AtthaPali Vol.15

7. Kathavatthusuttavannana [68] Sattame kathavatthuniti kathakaranani, kathaya bhumiyo patitthayoti attho. Atitam va bhikkhave addhananti atitaddhanam nama kalopi vattati khandhapi. Anagatapaccuppannesupi eseva nayo. Tattha atite kassapo nama sammasambuddho ahosi, tassa kiki nama kasiraja aggupatthako ahosi, visativassasahassani ayu ahositi imina nayena kathento atitam arabbha katham katheti nama. Anagate metteyyo nama buddho bhavissati. Tassa sankho nama raja aggupatthako bhavissati, asitivassasahassani ayu bhavissatiti imina nayena kathento anagatam arabbha katham katheti nama. Etarahi asuko nama raja dhammikoti imina nayena kathento paccuppannam arabbha katham katheti nama. Kathasampayogenati kathaya samagamena. Kacchoti kathetum yutto. Akacchoti kathetum na yutto. Ekamsabyakaraniyam panhantiadisu "cakkhu aniccan"ti putthena "ama aniccan"ti ekamseneva byakatabbam. Eseva nayo sotadisu. Ayam

--------------------------------------------------------------------------------------------- page206.

Ekamsabyakaraniyo panho. "aniccam nama cakkhun"ti putthena pana "na cakkhumeva, sotampi aniccam, ghanampi aniccan"ti evam vibhajitva byakatabbam. Ayampi vibhajjabyakaraniyo panho. "yatha cakkhum, tatha sotam. Yatha sotam, tatha cakkhuna"ti putthena "kenatthena pucchasi"ti patipucchitva "dassanatthena pucchami"ti vutte "na hi"ti byakatabbam. "aniccatthena pucchami"ti vutte "ama"ti byakatabbam. Ayam patipucchabyakaraniyo panho. "tam jivam tam sariran"tiadini putthena pana "abyakatametam bhagavata"ti thapetabbo, esa panho na byakatabbo. Ayam thapaniyo panho. Thanathane na santhatiti karanakarane na santhati. Tatrayam nayo:- sassatavadi yuttena karanena pahoti ucchedavadim niggahetum, ucchedavadi niggayhamano "kim panaham ucchedam vadami"ti sassatavadibhavameva dipeti, attano vade patitthatum na sakkoti. Evam ucchedavadimhi pahonte sassatavadi, puggalavadimhi pahonte sunnatavadi sunnatavadimhi pahonte puggalavaditi evam thanathane na santhati nama. Parikappe na santhatiti idam panhapucchanepi panhakathanepi labbhati. Katham? Ekacco hi "panham pucchissami"ti kantham sodheti, so itarena "idam nama tvam pucchissasi"ti vutto natabhavam ntava "na etam annam pucchissami"ti vadati. Panham putthopi "panham kathessami"ti hanum samsodheti, so itarena "idam nama kathessasi"ti vutto natabhavam natva "na etam, annam kathessami"ti vadati. Evam parikappe na santhati nama. Annavade ^1- na santhatiti natavade janitavade na santhati. Katham? Ekacco panham pucchati, tam itaro "manapo taya panho pucchito, kaham te @Footnote: ¹ cha.Ma. annatavade

--------------------------------------------------------------------------------------------- page207.

