Atthakatha Book 2 : PALI ROMAN
Vinaya.A. (samanta.2)

     {409} Tena samayena buddho bhagavati sanghabhedasikkhapadam. Tattha
athakho devadattotiadisu yo ca devadatto yatha ca pabbajito
yena ca karanena kokalikadayo upasankamitva etha mayam avuso
samanassa gotamassa sanghabhedam karissama cakkabhedanti 1- aha. Tam
sabbam sanghabhedakkhandhake agatameva. Pancavatthuyacana pana kincapi
tattheva agamissati athakho idhapi agatatta yadettha vattabbam
tam vatvava gamissama. Sadhu bhanteti ayacana sadhu. Bhikkhu
yavajivam arannika assuti arannikadhutangam samadaya sabbe bhikkhu
yava jivanti tava arannika hontu aranneyeva vasantu.
Yo gamantam osareyya vajjam nam phuseyyati yo ekabhikkhupi
arannam pahaya nivasanatthaya gamantam osareyya vajjam nam phuseyya
nam bhikkhum doso phusatu apattiya nam bhagava karetuti adhippayena
vadati. Esa nayo sesavatthusupi. {410} Janam sannapessamati janam
amhakam appicchatadibhavam janapessama. Athava paritoseyyama
pasadessamati vuttam hoti. Imani pana panca vatthuni yacato
devadattassa vacanam sutvava annasi bhagava sanghabhedatthiko hutva
ayam yacatiti. Yasma pana tani anujaniyamanani bahunam kulaputtanam
@Footnote: 1. vi. cullavagga. 7/191.
---------------------------------------------------------------------------------------------
page114.
Maggantarayaya samvattanti tasma bhagava alam devadattati 1-
patikkhipitva yo icchati arannako hotutiadimaha 2-.
     Ettha pana bhagavato adhippayam viditva kulaputtena attano
patirupam veditabbam. Ayam hettha bhagavato adhippayo eko bhikkhu
mahajjhasayo hoti mahussaho sakkoti gamantasenasanam
patikkhipitva aranne viharanto dukkhassantam katum. Eko dubbalo
hoti appatthamo aranne na sakkoti gamanteyeva sakkoti.
Eko mahabbalo samappavattadhatuko adhivasanakkhantisampanno
itthanitthesu samacitto arannepi gamantepi sakkotiyeva.
Eko neva gamante na aranne sakkoti padaparamo hoti.
Tatra yvayam mahajjhasayo hoti mahussaho sakkoti gamantasenasanam
patikkhipitva aranne viharanto dukkhassanatam katum so
aranneyeva vasatu idamassa patirupam. Saddhiviharikadayopissa
anusikkhamana aranne vihatabbameva mannissanti. Yo pana
dubbalo hoti appatthamo gamanteyeva sakkoti dukkhassantam
katum na aranne so gamanteyeva vasatu. Yvayam mahabbalo
samappavattadhatuko adhivasanakkhantisampanno itthanitthesu samacitto
arannepi gamantepi sakkotiyeva ayampi gamantasenasanam pahaya
aranne viharatu idamassa patirupam. Saddhiviharikadayopissa
anusikkhamana aranne vihatabbam mannissanti. Yo panayam neva gamante
na aranne sakkoti padaparamo hoti ayampi aranneyeva vasatu.
@Footnote: 1. 2. vi. cullavagga. 7/193.
---------------------------------------------------------------------------------------------
page115.
Ayam hissa dhutangasevana kammatthanabhavana ca ayatim maggaphalanam
upanissayo bhavissati. Saddhiviharikadayopissa anusikkhamana aranne
vihatabbam mannissantiti. Evam yvayam dubbalo hoti appatthamo
gamanteyeva viharanto sakkoti dukkhassantam katum na aranne
imam puggalam sandhaya bhagava yo icchati gamante viharatuti aha.
