Atthakatha Book 16 : PALI ROMAN
An.A. (manoratha.3)

                       4. Dutiyasattakasuttavannana
     [24] Catutthe na kammaramati ye divasam civarakammakayabandhana-
parissavanadhammakaranasammajjanipadakathalikadineva karonti, te saddhayesa patikkhePo. Yo
pana tesam karanavelaya evam etani karoti, uddesavelaya uddesam ganhati,
@Footnote: 1 cha.Ma. sukhasamvasataya
Sajjhayavelaya sajjhayati, cetiyanganavattavelaya cetiyanganavattam karoti, manasikara-
velaya manasikaram karoti, na so kammaramo nama.
     Yo itthivannapurisavannadivasena allapasallapam karontoyeva rattindivam
vitinameti, evarupe bhasse pariyantakari na hoti, ayam bhassaramo nama. Yo
pana rattindivam dhammam katheti, panham vissajjeti, ayam appabhassova bhasse
pariyantakariyeva. Kasma? "sannipatitanam vo bhikkhave dvayam karaniyam dhammi va katha
ariyo va tunhibhavo"ti 1- vuttatta.
     Yo thitopi gacchantopi nisinnopi thinamiddhabhibhuto niddayatiyeva, ayam
niddaramo nama. Yassa pana karajakayagelannena cittam bhavangam otarati, nayam
niddaramo. Tenevaha "abhijanamaham aggivessana gimhanam pacchime mase
pacchabhattam pindapatapatikkanto catuggunam sanghatim pannapetva dakkhinena
passena sato sampajano niddam okkamita"ti. 2-
     Yo "ekassa dutiyo, dvinnam tatiyo, tinnam catuttho"ti evam samsatthova
viharati, ekako assadam na labhati, ayam sanganikaramo. Yo pana catusu iriyapathesu
ekakova assadam labhati, nayam sanganikaramo.
      Asantasambhavanicchaya samannagata dussila papiccha nama. Yesam papaka
mitta catusu iriyapathesu saha ayanato papasahaya, ye ca tanninnatapponatap-
pabbharataya papesu sampavanka, te papamitta papasahaya papasampavanka nama.
     Oramattakenati avaramattakena appamattakena. Antarati arahattam appatvava
etthantare. Vosananti parinitthitabhavam "alamettavata"ti osakkanam. Idam vuttam
@Footnote: 1 Ma.mu. 12/273/235 pasarasisutta  2 Ma.mu. 12/387/345 mahasaccakasutta
Hoti:- yava silaparisuddhijjhanavipassana sotapannabhavadinam annataramattakena
vosanam napajjissanti, tava vuddhiyeva bhikkhunam patikankha, no parihaniti.


             The Pali Atthakatha in Roman Book 16 page 176-178.
http://84000.org/tipitaka/atthapali/read_rm.php?B=16&A=3941&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=3941&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=22
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=328
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=321
             The Pali Tipitaka in Roman Character :-
http://84000.org/tipitaka/read/roman_read.php?B=22&A=321
             Contents of The Tipitaka Volume 22
http://84000.org/tipitaka/read/?index_22