|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Yogasuttavannana [10] Dasame vattasmim yojentiti yoga. Kamayogotiadisu pancakama- guniko rago kamayogo. Ruparupabhavesu chandarago bhavayogo, tatha jhananikanti. Sassataditthisahagato ca rago dvasatthi ditthiyo ca ditthiyogo. Catusu saccesu annanam avijjayogo. Kamesu va yojetiti kamayogo. Bhavesu yojetiti bhavayogo. Ditthisu 1- yojetiti ditthiyogo. Avijjaya yojetiti avijjayogoti hettha vuttadhammanamyevetam adhivacanam. Idani te vittharetva dassento katamo ca bhikkhavetiadimaha. Tattha samudayanti uppattim. Atthangamanti bhedam. Assadanti madhurabhavam. Adinavanti amadhurabhavam dosam. Nissarananti nissatabhavam. Kamesuti vatthukamesu. Kamaragoti kame arabbha uppannarago. Sesapadesupi eseva nayo. Anusetiti nibbattati. Ayam vuccati bhikkhave kamayogoti bhikkhave idam kamesu yojanakaranam bandhanakaranam vuccatiti evam sabbattha attho veditabbo. Phassayatanananti cakkhadinam cakkhusamphassadikarananam. Avijja annananti nanapatipakkhabhavena annanasankhata avijja. Iti kamayogoti ettha itisaddo catuhipi yogehi saddhim yojetabbo "evam kamayogo, evam bhavayogo"ti. Samyuttoti 2- samparivarito. 3- Papakehiti lamakehi. Akusalehiti akosallasambhutehi. Sankilesikehiti sankilissakehi, 4- pasannassa cittassa pasannabhavadusakehiti 5- attho. Ponobbhavikehiti punabbhavanibbattakehi. Sadarehiti sadarathehi. Dukkhavipakehiti vipakakale dukkhuppadakehi. Ayatim jatijaramaranikehiti anagate punappunam jatijaramarananibbattakehi. Tasma ayogakkhemiti vuccatiti yasma appahinayogo puggalo etehi dhammehi @Footnote: 1 Ma. ditthiya 2 ka. sampayuttoti 3 cha.Ma. parivarito @4 cha.Ma. samkilesanakehi 5 Ma. pasannabhavarosakehiti--------------------------------------------------------------------------------------------- page289.
Sampayutto hoti, tasma tehi 1- catuhi yogehi khemam nibbanam anadhigatatta na yogakkhemiti vuccati. Visamyogati visamyojanakaranani. Kamayogavisamyogoti kamayogavisamyojanakaranam. Sesapadesupi eseva nayo. Tattha asubhajjhanam kamayogavisamyogo, tam padakam katva adhigato anagamimaggo ekanteneva kamayogavisamyogo nama. Arahattamaggo bhavayogavisamyogo nama, sotapattimaggo ditthiyogavisamyogo nama, arahattamaggo avijja- yogavisamyogo nama. Idani te vittharetva 2- dassento katamo ca bhikkhaveti- adimaha. Tassattho vuttanayeneva veditabbo. Bhavayogena cubhayanti bhavayogena ca samyutta, 3- kinca bhiyyoti ubhayam ubhayenapi ca 3- samyutta, yena kenaci yogena samannagatati 4- attho. Purakkhatati purato kata, parivarita va. Kame parinnayati duvidhepi kame parijanitva. Bhavayoganca sabbasoti bhavayoganca sabbameva parijanitva. Samuhaccati samuhanitva. Virajayanti virajento, virajetva va. "virajento"ti hi vutte maggo kathito hoti, "virajetva"ti vutte phalam. Muniti khinasavamuni. Iti imasmim suttepi gathasupi vattavivattameva 5- kathitanti. Bhandagamavaggo pathamo. ------------- @Footnote: 1 cha.Ma. ayam patho na dissati 2 cha.Ma. vittharavasena @3-3 cha.Ma. kinci bhiyyo ubhayenapi @4 Si. yena kenaci yoganca yena samannagatati 5 Ma. vivattamevaThe Pali Atthakatha in Roman Book 15 page 288-289. http://84000.org/tipitaka/atthapali/read_rm.php?B=15&A=6658&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6658&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=99 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=387 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=413 The Pali Tipitaka in Roman Character :- http://84000.org/tipitaka/read/roman_read.php?B=20&A=413 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]