Imina ca puggalena annesampi dvaram dinnam. Yadi pana bhagava
devadattassa vadam sampaticcheyya yvayam puggalo pakatiya dubbalo
hoti appatthamo yopi daharakale arannavasam abhisambhunitva
jinnakale va vatapittadihi samuppannadhatukkhobhakale va
nabhisambhunati gamanteyeva pana viharanto sakkoti dukkhassantam katum
tesam ariyamaggupacchedo bhaveyya arahattaphaladhigamo na bhaveyya
uddhammam ubbinayam vilomam aniyyanikam satthusasanam bhaveyya sattha
ca tesam asabbannu assa sakavadam chaddetva devadattassa vade
patitthitoti garayho ca bhaveyya. Tasma bhagava evarupe puggale
sanganhanto devadattassa vadam patikkhipi. Eteneva upayena
pindapatikavatthusmimpi pamsukulikavatthusmimpi atthamase
rukkhamulikavatthusmimpi vinicchayo veditabbo. Cattaro pana
mase rukkhamulasenasanam patikkhittameva.
     Macchamamsavatathusmim tikotiparisuddhanti tihi kotihi parisuddham
ditthadihi aparisuddhihi virahitanti attho. Tenevaha adittham
assutam aparisankitanti. Tattha aditthannama bhikkhunam atthaya
---------------------------------------------------------------------------------------------
page116.
Migamacche vadhitva gayhamanam adittham. Assutannama bhikkhunam
atthaya migamacche vadhitva gahitanti assutam. Aparisankitam pana
ditthaparisankitam sutaparisankitam tadubhayavinimuttaparisankitanca natva
tabbipakkhato janitabbam. Katham. Idha bhikkhu passanti manusse
jalavaguradihatthe gamato va nikkhamante aranne va vicarante.
Dutiyadivase ca nesam tam gamam pindaya pavitthanam samacchamamsam
pindapatam abhiharanti. Te tena ditathena parisankanti bhikakhunam nukho
atthaya katanti. Idam ditthaparisankitannama. Etam gahetum na
vattati. Yam evam aparisankitam tam vattati. Sace pana te
manussa kasma bhante na ganhathati pucchitva tamattham sutva
nayidam bhante bhikkhunam atthaya katam amhehi attano atthaya va
rajayuttadinam atthaya va katanti vadanti kappati. Naheva kho
bhikkhu passanti apica sunanti manussa kira jalavaguradihattha
gamato va nikkhamanti aranne va vicarantiti. Dutiyadivase ca
tesam tam gamam pindaya pavitthanam samacchamamsam pindapatam abhiharanti.
Te tena sutena parisankanti bhikkhunam nukho atthaya katanti. Idam
sutaparisankitannama. Etam gahetum na vattati. Yam evam aparisankitam
tam vattati. Sace pana te manussa kasma bhante na ganhathati
pucchitva tamattham sutva nayidam bhikkhunam atthaya katam amhehi
attano atthaya va rajayuttadinam atthaya va katanti vadanti
kappati. Naheva kho pana passanti na sunanti apica tesam tam
---------------------------------------------------------------------------------------------
page117.
Gamam pindaya pavitthanam pattam gahetva samacchamamsam pindapatam
abhisankharitva abhiharanti. Te parisankanti bhikkhunam nukho
atthaya katanti. Idam tadubhayavinimuttaparisankitannama. Etampi
gahetum na vattati. Yam evam aparisankitam tam vattati.
Sace pana te manussa kasma bhante na ganhathati pucchitva
tamattham sutva nayidam bhante bhikkhunam atthaya katam amhehi
attano atthaya va rajayuttadinam atthaya va katam pavattamamsam
va kappiyameva labhitva bhikkhunam atthaya sampaditanti vadanti
kappati. Matanam petakiccatthaya mangaladinam va atthaya katepi
eseva nayo. Yam yam hi bhikkhunamyeva atthaya akatam yattha ca
nibbematiko hoti tam sabbam kappati. Sace pana ekasmim vihare
bhikkhunam uddissa katam hoti te ca attano atthaya katabhavam na
jananti anne jananti ye jananti tesam na vattati.
Anne na jananti teyeva jananti tesamyeva na vattati annesam
vattati. Tepi amhakam atthaya katanti jananti annepi
etesam atthaya katanti jananti sabbesampi na vattati. Sabbe
na jananti sabbesam vattati. Pancasupi sahadhammikesu yassa va
tassa va atthaya uddissa katam sabbesam na kappati. Sace pana
koci ekam bhikkhum uddissa panam vadhitva tassa pattam puretava
deti so ca attano atthaya katabhavam janamyeva gahetva annassa
bhikkhuno deti so tassa saddhaya paribhunjati kassa apattiti.
