|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Dukanipata 1. Pathamavagga 1. Dukkhaviharasuttavannana [28] Dukanipatassa pathame dvihiti gananaparicchedo. Dhammehiti paricchinnadhammanidassanam. Dvihi dhammehiti dvihi akusaladhammehi. Samannagatoti yutto. Dittheva dhammeti imasmimyeva attabhave. Dukkham viharatiti catusupi iriyapathesu kilesadukkhena ceva kayikacetasikadukkhena ca dukkham viharati. Savighatanti cittupaghatena ceva kayupaghatena ca savighatam. Saupayasanti kilesupayasena ceva sarirakhedena ca balavaayasavasena saupayasam. Saparilahanti kilesaparilahena ceva kayaparilahena ca saparilaham. Kayassa bhedati upadinnakkhandhapariccaga. Param maranati tadanantaram abhinibbattakkhandhaggahane. Atha va kayassa bhedati jivitindriyupaccheda. Param maranati cutito uddham. Duggati patikankhati duggatisankhatanam catunnam apayanam annatara gati icchitabba, avassambhavaniti attho. Aguttadvaroti apihitadvaro. Kattha pana aguttadvaroti aha "indriyesu"ti. Tena manacchatthanam indriyanam asamvaramaha. Patiggahanaparibhogavasena bhojane mattam na janatiti bhojane amattannu. "indriyesu aguttadvarataya bhojane amattannutaya"tipi pathanti. Katham indriyesu aguttadvarata, katham va guttadvaratati? kincapi hi Cakkhundriye samvaro va asamvaro va natthi. Na hi cakkhupasadam nissaya sati va mutthassaccam va uppajjati, apica yada ruparammanam cakkhussa apatham--------------------------------------------------------------------------------------------- page111.
Agacchati, tada bhavange dvikkhattum uppajjitva niruddhe kiriyamanodhatu avajjanakiccam sadhayamana uppajjitva nirujjhati, tato cakkhuvinnanam dassanakiccam, tato vipakamanodhatu sampaticchannakiccam, tato vipakahetukamanovinnanadhatu santiranakiccam, tato kiriyahetukamanovinnanadhatu votthabbanakiccam sadhayamana uppajjitva nirujjhati, tadanantaram javanam javati. Tathapi neva bhavangasamaye, na avajjanadinam annatarasamaye samvaro va asamvaro va atthi, javanakkhane pana sace dussilyam va mutthassaccam va annanam va akkhanti va kosajjam va uppajjati, asamvaro hoti. Evam hontopi so "cakkhudvare asamvaro"ti vuccati, kasma? yasma tasmim sati dvarampi aguttam hoti bhavangampi avajjanadini vithicittanipi. Yatha kim? yatha nagare catusu dvaresu asamvutesu kincapi antogharadvarakotthakagabbhadayo susamvuta, tathapi antonagare sabbam bhandam arakkhitam agopitameva hoti. Nagaradvarehi pavisitva cora yadicchanti, tam hareyyum. Evameva javane dussilyadisu tasmim asamvare satidvarampi aguttam hoti, bhavangampi avajjanadini vithicittanipi. Tasmim pana asati javane siladisu uppannesu dvarampi guttam hoti bhavangampi avajjanadini vithicittanipi. Yatha kim? yatha nagaradvaresu samvutesu kincapi antogharadvaradayo asamvuta, tathapi antonagare sabbam bhandam surakkhitam sugopitameva hoti. Nagaradvaresu hi pihitesu coranam paveso natthi. Evameva javane siladisu uppannesu dvarampi guttam hoti bhavangampi avajjanadini vithicittanipi. Tasma javanakkhane uppajjamanopi "cakkhudvare samvaro"ti vuccati. Sesadvaresupi eseva nayo. Evam indriyesu aguttadvarata ca guttadvarata ca veditabba. Katham pana bhojane amattannu, katham va mattannuti? yo hi puggalo Mahiccho hutva patiggahane mattam na janati. Mahicchapuggalo hi yatha nama--------------------------------------------------------------------------------------------- page112.