Esa uggahito"ti vadati. Itaropi ^1- pucchitabbaniyameneva panham pucchitvapi tassa kathaya "apanham nu kho pucchitan"ti vimatim karoti. Aparo panham puttho katheti, tamanno "sutthu ^2- te panho kathito, kattha te uggahito, panham kathentena nama evam kathetabbo"ti vadati. Itaro kathetabbaniyameneva panham kathetvapi tassa kathaya "apanho nu kho maya kathito"ti vimatim karoti. Patipadaya na santhatiti patipattiyam na titthati, vattam ajanitva apucchitabbatthane pucchatiti attho. Ayam hi ^3- panho nama cetiyangane pucchitena na kathetabbo, tatha bhikkhacaramagge gamam pindaya caranakale. Asanasalaya nisinnakale yagum va bhattam va gahetva ^4- nisinnakalepi paribhunjitva nisinnakalepi divaviharatthanagamanakalepi. Divatthanepi nisinnakale pana okasam karetva pucchantassa kathetabbo, akaretva pucchantassa na kathetabbo. Idam vattam ajanitva pucchanto patipadaya na santhati nama. Evam santayam bhikkhave puggalo akaccho hotiti bhikkhave etam imasminca karane sati ayam puggalo na kathetum yutto nama hoti. Thanathane santhatiti sassatavadi yuttena karanena pahoti ucchedavadim niggahetum ucchedavadi tena niggayhamanopi "aham taya satakkhattum niggayhamanopi ucchedavadiyeva"ti vadati. Imina nayena sassatapuggalasunnatavadisupi nayo netabbo. Evam thanathane santhati nama. Parikappe santhatiti "panham pucchissami"ti kantham samsodhento "tvam imam nama pucchissasi"ti vutte "ama etamyeva pucchissami"ti vadati. "panham kathessami"ti hanum samsodhentopi "tvam imam nama kathessasi"ti vutte "ama etamyeva kathessami"ti vadati. Evam parikappe santhati nama. @Footnote: ¹ cha.Ma.,i. itaro ² Ma. suddho @³ cha.Ma. ayam saddo na dissati ⁴ Si. agahetva

--------------------------------------------------------------------------------------------- page208.

Annavade na santhatiti imam panham pucchitva "sutthu te panho pucchito, ^1- pucchantena ^2- nama evam pucchitabban"ti vutte sampaticchati, vimatim na uppadeti. Panham kathetvapi "sutthu te panho kathito, kathentena nama evam kathetabban"ti vutte sampaticchati, vimatim na uppadeti. Patipadaya santhatiti gehe nisidapetva yagukhajjakadini datva yava bhattam nitthati, tasmim antare nisinno panham pucchati. Sappiadini bhesajjani atthavidhani panakani vatthacchadanamalagandhadini va adaya viharam gantva tani datva divatthanam pavisitva okasam karetva panham pucchati. Evanhi vattam natva pucchanto patipadaya santhati nama. Tassa panham kathetum vattati. Annenannam paticaratiti annena vacanena annam paticchadeti, annam va pucchito annam katheti. Bahiddha katham apanametiti agantukakatham otarento purimakatham bahiddha apanameti. Tatridam vatthu:- bhikkhu kira sannipatitva ekam daharam "avuso tvam imanca imanca apattim apanno"ti ahamsu. So aha "bhante nagadipam gatomhi"ti. Avuso na mayam tava nagadipagamanena atthika, apattim pana apannoti pucchamati. Bhante nagadipam gantva macche khadinti. Avuso tava macchakhadanena kammam natthi, apattim kirasi apannoti. So "natisupakko maccho mayham aphasukamakasi bhante"ti. Avuso tuyham phasukena va aphasukena va kammam natthi, apattim apannositi. Bhante yava tattha vasim, tava me aphasukameva jatanti. Evam agantukakathavasena bahiddha katham apanametiti veditabbam. Abhirahatiti ito cito ca suttam aharitva avattharati tepitakatissatthero viya. Pubbe kira bhikkhu mahacetiyangane sannipatitva samghakiccam katva bhikkhunam ovadam datva annamannam panhasakaccham karonti. Tatthayam thero tihi pitakehi @Footnote: ¹ i. kathito ² i. kathentena

--------------------------------------------------------------------------------------------- page209.