---------------------------------------------------------------------------------------------
page118.
Dvinnampi anapatti. Yam hi uddissa katam tassa abhuttataya
anapatti itarassa ajananataya ca. Kappiyamamsassa hi patiggahane
apatti natthi. Uddissa katanca ajanitva bhunjantassa
paccha natva apattidesanakiccam nama natthi. Akappiyamamsam pana
ajanitva bhuttena paccha natvapi apatti desetabba.
Uddissa katam hi natva bhunjato ca apatti. Akappiyamamsam
ajanitva bhunjantassapi apattiyeva. Tasma apattibhirukena rupam
sallakkhentenapi pucchitvava mamsam patiggahetabbam. Paribhogakale
pucchitva paribhunjissamiti gahetva pucchitvava paribhunjitabbam.
Kasma. Duvinneyyatta. Acchamamsam hi sukaramamsasadisam hoti.
Dipimamsadini migamamsadisadisani. Tasma pucchitva gahanameva
vattanti vadanti.
     Hattho udaggoti tuttho ceva unnatakayacitto ca hutva.
So kira bhagava imani panca vatthuni na anujanati idani
sakkissami sanghabhedam katunti kokalikassa ingitakaram dassetva
yatha visam va khaditva rajjuya va ubbandhitva sattham va
aharitva maritukamo puriso visadisu annataram labhitva tappaccaya
asannampi maranadukkham ajananto hattho udaggo hoti evameva
sanghabhedapaccaya asannampi avicimhi nibbattitva patisamvedaniyam
dukkham ajananto laddho dani me sanghabhedassa upayoti hattho
udaggo sapariso utthayasana teneva hatthabhavena bhagavantam
---------------------------------------------------------------------------------------------
page119.
Abhivadetva padakkhinam katva pakkami. Te mayam imehi pancahi
vatthuhi samadaya vattamati ettha pana imani panca vatthuniti
vattabbepi te mayam imehi pancahi vatthuhi janam sannapessamati
abhinhavitakkavasena vibhattivipallasam asallakkhetva
abhinhaparivitakkanurupameva te mayam imehi pancahi vatthuhiti aha yathatam
vikkhittacitto. Dhuta sallekhavuttinoti ya patipada kilese dhunati
taya samananagatatta dhuta. Ya ca kilese sallekhati sa
etesam vuttiti sallekhavuttino. Bahullikoti civaradinam paccayanam
bahulabhavo bahullam. Bahullamassa atthi tasmim va bahulle
niyutto thitoti bahulliko. Bahullaya cetetiti bahullatthaya
ceteti kappeti pakappeti. Kathannama mayhanca savakananca me
civaradibahulabhavo bhaveyyati evam ussukkamapannoti adhippayo.
Cakkabhedayati anabhedaya. Dhammim katham katvati khandhake
vuttanayena alam devadatta ma te ruci sanghabhedo garuko kho
devadatta sanghabhedo yo kho devadatta samaggam sangham bhindati
kappatthiyam 1- kibbisam pasavati kappam nirayamhi paccati yo ca kho
devadatta bhinnam sangham samaggam karoti brahmapunnam pasavati kappam
saggamhi modatitievamadikam 2- anekappakaram devadattassa ca
bhikkhunanca tadanucchavikam tadanulomikam dhammikatham katva.
     {411} Samaggassati sahitassa cittena ca sarirena ca aviyuttassati
attho. Padabhajanepi hi ayameva attho dassito. Samanasamvasakoti
@Footnote: 1. kappatthitikanti pali. 2. vi. cullavagga. 7/194.
---------------------------------------------------------------------------------------------
page120.
