|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Nandavagga 1. Kammavipakajasuttavannana [21] Nandavaggassa pathame annataro bhikkhuti namagottena apakato eko khinasavabhikkhu. So kira rajagahavasi kulaputto moggallanattherena samvejito samsare dosam disva satthu santike pabbajitva silani sodhetva catusaccakammatthanam gahetva nacirasseva vipassanam ussukkapetva arahattam papuni. Tassa aparabhage kharo abadho uppajji, so paccavekkhanaya adhivasento viharati. Khinasavanam hi cetasikadukkham nama natthi, kayikadukkham pana hotiyeva. So ekadivasam bhagavato dhammam desentassa natidure thane dukkham adhivasento pallankena nisidi. Tena vuttam "bhagavato avidure nisinno hoti"tiadi. Tattha pallankanti samantato urubaddhasanam. Abhujitvati bandhitva. Ujum kayam panidhayati uparimam sariram ujukam thapetva attharasapitthikantake kotiya kotim patipadetva. Evam hi nisinnassa cammamamsanaharuni na namanti, tasma so tatha nisinno hoti. Puranakammavipakajanti pubbekatassa kammassa vipakabhavena jatam, puranakammavipake va sukhadukkhappakare vipakavattasamudaye 1- tadekadesabhavena 2- jatam. Kintam? dukkham. Puranakammavipakajanti ca imina tassa abadhassa kammasamutthanatam dassento opakkamikautuviparinamajadibhavam patikkhipati. Dukkhanti puthujjanehi 3- khamitum asakkuneyyam. Tibbanti tikhinam, abhibhavitva pavattiya bahalam va. Kharanti kakkhalam. Katukanti asatam. Adhivasentoti upari vasento sahanto khamanto. @Footnote: 1 Ma. vipakavattasamavaye 2 Si.,Ma. vipakasamudayekadesabhavena 3 cha.Ma. pacurajanehi--------------------------------------------------------------------------------------------- page174.
Sato sampajanoti vedanapariggahakanam satisampajannanam vasena satima sampajananto ca. Idam vuttam hoti:- "ayam vedana nama hutva abhavatthena anicca, anittharammanadipaccayam 1- paticca uppannatta paticcasamuppanna, uppajjitva ekantena bhijjanasabhavatta khayadhamma vayadhamma viragadhamma nirodhadhamma"ti vedanaya aniccatasallakkhanavasena satokaritaya sato, aviparitasabhavapativijjhanavasena sampajano ca hutva. Athava sativepullappattiya sabbattheva kayavedanacittadhammesu sutthu upatthitassatitaya sato, tatha pannavepullappattiya pariggahitasankharataya sampajano. Avihannamanoti "assutava bhikkhave puthujjano annatarannatarena dukkhadhammena phuttho samano socati kilamati paridevati urattalim kandati sammoham apajjati"ti 2- vuttanayena andhaputhujjano viya na vihannamano maggeneva samugghatitatta cetodukkham anuppadento kevalam kammavipakajam sariradukkham adhivasento samapattim samapanno viya nisinno hoti. Addasati tam ayasmantam adhivasanakkhantiya tatha nisinnam addakkhi. Etamatthanti etam tadisassapi rogassa vejjadihi tikicchanattham anussukkapajjanakaranam khinasavanam lokadhammehi anupalepitasankhatam 3- attham sabbakarato viditva. Imam udananti imam sankhatadhammanam yehi kehici dukkhadhammehi avighatapattivibhavanam udanam udanesi. Tattha sabbakammajahassati pahinasabbakammassa. Aggamaggassa hi uppannakalato patthaya arahato sabbani kusalakusalakammani pahinani nama honti patisandhim datum asamatthabhavato, yato ariyamaggananam kammakkhayakaranti vuccati. Bhikkhunoti bhinnakilesataya bhikkhuno. Dhunamanassa pure katam rajanti arahattappattito @Footnote: 1 cha.Ma.... adipaccaye 2 sam.sala. 18/365/255 (sya) @3 Ma. anupakkilesasankhatam--------------------------------------------------------------------------------------------- page175.
Pubbe katam ragarajadimissataya rajanti laddhanamam dukkhavedaniyakammam vipakapatisamvedanena tam dhunantassa viddhamsentassa, arahattappattiya parato pana savajjakiriyaya sambhavoyeva natthi, anavajjakiriya ca bhavamulassa samucchinnatta ucchinnamulataya puppham viya phaladanasamatthataya abhavato kiriyamattava hoti. Amamassati rupadisu katthaci mamanti gahanabhavato amamassa mamankararahitassa. Yassa hi mamankaro atthi, so attasinehena vejjadihi sariram patijaggapeti. Araha pana amamo, tasma so sarirajagganepi udasinadhatukova. Thitassati catubbidhampi ogham taritva nibbanathale thitassa, patisandhiggahanavasena va sandhavanassa abhavena thitassa. Sekkhaputhujjana hi kilesabhisankharanam appahinatta cutipatisandhivasena samsare dhavanti nama, araha pana tadabhavato thitoti vuccati. Athava dasavidhe khinasavasankhate ariyadhamme thitassa. Tadinoti "patikule appatikulasanni viharati"tiadina 1- nayena vuttaya pancavidhaya ariyiddhiya atthahi lokadhammehi akampaniyaya chalangupekkhaya ca samannagatena itthadisu ekasadisatasankhatena tadibhavena tadino. Attho natthi janam lapetaveti "mama bhesajjadini karotha"ti janam lapitum kathetum payojanam natthi sarire nirapekkhabhavato. Pandupalaso viya hi bandhana pamutto sayamevayam kayo bhijjitva patatuti khinasavanam ajjhasayo. Vuttanhetam:- "nabhikankhami maranam nabhikankhami jivitam kalanca patikankhami nibbisam bhatako yatha"ti. 2- Athava yankinci nimittam dassetva "kim ayyassa icchitabban"ti janam lapetave paccayehi nimantanavasena lapapetum khinasavassa attho natthi tadisassa micchajivassa maggeneva samugghatitattati attho. Iti bhagava "kissayam thero attano @Footnote: 1 khu.pati. 31/17/424 2 khu.thera. 26/606/356--------------------------------------------------------------------------------------------- page176.
Rogam vejjehi atikicchapetva bhagavato avidure nisidati"ti cintentanam tassa atikicchapane karanam pakasesi. Pathamasuttavannana nitthita. -------------The Pali Atthakatha in Roman Book 26 page 173-176. http://84000.org/tipitaka/atthapali/read_rm.php?B=26&A=3878&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=3878&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=66 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2050 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2063 The Pali Tipitaka in Roman Character :- http://84000.org/tipitaka/read/roman_read.php?B=25&A=2063 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]