pajanami rago me pahino"ti aha. Sesapadesupi eseva nayo. Imina pana kim kathitam hotiti? paccavekkhana kathita, paccavekkhanaya phalasamapatti kathita. Phalasamapattinhi samapannassapi samapattito vutthitassapi cankamadayo ariyacankamadayo honti. Sesamettha uttanamevati. 3-The Pali Atthakatha in Roman Book 15 page 185-193. http://84000.org/tipitaka/atthapali/read_rm.php?B=15&A=4248&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=4248&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=503 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=4739 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=4842 The Pali Tipitaka in Roman Character :- http://84000.org/tipitaka/read/roman_read.php?B=20&A=4842 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]