Atthakatha Book 26 : PALI ROMAN
U.A. (paramatthadi.)

                       9. Sadhayamanasuttavannana
    [49] Navame manavakati taruna. Pathame yobbane thita brahmanakumaraka
idhadhippeta.
    Sadhayamanarupati uppandanajatikam vacanam sandhaya vuttam. Annesam
uppandenta sadhanti, tadatthavacanasilati attho. Tassayam vacanattho:- sadhanam
---------------------------------------------------------------------------------------------
page341.
Sadho, 1- tam acikkhantiti sadhayamanati vattabbe digham katva "sadhayamana"ti
vuttam. Atha va visesato sasedhe viya attanam avadantiti sadhayamana te 2-
evamsabhavataya "sadhayamanarupa"ti vuttam. "saddayamanarupa"tipi patho, uccasaddam
mahasaddam karontati attho. Bhagavato avidure atikkamantiti bhagavato savanavisaye
tam tam mukharulham vadanta atiyanti.
    Etamattham viditvati etam tesam vacaya asannatabhavam janitva tadatthadipakam
dhammasamvegavasena imam udanam udanesi.
    Tattha parimutthati dandha mutthassatino. Panditabhasati panditapatirupaka
"ke anne jananti, mayamevettha janama"ti tasmim tasmim atthe attanameva
janantam katva samudacaranato. Vacagocarabhaninoti yesam vaca eva gocaro
visayo, te vacagocarabhanino, vacavatthumattasseva bhanino atthassa
aparinnatatta. Atha va vacaya agocaram ariyanam kathaya avisayam musavadam
bhanantiti vacagocarabhanino. Atha va "gocarabhanino"ti ettha akarassa
rassabhavo kato. Vacagocara, na satipatthanadigocara bhaninova. Katham bhanino?
yavicchanti mukhayamam attano yava mukhayamam yava mukhappasaranam icchanti,
tava pasaretva bhanino, paresu garavena, attano avisayataya ca mukhasankocam
na karontiti attho. Atha va vacagocara eva hutva bhanino, sayam
ajanitva parapattika eva hutva vattaroti attho. Tatoyeva yavicchanti
mukhayamam yena vacanena sadhetabba, tam acintetva yavadeva attano
mukhappasaranamattam icchantiti attho. Yena nita na tam viduti yena mutthassaccadina
@Footnote: 1 Si. vadhanam vadho  2 Si.,Ma. tato
---------------------------------------------------------------------------------------------
page342.
Nillajjabhavam panditamanibhavanca nita "mayamevam bhanama"ti, tam tatha attano
bhanantassa karanam na vidu, aviddasuno 1- na janantiti attho.
                       Navamasuttavannana nitthita.
                         --------------


             The Pali Atthakatha in Roman Book 26 page 340-342.
http://84000.org/tipitaka/atthapali/read_rm.php?B=26&A=7632&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=26&A=7632&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=125
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=3283
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=3444
             The Pali Tipitaka in Roman Character :-
http://84000.org/tipitaka/read/roman_read.php?B=25&A=3444
             Contents of The Tipitaka Volume 25
http://84000.org/tipitaka/read/?index_25