AtthaPali Vol.2

{391} Tena samayena buddho bhagavati dutiyadutthadosasikkhapadam. Tattha handa mayam avuso imam chakalakam dabbam mallaputtam nama karomati te kira pathamavatthusmim attano manoratham sampadetum asakkonta laddhaniggaha vighatappatta idani janissamati tadisam vatthum pariyesamana vicaranti. Athekadivasam disva tuttha annamannam oloketva evamahamsu handa mayam avuso imam chakalakam dabbam mallaputtam nama karomati. Dabbo mallaputto nama ayanti evamassa namam karomati vuttam hoti. Esa nayo mettiyannama bhikkhuninti etthapi. Te bhikkhu mettiyabhummajake bhikkhu anuyunjimsuti evam anuyunjimsu avuso kuhim tumhehi dabbo mallaputto nama mettiyaya bhikkhuniya saddhim ditthoti. Gijjhakutapabbatapade. Kaya velaya. Bhikkhacaragamanavelaya. Avuso dabba ime evam vadenti tvam tada kuhinti. Veluvane bhattani uddisamiti. Tava taya velaya veluvane atthibhavam

--------------------------------------------------------------------------------------------- page108.

Ko janatiti. Bhikkhusangho bhanteti. Te sangham pucchimsu janatha tumhe taya velaya imassa veluvane atthibhavanti. Ama avuso janama thero sammatiladdhadivasato patthaya veluvaneyevati. Tato mettiyabhummajake ahamsu avuso tumhakam katha na sameti kacci no lesam uddetva vadethati. Evam te tehi bhikkhuhi anuyunjiyamana ama avusoti vatva etamattham arocesum. Kimpana tumhe avuso ayasmantam dabbam mallaputtam annabhagiyassa adhikaranassati ettha annabhagassa idam annabhago va assa atthiti annabhagiyam. Adhikarananti adharo veditabbo. Vatthuadhitthananti vuttam hoti. Yo hi so dabbo mallaputto namati chakalako vutto so yvayam ayasmato dabbassa mallaputtassa bhago kotthaso pakkho manussajati ceva bhikkhubhavo ca tato annassa bhagassa kotthasassa pakkhassa hoti tiracchanajatiya ceva chakalakabhavassa ca so va annabhago assa atthiti tasma annabhagisankham labhati. Yasma ca tesam imam mayam dabbam mallaputtam nama karomati vadantanam tassa namakaranasannaya adharo vatthuadhitthanam tasma adhikarananti veditabbo. Tam hi sandhaya te bhikkhu annabhagiyassa adhikaranassati ahamsu. Na vivadadhikaranadisu annataram. Kasma. Asambhavato. Na hi te catunnam adhikarananam kassaci annabhagiyassa adhikaranassa kinci desam lesamattam uppadayimsu. Na ca catunnam adhikarananam leso nama atthi. Jatilesadayo hi puggalanamyeva

--------------------------------------------------------------------------------------------- page109.

Lesa vutta na vivadadhikaranadinam. Idanca dabbo mallaputtoti namam tassa annabhagiyadhikaranabhave thitassa chakalakassa koci deso hoti theram amulakena parajikena anuddhamsetum lesamatto. Ettha ca dissati apadissati assa ayanti vohariyatiti deso. Jatiadisu annatarakotthasassetam adhivacanam. Annampi vatthum lissati silissati voharamatteneva isakam alliyatiti leso. Jatiadinanneva annatarakotthasassetam adhivacanam. Tato param uttanatthameva. Sikkhapadappannattiyampi ayamevattho. Padabhajane pana yassa annabhagiyassa adhikaranassa kinci desam lesamattam upadaya parajikena dhammena anuddhamseyya tam yasma atthuppattivaseneva avibhutam tasma padabhajane tam na vibhattanti veditabbam. {393} Yani pana adhikarananti vacanasamannato atthuddharavasena ca vuttani cattari adhikaranani tesam annabhagiyata ca tabbhagiyata ca yasma apakata janitabba ca vinayadharehi tasma vacanasamannato laddham adhikaranam nissaya tam avikaronto annabhagiyassa adhikaranassati apattannabhagiyam va hoti adhikaranannabhagiyam vati adimaha. Ya ca sa avasane apattannabhagiyassa adhikaranassa vaseneva codana vutta tampi dassetum ayam sabbadhikarananam tabbhagiyaannabhagiyata samahatati veditabba. Tattha ca apattannabhagiyam vati pathamam udditthatta kathanca apatti apattiya annabhagiya hotiti niddese arabbhitabbe yasma apattadhikaranassa

--------------------------------------------------------------------------------------------- page110.

