บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Nakulapitusuttavannana [16] Chatthe balhagilanoti adhimattagilano. Etadavocati samikassa bhesajjam katva byadhim vupasametum asakkonti idani sihanadam naditva 1- saccakiriyaya byadhim vupasametum santike nisiditva etam "ma kho tvan"tiadivacanam avoca. Sapekkhoti satanho. Na nakulamatati ettha nakaro na pekkhatiti 2- evam parapadena yojetabbo. Santharitunti 3- nicchiddam katum, santhapetunti attho. Venim olikhitunti elakalomani kappetva vijatetva venim katum. Annam bhattaram 4- gamissatiti annam samikam ganhissati. Solasa vassani gahatthabrahmacariyam 5- samacinnanti ito solasavassamatthake gahatthabrahmacariyavaso samacinno. Dassanakamatarati atirekena dassanakama. Imehi tihi angehi sihanadam naditva "imina saccena tava sarire byadhi phasu hotu"ti saccakiriyam akasi. Idani bhagavantam sakkhim katva attano siladigunehipi saccakiriyam katum siya kho pana tetiadimaha. Tattha paripurakariniti samattakarini. Cetosamathassati samadhikammatthanassa. Ogadhappattati ogadham anupavesam patta. Patigadhappattati patigadham patittham patta. Assasappattati assasam avassayam patta. Vesarajjap- pattati somanassananam patta. Aparappaccayati parapaccayo vuccati parasaddha parapattiyayana, taya virahitati attho. Imehi tihangehi attano gune arabbha saccakiriyam akasi. Gilana vutthitoti gilano hutva vutthito. Yavatati yattikayo. Tasam annatarati tasam antare eka. Anukampikati hitanukampika. Ovadikati ovadadayika. Anusasikati anusitthidayika.The Pali Atthakatha in Roman Book 16 page 106. http://84000.org/tipitaka/atthapali/read_rm.php?B=16&A=2367&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=2367&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=287 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=7009 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=6930 The Pali Tipitaka in Roman Character :- http://84000.org/tipitaka/read/roman_read.php?B=22&A=6930 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]