Hi vadata cittena aviyogo dassito hoti. Samanasimayam thitoti
vadata sarirena. Katham. Samanasamvasako hi laddhina nanasamvasakena
va kammuna nanasamvasakena va virahito samacittataya cittena
aviyutto hoti samanasimayam thito kayasamaggidanato sarirena
aviyutto. Bhedanasamvattanikam va adhikarananti bhedanasasa sanghebhedassa
atthaya samvattanikam karanam. Imasmim hi okase kamahetu kamanidanam
kamadhikaranantiadisu 1- viya karanam adhikarananti adhippetam. Tanca
yasma attharasavidham hoti tasma padabhajane attharasa bhedakaravatthuniti
vuttam. Tani pana idhupali bhikkhu adhammam dhammoti 2- dipetitiadina
nayena khandhake agatani. Tasma tattheva nesam attham
vannayissama. Yopi cayam imani vatthuni nissaya aparehipi
kammena uddesena voharena anussavanaya salakaggahenati pancahi
karanehi sanghabhedo hoti tampi agatatthaneyeva pakasayissama.
Sankhepato pana bhedanasamvattanikam va adhikaranam samadayati ettha
sanghabhedassa atthaya samvattanikam sanghabhedanipphattisamattham karanam
gahetvati evamattho veditabbo. Paggayhati paggahitam abbhussitam pakatam
katva. Tittheyyati yathasamadinnam yathapaggahitameva katva accheyya.
Yasma pana evam paggayhata titthata ca tam dipitanceva apatinissatthanca
hoti tasma padabhajane dipeyyati ca na patinissajjeyyati ca vuttam.
Bhikkhuhi evamassa vacaniyoti annehi lajjihi bhikkhuhi evam vattabbo
bhaveyya. Padabhajane cassa ye passantiti ye sammukha paggayha titthantam
@Footnote: 1. sam. sa. 15/108. 2. vi. parivara. 8/498.
---------------------------------------------------------------------------------------------
page121.
Passanti. Ye sunantiti yepi asukasmim nama vihare bhikkhu
bhedanasamvattanikam adhikaranam samadaya paggayha titthantiti sunanti. Sametayasma
sanghenati ayasma sanghena saddhim sametu samagacchatu ekaladdhiko
hotuti attho. Kimkarana. Samaggo hi sangho sammodamano
avivadamano ekuddeso phasuviharatiti. Tattha sammodamanoti
annamannasampattiya sutthu modamano. Avivadamanoti ayam dhammo
nayam dhammoti evam na vivadamano. Eko uddeso assati
ekuddeso. Ekato pavattapatimokkhuddeso na visunti attho.
Phasuviharatiti sukham viharati. Iccetam kusalanti etam patinissajjanam kusalam khemam
sotthibhavo tassa bhikkhuno. No ce patinissajjati apatti
dukkatassati tikkhattum vuttassa apatinissajjato dukkatam. Sutva na vadanti
apatti dukkatassati ye sutva na vadanti tesampi dukkatam. Kimvadure
sutva avadantanam dukkatam. Ekavihare tava vattabbam natthi.
Atthakathayam pana vuttam samanta addhayojane bhikkhunam bharo. Dutam va
pannam va pesetva vadatopi apattimokkho natthi. Sayameva
gantva garuko avuso sanghabhedo ma sanghabhedaya parakkamiti
varetabbo. Pahontena pana durampi gantabbam. Agilananam hi
durepi bharoyeva. Idani evanca so bhikkhu bhikkhuhi
vuccamanotiadisu atthamattameva dassetum so bhikkhu sanghamajjhampi akaddhitva
vattabboti adimaha. Tattha sanghamajjhampi akaddhitvati sace
purimanayena vuccamano na patinissajjati hatthesu ca padesu ca
---------------------------------------------------------------------------------------------
page122.
Gahetvapi sanghamajjham akaddhitva punapi ma ayasmati adina
nayena tikkhattum vattabbo. Yavatatiyam samanubhasitabboti yavatatiyam
samanubhasanam tava samanubhasitabbo. Tihi samanubhasanakammavacahi
kammam katabbanti vuttam hoti. Padabhajane panassa atthameva
gahetva samanubhasanavidhim dassetum so bhikkhu samanubhasitabbo evanca
pana bhikkhave samanubhasitabboti adi vuttam. {414} Tattha nattiya
dukkatam dvihi kammavacahi thullaccaya patippassambhantiti yam
nattipariyosane dukkatam apanno ye ca dvihi kammavacahi thullaccaye
ta tissopi apattiyo yassa nakkhamati so bhaseyyati evam
yakarappattamattaya tatiyakammavacaya patippassambhanti
sanghadiseseyeva titthati. Kim apanna apattiyo patippassambhanti
anapannati. Mahasumatthero tava vadati yo avasane nam
patinissajjati so ta apattiyo na apajjati tasma anapanna
patippassambhantiti. Mahapadumatthero pana lingaparivattena
asadharanapattiyo viya apanna patippassambhanti anapannanam kim
patippassaddhiyati aha. {415} Dhammakamme dhammakammasanniti tance
samanubhasanakammam dhammakammam hoti tasmim dhammakammasanniti attho.
