ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                       10. Padutthacittasuttavannana
      [20] Dasamassa ka uppatti? atthuppattiyeva. Ekadivasam kira bhikkhu
dhammasabhayam sannisinna katham samutthapesum "avuso idhekacco bahum punnakammam
karoti, ekacco bahum papakammam, ekacco ubhayavomissakam karoti, tattha
vomissakarino kidiso abhisamparayo"ti. Atha sattha dhammasabham upagantva
pannattavarabuddhasane nisinno tam katham sutva "bhikkhave maranasannakale
sankilitthacittassa duggati patikankha"ti dassento imaya atthuppattiya idam
suttam desesi.
      Tattha idhati desapadese nipato. Svayam katthaci padesam upadaya
vuccati "idheva titthamanassa, devabhutassa me sato"tiadisu. 2- Katthaci sasanam
upadaya "idheva bhikkhave samano idha dutiyo samano"tiadisu. 3- Katthaci
@Footnote: 1 khu.dha. 25/194/51    2 di.maha. 10/369/244
@3 Ma.mu. 12/139/98, an.catukka. 21/241/265
Padapuranamatte "idhaham bhikkhave bhuttavi assam pavarito"tiadisu. 1- Katthaci lokam
upadaya vuccati "idha tathagato loke uppajjati"tiadisu. 2- Idhapi loke eva
datthabbo. Ekaccanti ekam, annataranti attho. Puggalanti sattam. So hi
yathapaccayam kusalakusalanam tabbipakananca puranato maranavasena galanato ca
puggaloti vuccati. Padutthacittanti padosena aghatena padutthacittam. Atha va
padutthacittanti dosena ragadina padusitacittam. Ettha ca ekaccanti idam
padutthacittassa puggalassa visesanam. Yassa hi patisandhidayakakammam okasamakasi,
so tatha vutto. Yassa ca akusalappavattito cittam nivattetva kusalavasena
otaretum na sakka, evam asannamarano. Evanti idani vattabbakaram dasseti.
Cetasati attano cittena cetopariyananena. Cetoti tassa puggalassa cittam.
Pariccati paricchinditva pajanami. Nanu ca yathakammupagananassayam visayoti 3- ?
Saccametam, tada pavattamanaakusalacittavasena panetam vuttam.
      Imamhi cayam samayeti imasmim kale, imayam va paccayasamaggiyam, ayam
puggalo javanavithiya parabhage kalam kareyya ceti attho. Na hi javanakkhane
kalakiriya atthi. Yathabhatam nikkhitto evam nirayeti yatha abhatam kinci aharitva
thapitam, evam attano kammuna nikkhitto niraye thapito evati attho. Kayassa
bhedati upadinnakkhandhapariccaga. Param maranati tadanantaram abhinibbattakkhandhaggahane.
Atha va kayassa bhedati jivitindriyassa upaccheda. Param maranati
cuticittato 4- uddham.
      Apayantiadi sabbam nirayasseva vevacanam. 5- Nirayo hi ayasankhata sukha
apetoti apayo, saggamokkhahetubhuta va punnasammata aya apetotipi apayo.
@Footnote: 1 Ma.mu. 12/30/17    2 an.tika. 20/61/164    3 Si. visesoti
@4 cha.Ma. catito        5 Si.,i. nirayassa vevacanameva
Dukkhassa gati patisarananti duggati, dosabahulatta va dutthena kammuna
nibbatta gatitipi duggati. Vivasa nipatanti ettha dukkatakammakarino, vinassanta
va ettha nipatanti sambhijjamanangapaccangati vinipato. Natthi ettha
assadasannito ayoti nirassadatthena nirayo. Atha va apayaggahanena
tiracchanayoni vuccati. Tiracchanayoni hi apayo sugatito apetatta, na duggati
mahesakkhanam nagarajadinam sambhavato. Duggatiggahanena pettivisayo. So hi
apayo ceva duggati ca sugatito apetatta dukkhassa ca gatibhutatta, na
vinipato asurasadisam avinipatatta. Vinipataggahanena asurakayo. So hi
yathavuttenatthena apayo ceva duggati ca, sabbasampattisamussayehi vinipatitatta
vinipatoti ca vuccati. Nirayaggahanena aviciadi anekappakaro nirayova vuccati.
Idha pana sabbapadehipi nirayova vutto. Upapajjantiti patisandhim ganhanti.
      Gathasu pathamagatha sangitikale dhammasangahakattherehi thapita. Natvanati
pubbakalakiriya. Nanapubbakam hi byakaranam. Hetuattho va tvasaddo yatha
"siham disva bhayam hoti"ti, jananahetuti attho. Buddho bhikkhuna santiketi
buddho bhagava attano santike bhikkhunam etam parato dvihi gathahi vuccamanam
attham byakasi. Sesam vuttanayameva.
                       Dasamasuttavannana nitthita.
                       Dutiyavagugavannana nitthita.
                          ------------



             The Pali Atthakatha in Roman Book 27 page 81-83. http://84000.org/tipitaka/atthapali/read_rm.php?B=27&A=1773&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1773&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=198              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4715              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4931              The Pali Tipitaka in Roman Character :- http://84000.org/tipitaka/read/roman_read.php?B=25&A=4931              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com