AtthaPali Vol.2

{609} Tena samayenati unapancabandhanasikkhapadam. Tattha na yapetiti so kira yadi ariyasavako nabhavissa annathattampi agamissa evam tehi ubbalho. Sotapannatta pana kevalam sarireneva na yapeti. Tena vuttam attanapi na yapeti puttadarapissa kilamantiti. {612-613} Unapancabandhanenati ettha unani panca bandhanani assati unapancabandhano. Nassa panca bandhanani purentiti attho. Tena unapancabandhanena. Itthambhutassa lakkhane karanavacanam. Tattha yasma abandhanassapi panca bandhanani na purenti sabbaso natthitaya tasma padabhajane abandhano vati adi vuttam. Unapancabandhanenati ca vuttatta yassa pancabandhano patto hoti tassa so apatto

--------------------------------------------------------------------------------------------- page249.

Tasma annam vinnapetum vattati. Bandhananca nametam yasma bandhanokase sati hoti asti na hoti tasma tassa lakkhanam dassetum abandhanokaso namati adi vuttam. Dvangularaji na hotiti mukhavattito hettha dvangulappamana ekapi raji na hoti. Yassa dvangularaji hotiti yassa pana tadisa eka raji hoti so tassa rajiya hetthimapariyante pattavedhakena vijjhitva pacitva suttarajjukamakacirajjukadihi va tipusuttakena va bandhitabbo. Tam bandhana amisassa alagganattham tipupattakena va kenaci bandhasilesena va paticchadetabbam. So ca patto adhitthahitva paribhunjitabbo. Sukhumam va chiddam katva bandhitabbo. Suddhehi pana madhusitthakalakhasajjulasadihi bandhitum na vattati. Phanitam jhapetva pasanacunnena bandhitum vattati. Mukhavattisamipe pana pattavedhakena vijjhiyamano kapalassa bahalatta bhijjati tasma hettha vijjhitabbo. Yassa pana dve rajiyo ekayeva va caturangula tassa dve bandhanani databbani. Yassa tisso ekayeva va chalangula tassa tini. Yassa catasso ekayeva va atthangula tassa cattari. Yassa panca ekayeva va dasangula so bandhopi abandhopi apattoyeva anno vinnapetabbo. Esa tava mattikapatte vinicchayo. Ayopatte pana sacepi panca va atirekani va chiddani honti tani ca ayacunnena va aniya va lohamandalakena va baddhani matthani honti sveva

--------------------------------------------------------------------------------------------- page250.

Patto paribhunjitabbo anno na vinnapetabbo. Atha pana ekampi chiddam mahantam hoti lohamandalakena baddhampi mattham na hoti patte amisam laggati akappiyo hoti ayam apatto anno vinnapetabbo. {615} Thero vattabboti patte anisamsam dassetva ayam bhante patto pamanayutto sundaro theranurupo tam ganhathati vattabbo. Yo na ganheyyati anukampaya aganhantassa dukkatam. Yo pana santutthiya kim me annena pattenati na ganhati tassa anapatti. Pattapariyantoti evam parivattetva pariyante thitapatto. Adeseti mancapithacchattanaga- dantakadike adese na nikkhipitabbo. Yattha purimam sundaram pattam thapeti tattheva thapetabbo. Pattassa hi nikkhipanadeso anujanami bhikkhave adharakanti ^1- adina nayena khandhake vuttoyeva. Na abhogenati yagurandhanarajanapacanadina abhogena na bhunjitabbo. Antaramagge pana byadhimhi uppanne annasmim bhajane asati mattikaya limpitva yagum va pacitum udakam va tapetum vattati. Na vissajjetabboti annassa na databbo. Sace pana saddhivihariko va antevasiko va annam varapattam thapetva ayam mayham saruppo ayam therassati ganhati vattati. Anno va tam gahetva attano pattam deti vattati. Mayhameva pattam aharati vattabbakiccam natthi. {617} Pavaritananti ettha ca sanghavasena pavaritatthane pancabandhaneneva vattati puggalavasena pavaritatthane unapancabandhanenapi @Footnote: ^1. vi. cullavagga. 7/19. paliyameva pattadharakanti dissati.

--------------------------------------------------------------------------------------------- page251.

Vattatiti kurundiyam vuttam. Sesamettha uttanatthameva. Chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Unapancabandhanasikkhapadam.

The Pali Atthakatha in Roman Book 2 page 248-251. http://84000.org/tipitaka/atthapali/read_rm.php?B=2&A=5220&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5220&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=176 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=7436 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=2472 The Pali Tipitaka in Roman Character :- http://84000.org/tipitaka/read/roman_read.php?B=1&A=2472 Contents of The Tipitaka Volume 1 http://84000.org/tipitaka/read/?index_1