Tabbhagiyavicaranayeva ayamattho agamissati tasma evam anarabhitva kathanca adhikaranam adhikaranassa annabhagiyanti pacchimam padamyeva gahetva niddeso araddhoti veditabbo. Tattha annabhagiyavaro uttanatthoyeva. Ekamekam hi adhikaranam itaresam tinnam annabhagiyam annapakkhiyam annakotthasiyam hoti vatthuvisabhagatta. Tabbhagiyavare pana vivadadhikaranam vivadadhikaranassa tabbhagiyam tampakkhiyam tamkotthasiyam vatthusabhagatta. Tatha anuvadadhikaranam anuvadadhikaranassa. Katham. Buddhakalato patthaya hi attharasa bhedakaravatthuni nissaya uppannavivado ca idani uppajjanakavivado ca vatthusabhagataya ekam vivadadhikaranameva hoti tatha buddhakalato patthaya catasso vipattiyo nissaya uppannaanuvado ca idani uppajjanakaanuvado ca vatthusabhagataya ekam anuvadadhikaranameva hoti. Yasma pana apattadhikaranam apattadhikaranassa sabhagavisabhagavatthuto sabhavasarikkhato ca ekamsena tabbhagiyam na hoti tasma apattadhikaranam apattadhikaranassa siya tabbhagiyam siya annabhagiyanti vuttam. Tattha adito patthaya annabhagiyassa pathamam nidditthatta idhapi annabhagiyameva pathamam niddittham. Tattha annabhagiyattanca parato tabbhagiyattanca vuttanayeneva veditabbam. Kiccadhikaranam kiccadhikaranassa tabbhagiyanti ettha pana buddhakalato patthaya cattari sanghakammani nissaya uppannaadhikarananca idani cattari sanghakammani nissaya uppajjanakaadhikarananca sabhagataya sarikkhataya ca ekam

--------------------------------------------------------------------------------------------- page111.

Kiccadhikaranameva hoti. Kim pana sanghakammani nissaya uppannaadhikaranam kiccadhikaranam udahu sanghakammanameva tam adhivacananti. Sanghakammanamevetam adhivacanam. Evam santepi sanghakammannama idancidanca evam iti yam kammalakkhanam manasikaroti tam nissaya uppajjanato purimam purimam sanghakammam nissaya uppajjanato ca sanghakammani nissaya uppannam adhikaranam kiccadhikarananti vuttam. {394} Kinci desam lesamattam upadayati ettha pana yasma desoti va lesamattoti va pubbe vuttanayeneva byanjanato nanam atthato ekam tasma lesoti dasa lesa jatileso namalesoti adimaha. Tattha jatiyeva jatileso. Esa nayo sesesu. {395} Idani tameva lesam vittharato dassetum yatha tam upadaya anuddhamsana hoti tatha savatthukam katva dassento jatileso nama khattiyo dittho hotiti adimaha. Tattha khattiyo dittho hotiti anno koci khattiyajatiyo imina codakena dittho hoti. Parajikam dhammam ajjhapajjantoti methunadhammadisu annataram apajjanto. Annam khattiyam passitva codetiti atha so annam attano verim khattiyajatiyam bhikkhum passitva tam khattiyajatilesam gahetva evam codeti khattiyo maya dittho parajikam dhammam ajjhapajjanto tvam khattiyo parajikam dhammam ajjhapannosi. Athava tvam so khattiyo na anno parajikam dhammam ajjhapannosi assamanosi asakyaputtiyosi natthi taya saddhim uposatho va pavarana va sanghakammam vati apatti

--------------------------------------------------------------------------------------------- page112.

Vacaya vacaya sanghadisesassa. Ettha ca tesam khattiyanam annamannam asadisassa tassa tassa dighadino va ditthadino va vasena annabhagiyata khattiyajatippannattiya adharavasena adhikaranata ca veditabba. Eteneva upayena sabbapadesu yojana veditabba. {400} Pattalesaniddese. Satakapattoti lohapattasadiso susanthano succhavi siniddho bhamaravanno mattikapatto vuccati. Sumbhakapattoti pakatimattikapatto. {406} Yasma pana apattilesassa ekapadeneva sankhepato niddeso vutto tasma vittharato tampi dassetum bhikkhu sanghadisesam ajjhapajjanato dittho hotiti adi vuttam. Kasma panassa tattheva niddesam avatva idha visum vuttoti. Lesaniddese hi asabhagatta. Lesaniddesa hi annam disva annassa codanavasena vutta. Ayam pana ekameva annam apattim apajjantam disva annaya apattiya codanavasena vutto. Yadi evam katham annabhagiyam adhikaranam hotiti. Apattiya. Tenetam vuttam evampi apattannabhagiyanca hoti leso ca upadinnoti. Yam hi so sanghadisesam apanno tam parajikassa annabhagiyam adhikaranam. Tassa pana annabhagiyassa adhikaranassa leso nama yo so sabbakhattiyanam sadharano khattiyabhavo viya sabbapattinam sadharano apattibhavo. Etena upayena sesapattimulaka naya codapakavaro ca veditabbo. {408} Anapatti tathasanni codeti va codapeti vati parajikamyeva ayam apannoti

--------------------------------------------------------------------------------------------- page113.

Yo evam tathasanni codeti va codapeti va tassa anapatti. Sesam sabbam uttanameva. Samutthanadinipi pathamadutthadosasadisanevati. Dutiyadutthadosasikkhapadavannana nitthita.

The Pali Atthakatha in Roman Book 2 page 107-113. http://84000.org/tipitaka/atthapali/read_rm.php?B=2&A=2248&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=2248&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=564 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=17841 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=7641 The Pali Tipitaka in Roman Character :- http://84000.org/tipitaka/read/roman_read.php?B=1&A=7641 Contents of The Tipitaka Volume 1 http://84000.org/tipitaka/read/?index_1