ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                         2. Dosasuttavannana
      [2] Vuttam hetam .pe. Dosanti dutiyasuttam. Tatrayam apubbapadavannana.
Yatha ettha, evam ito paresupi sabbattha apubbapadavannanamyeva karissama.
Yasma idam suttam dosabahulanam puggalanam ajjhasayam oloketva dosavupasamanattham
desitam, tasma "dosam bhikkhave ekadhammam pajahathati agatam. Tattha dosanti
"anattham me acariti aghato jayati"tiadina 1- nayena sutte vuttanam
navannam, "attham me nacari"tiadinanca tappatipakkhato siddhanam navanmevati
attharasannam khanukantakadina atthanena saddhim ekunavisatiya annataraghatavatthusambhavam
aghatam. So hi dussanti tena, sayam va dussati, dussanamattameva
va tanti dosoti vuccati. So candikkalakkhano pahatasiviso viya, visappanaraso
visanipato viya, attano nissayadahanaraso va davaggi viya, dussanapaccupatthano
laddhokaso viya sapatto, yathavuttaaghatavatthupadatthano visasamsatthaputimuttam viya
datthabbo. Pajahathati samucchindatha. Tattha ye ime:-
           "pancime bhikkhave aghatapativinaya, yattha bhikkhuno uppanno
      aghato sabbaso pativinetabbo. Katame panca, yasmim bhikkhave
      puggale aghato jayetha, metta tasmim puggale bhavetabba
      .pe. Karuna .pe. Upekkha, asatiamanasikaro tasmim puggale
      apajjitabbo, evam tasmim puggale aghato pativinetabbo. Yasmim
      bhikkhave puggale aghato jayetha, kammassakata tasmim puggale
      adhitthatabba kammassako ayamayasma kammadayado .pe.
      Bhavissati"ti. 2-
Evam panca aghatappativinaya vutta eva.
            "pancime avuso aghatapativinaya, yattha bhikkhuno uppanno
      aghato sabbaso pativinetabbo. Katame panca, idhavuso ekacco
      puggalo aparisuddhakayasamacaro hoti parisuddhavacisamacaro, evarupepi
      avuso puggale aghato pativinetabbo"ti 3-
@Footnote: 1 abhi.vi. 35/960/474    2 an.pancaka. 22/161/207
@3 an.pancaka. 22/162/207-208
Evamadinapi nayena panca aghatapativinaya vutta, tesu yena kenaci
aghatapativinayavidhina paccavekkhitva. Apica yo:-
            "ubhatodandakena cepi bhikkhave kakacena cora ocaraka
      angamangani okanteyyum, tatrapi yo mano paduseyya, na me so
      tena sasanakaro"ti 1- satthu ovado.
          Tasseva tena papiyo        yo kuddham patikujjhati
          kuddham appatikujjhanto         sangamam jeti dujjayam.
          Ubhinnamattham carati            attano ca parassa ca
          param sankupitam natva          yo sato upasammati. 2-
            "sattime bhikkhave dhamma sapattakanta sapattakarana kodhanam
      agacchanti itthim va purisam va. Katame satta, idha bhikkhave sapatto
      sapattassa evam icchati `aho vatayam dubbanno assa'ti. Tam
      kissa hetu, na bhikkhave sapatto sapattassa vannavataya nandati.
      Kodhanoyam bhikkhave purisapuggalo kodhabhibhuto  kodhapareto kincapi so
      hoti sunhato suvilitto kappitakesamassu odatavatthavasano, atha kho
      so dubbannova hoti kodhabhibhuto. Ayam bhikkhave pathamo dhammo
      sapattakanto sapattakarano kodhanamagacchati itthim va purisam va.
            Puna caparam bhikkhave sapatto sapattassa evam icchati `aho
      vatayam dukkham sayeyya'ti .pe. Na pacurattho assati .pe. Na
      bhogava assati .pe. Na yasava assati .pe. Na mittava
      assati .pe. Kayassa bheda param marana apayam duggatim vinipatam
      nirayam upapajjeyyati. Tam kissa hetu, na bhikkhave sapatto sapattassa
@Footnote: 1 Ma.mu. 12/232/195     2 sam.sa. 15/188/195
      Sugatigamanena nandati. Kodhanoyam bhikkhave purisapuggalo kodhabhibhuto
      kodhapareto kayena duccaritam carati, vacaya duccaritam carati, manasa
      duccaritam carati. So kayena duccaritam caritva vacaya duccaritam caritva
      manasa duccaritam caritva kayassa bheda param marana .pe. Nirayam
      upapajjati kodhabhibhuto"ti. 1-
          "kuddho attham na janati kuddho dhammam na passati .pe. 2-
                  Kodham jahe vippajaheyya manam
                  samyojanam sabbamatikkameyya. 3-
          Anatthajanano kodho         kodho cittappakopano .pe. 2-
          Kodham ghatva 4- sukham seti    kodham ghatva 4- na socati
          kodhassa visamulassa          madhuraggassa brahmana"ti. 5-
                 "ekaparadham khama bhuripanna
                  na pandita kodhabala bhavanti"ti
evamadina nayena dose adinave vuttappatipakkhato dosappahane anisamse
ca paccavekkhitva pubbabhage dosam tadangappahanadivasena pajahitva vipassanam
ussukkapetva tatiyamaggena sabbaso dosam samucchindatha, pajahathati tesam bhikkhunam
tattha niyojanam. Tena vuttam "dosam bhikkhave ekadhammam pajahatha"ti. Dutthaseti
aghatena dusitacittataya paduttha. Sesamettha yam vattabbam, tam pathamasuttavannanayam
vuttanayameva.
                       Dutiyasuttavannana nitthita.
                           ----------
@Footnote: 1 an.sattaka. 23/61/96-98  2 an.sattaka. 23/61/99 (sya)  3 khu.dha. 25/221/56
@4 cha.Ma. chetva     5 sam.sa. 15/187/193



             The Pali Atthakatha in Roman Book 27 page 50-53. http://84000.org/tipitaka/atthapali/read_rm.php?B=27&A=1105&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1105&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=180              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4419              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4739              The Pali Tipitaka in Roman Character :- http://84000.org/tipitaka/read/roman_read.php?B=25&A=4739              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com