Tato tato suttam aharitva divasabhage ekampi panham nitthapetum na deti. Abhimaddatiti karanam aharitva maddati. Anupajagghatiti parena panhe pucchitepi kathitepi panim paharitva mahahasitam hasati, yena parassa "apucchitabbam nu kho pucchim, akathetabbam nu kho kathesin"ti vimati uppajjati. Khalitam ganhatiti appamattakam mukhadosamattam ganhati, akkhare va pade va byanjane va durutte "evam nametam vattabban"ti ujjhayamano vicarati. Saupanisoti saupanissayo sapaccayo. Ohitasototi thapitasoto. Abhijanati ekam dhammanti ekam kusaladhammam abhijanati ariyamaggam. Parijanati ekam dhammanti ekam dukkhasaccadhammam tiranaparinnaya parijanati. Pajahati ekam dhammanti ekam sabbakusaladhammam pajahati vinodeti byantikaroti. Sacchikaroti ekam dhammanti ekam arahattaphaladhammam nirodhameva va paccakkham karoti. Sammavimuttim phusatiti samma hetuna nayena karanena arahattaphalavimokkham nanaphassena phusati. Etadattha bhikkhave kathati bhikkhave ya esa kathasampayogenati katha dassita, sa etadattha, ayam tassa kathaya bhumi patittha, idam vatthu yadidam anupada cittassa vimokkhoti evam sabbapadesu yojana veditabba. Etadattha mantanati ya ayam kacchakacchesu puggalesu kacchena saddhim mantana, sapi etadatthayeva. Etadattha upanisati ohitasoto saupanisoti evam vutta upanisapi etadatthayeva. Etadattham sotavadhananti tassa saupanissayam sotatthapanam, ^1- tampi etadatthameva. Anupadati catuhi upadanehi agahetva. Cittassa vimokkhoti arahattaphalavimokkho. Arahattaphalatthaya hi sabbametanti suttantam vinivattetva uparigathahi kutam ganhanto ye viruddhatiadimaha. Tattha viruddhati virodhasankhatena kopena viruddha. Sallapantiti tassa ^2- allapasallapam ^3- karonti. Vinivitthati abhinivittha hutva. Samussitati manussayena sutathu @Footnote: ¹ cha.Ma. tassa upanisaya sotavadhanam ² cha.Ma.,i. ayam patho na dissati @³ cha.Ma. sallapam

--------------------------------------------------------------------------------------------- page210.

Ussita. Anariyagunamasajjati anariyam gunakatham gunamasajja kathenti. Gunam ghattetva katha hi anariyakatha nama, na ariyakatha, tam kathentiti attho. Annonnavivaresinoti annamannassa chiddam aparadham gavesamana. Dubbhasitanti dukkathitam. Vikkhalitanti appamattakam mukhadosakhalitam. Sampamoham parajayanti annamannassa appamattena mukhadosena sampamohanca parajayanca. Abhinandantiti tussanti. Nacareti na carati na katheti. ^1- Dhammatthapatisamyuttati ya ca dhammatthitena kathitakatha, sa dhammattha ceva hoti tena ca dhamme patisamyuttati dhammatthapatisamyutta. Anuttinnena ^2- manasati anuddhatena cetasa. Apalasoti yugaggahapalasavasena apalaso hutva. Asahasoti ragadosamohaasahasanam ^3- vasena asahaso hutva. Anussuyyamanoti na usuyamano. Dubbhatthe napasadayeti ^4- dukkathitasmim na apasadeyya. Uparambham na sikkheyyati karanuttariyalakkhanam uparambhampi na sikkheyya. Jalitanca na gahayeti appamattakam mukhakhalitam "ayam te doso"ti na gaheyya. ^5- Nabhihareti navatthareyya. Nabhimaddeti ekam karanam aharitva na maddeyya. Na vacam payutam bhaneti saccalikapatisamyuttam vacam na bhaneyya. Annatatthanti jananattham. Pasadatthanti pasadajananattham. Na samusseyya mantayeti na manussayena samussito bhaveyya. Na hi manussita hutva pandita kathayanti, manena pana anussitova hutva mantaye katheyya bhaseyyati.

The Pali Atthakatha in Roman Book 15 page 205-210. http://84000.org/tipitaka/atthapali/read_rm.php?B=15&A=4736&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=4736&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=507 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=5215 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=5315 The Pali Tipitaka in Roman Character :- http://84000.org/tipitaka/read/roman_read.php?B=20&A=5315 Contents of The Tipitaka Volume 20 http://84000.org/tipitaka/read/?index_20