AtthaPali Vol.26

8. Samghabhedasuttavannana [48] Atthame ayasmantam anandam etadavocati abhimare payojetva nalagirim vissajjapetva silam parivattetva bhagavato anattham katum asakkonto "samgham bhinditva cakkabhedam ^2- karissami"ti adhippayena etam "ajjatagge"tiadivacanam avoca. Annatreva bhagavatati vina eva bhagavantam, sattharam akatvati attho. Annatra bhikkhusamghati vina eva bhikkhusamgham. Uposatham karissami samghakammani cati bhagavato ovadakarakam bhikkhusamgham visum katva mam anuvattantehi bhikkhuhi saddhim avenikam uposatham samghakammani ca karissamiti attho. Devadatto samgham bhindissatiti @Footnote: ¹ an. ekaka. 20/204/24 ² Si. vaggabhedam

--------------------------------------------------------------------------------------------- page339.

Bhedakaranam sabbesam devadattena sajjitatta ekamseneva devadatto ajja samgham bhindissati dvidha karissati. "adhammam dhammo"tiadisu hi attharasasu bhedakaravatthusu yankinci ekampi vatthum dipetva tena tena karanena "imam ganhatha, imam rocetha"ti sannapetva salakam gahapetva visum samghakamme kate samgho bhinno hoti. Vuttanhetam:- "pancahi upali akarehi samgho bhijjati kammena uddesena voharanto anussavanena salakaggahena"ti. ^1- Tattha kammenati apalokanakammadisu catusu kammesu annatarena kammena. Uddesenati pancasu patimokkhuddesesu annatarena uddesena. Voharantoti tahi tahi uppattihi "adhammam dhammo"tiadini ^2- attharasabhedakaravatthuni dipento anussavanenati "nanu tumhe janatha mayham uccakula pabbajitabhavam bahussutabhavam ca, madiso nama udadhammam ubbinayam gaheyyati kim tumhakam cittampi uppadetum yuttam, kimaham apayato na bhayami"tiadina nayena kannamule vacibhedam katva anussavanena. Salakaggahenati evam anussavetva tesam cittam upatthambhetva anavattidhamme katva "ganhatha imam salakan"ti salakaggahena. Ettha ca kammameva uddeso va pamanam voharanussavanasalakaggaha pana pubbabhaga. Attharasavatthudipanavasena hi voharantena tattha rucijananattham anussavetva salakaya gahitayapi abhinnova hoti samgho. Yada panevam cattaro va atireka va salakam gahapetva avenikam uddesam va kammam va karonti, tada samgho bhinno nama hoti. Devadatto ca sabbam samghabhedassa pubbabhagam nipphadetva "ekamseneva ajja avenikam uposatham samghakammanca karissami"ti cintetva @Footnote: ¹ vi.pa. 8/458/409 ² vi.cula. 7/352/148, an. dasaka. 24/37/58

--------------------------------------------------------------------------------------------- page340.

"ajjatagge"tiadivacanam avoca. Tenaha "ajja bhante devadatto samgham bhindissati"ti. Yato avocumha "bhedakaranam sabbesam devadattena sajjitatta"ti. Etamattham viditvati etam avicimahanirayuppattisamvattaniyam kappatthiyam atekiccham devadattena nibbattiyamanam samghabhedakammam sabbakarato viditva. Imam udananti kusalakusalesu yathakkamam sappurisasappurisasabhagavisabhagapatipattivasena pana sukusalati idamatthavibhavanam imam udanam udanesi. Tattha sukaram sadhuna sadhuti attano paresanca hitam sadhetiti sadhu, sammapatipanno. Tena sadhuna sariputtadina savakena paccekabuddhena sammasambuddhena annena va lokiyasadhuna sadhu sundaram bhaddakam attano paresanca hitasukhavaham sukaram sukhena katum sakka. Sadhu papena dukkaranti tameva pana vuttalakkhanam sadhu papena devadattadina papapuggalena dukkaram katum na sakka, na so tam katum sakkotiti attho. Papam papena sukaranti papam asundaram attano paresanca anatthavaham papena yathavuttapapapuggalena sukaram sukhena katum sakkuneyya. Papamariyehi dukkaranti ariyehi pana buddhadihi tam tam papam dukkaram durabhisambhavam. Setughatoyeva hi tesanti sattha dipeti. Atthamasuttavannana nitthita. ------------

The Pali Atthakatha in Roman Book 26 page 338-340. http://84000.org/tipitaka/atthapali/read_rm.php?B=26&A=7583&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=7583&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=124 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3260 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3422 The Pali Tipitaka in Roman Character :- http://84000.org/tipitaka/read/roman_read.php?B=25&A=3422 Contents of The Tipitaka Volume 25 http://84000.org/tipitaka/read/?index_25