Esa nayo sabbattha. Idha sanna na rakkhati kammassa
dhammikatta evam apatinissajjanto apajjati. {416} Asamanubhasantassati
asamanubhasiyamanassa apatinissajjantassapi sanghadisesena anapatti.
Patinissajjantassati nattito pubbe va nattikkhane va
---------------------------------------------------------------------------------------------
page123.
Nattipariyosane va pathamaya va anussavanaya dutiyaya va tatiyaya
va yava yakaram na sampapunati tava patinissajjantassa sanghadisesena
anapatti. Adikammikassati ettha pana devadatto samaggassa
sanghassa bhedaya parakkami tasmim vatthusminti 1- parivare agatatta
devadatto adikammiko. So ca kho sanghabhedaya parakkamanasseva
na apatinissajjanassa. Na hi tassa tam kammam katam. Kathancidam
janitabbanti ce. Suttato. Yatha hi arittho bhikkhu gaddhavadhipubbo
yavatatiyam [2]- samanubhasanaya na patinissajji tasmim vatthusminti 3-
parivare agatatta aritthassa kammam katanti pannayati na tatha
devadattassa. Athapissa katena bhavitabbanti koci attano
rucimatteneva vadeyya tathapi apatinissajjane adikammikassa anapatti
nama natthi. Na hi pannattasikkhapadam vitikkamantassa annatra
uddissa anunnatato anapatti nama dissati. Yampi
aritthasikkhapadassa anapattiyam adikammikassati potthakesu likhitam tam
pamadalikhitam. Pamadalikhitabhavo cassa  pathamam arittho bhikkhu 4-
codetabbo codetva saretabbo saretva apatti aropetabbati 5-
evam kammakkhandhake apattiaropanavacanato veditabbo. Iti
bhedaya parakkamane adikammikassa devadattassa yasma tam kammam na
katam tasma sa apattiyeva na jata sikkhapadam pana tam
arabbha pannattanti katva adikammikoti vutto. Iti apattiya
abhavatoyevassa anapatti vutta. Sa panesa kincapi
@Footnote: 1. 3. vi. parivara. 8/12 53. 2. paliyam [etthantare] papikam ditthinti pathadvayam
@dissati .  4.5. vi. cullavagga. 6/110. [etthantare] gandhabadhipubboti padam
@dissati.
---------------------------------------------------------------------------------------------
page124.
Asamanubhasantassati iminava siddha. Yasma pana asamanubhasanto nama
yassa kevalam samanubhasanam na karoti so vuccati na adikammiko
ayanca devadatto adikammikoyeva tasma adikammikassati
vuttam. Etenupayena thapetva aritthasikkhapadam sabbasamanubhasanasu
vinicchayo veditabbo. Sesam sabbattha uttanameva.
     Samutthanadisu tivangikam ekasamutthanam samanubhasanasamutthanam
nametam kayavacacittato samutthati patinissajjamiti kayavikaram va
vacibhedam va akaronatasseva pana apajjanato akiriya sannavimokkham
sacittakam lokavajjam kayakammam vacikammam akusalacittam
dukkhavedananti.
             Pathamasanghabhedasikkhapadavannana nitthita.


             The Pali Atthakatha in Roman Book 2 page 113-124.
http://84000.org/tipitaka/atthapali/read_rm.php?B=2&A=2371&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=2371&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=590
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=18423
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=7872
             The Pali Tipitaka in Roman Character :-
http://84000.org/tipitaka/read/roman_read.php?B=1&A=7872
             Contents of The Tipitaka Volume 1
http://84000.org/tipitaka/read/?index_1