Kacchaputavanijo pilandhanabhandakam hatthena gahetva ucchangepi pakkhipitabbayuttakam pakkhipitva mahajanassa passantasseva "asukam ganhatha, asukam ganhatha"ti mukhena ugghoseti, evameva appamattakampi attano silam va gantham va dhutangagunam va antamaso arannavasamattakampi mahajanassa janantasseva sambhaveti, sambhavetva ca pana sakatehipi upanite paccaye "alan"ti avatva patigganhati. Tayo hi puretum na sakka aggi upadanena, samuddo udakena, mahiccho paccayehiti. Aggikkhandho samuddo ca mahiccho capi puggalo bahuke paccaye dinne 1- tayopete na purayeti. 2- Mahicchapuggalo hi vijatamatuyapi manam ganhitum na sakkoti. Evarupo hi anuppannam labham na uppadeti, uppannalabhato ca parihayati. Evam tava patiggahane amattannu hoti. Yo pana dhammena samena laddhampi aharam gadhito mucchito ajjhopanno anadinavadassavi anissaranapanno aharahatthakaalamsatakatatthavattakakakamasakabhuttavamikabrahmananam annataro viya ayoniso anupayena yavadattham udaravadehakam paribhunjitva seyyasukham passasukham middhasukham anuyutto viharati, ayam paribhoge amattannu nama. Yo pana "sacepi 3- deyyadhammo bahu hoti, dayako appam datukamo, dayakassa vasena appam ganhati. Deyyadhammo appo, dayako bahum datukamo, deyyadhammassa vasena appam ganhati. Deyyadhammo bahu, dayakopi bahum datukamo, attano thamam natva pamanayuttameva ganhati"ti evam vuttassa patiggahane pamanajananassa ceva "patisankha yoniso aharam ahareti, neva davaya, na madaya"tiadina 4- "laddhanca pindapatam agadhito amucchito @Footnote: 1 Ma. bahuke paccaye dente 2 Ma.na puriyati, pa.su. 2/252/46, mano.pu. 1/63/67, @abhi.A. 2/850/511 3 cha.Ma. yadipi 4 abhi.san. 34/1355/303--------------------------------------------------------------------------------------------- page113.
Anajjhopanno adinavadassavi nissaranapanno paribhunjati"ti ca adina nayena vuttassa paccavekkhitva patisankhanapannaya janitva aharaparibhunjanasankhatassa paribhoge pamanajananassa ca vasena bhojane mattannu hoti, ayam bhojane mattannu nama. Evam bhojane amattannuta ca mattannuta ca hotiti veditabbam. Gathasu pana cakkhuntiadisu cakkhatiti cakkhu, rupam assadeti, samavisamam acikkhantam viya hotiti va attho. Sunatiti sotam. Ghayatiti ghanam. Jivitanimittam ahararaso jivitam, tam avhayatiti jivha. Kucchitanam ayoti kayo. Manate vijanatiti mano. Porana panahu munatiti mano, naliya minamano viya mahatulaya dharayamano viya ca arammanam vijanatiti attho. Evam tavettha padattho veditabbo. Bhavatthato pana duvidham cakkhu mamsacakkhu ca pannacakkhu ca. Tesu buddhacakkhu samantacakkhu nanacakkhu dibbacakkhu dhammacakkhuti pancavidham pannacakkhu. Tattha "addasam kho aham bhikkhave buddhacakkhuna lokam volokento"ti 1- idam buddhacakkhu nama. "samantacakkhu vuccati sabbannutannanan"ti 2- idam samantacakkhu nama. "cakkhum udapadi"ti 3- idam nanacakkhu nama. "addasam kho aham bhikkhave dibbena cakkhuna visuddhena"ti 4- idam dibbacakkhu nama. "virajam vitamalam dhammacakkhum udapadi"ti 5- idam hetthimamaggattayasankhatam dhammacakkhu nama. Mamsacakkhupi duvidham sasambharacakkhu pasadacakkhuti. Tattha yvayam akkhikupake patitthito hettha akkhikupakatthikena, upari bhamukatthikena, ubhato akkhikutehi, anto matthalungena, bahiddha akkhilomehi paricchinno mamsapindo, sankhepato @Footnote: 1 Ma.mu. 12/283/244 2 khu.cula. 30/216/113 (sya) @3. vi.maha. 4/15/14, sam.maha. 19/1081/368 4 Ma.mu. 12/284/245 @5 vi.maha. 4/16/15, Ma.Ma. 13/395/378--------------------------------------------------------------------------------------------- page114.
Catasso dhatuyo vanno gandho raso oja sambhavo santhanam jivitam bhavo kayapasado cakkhupasadoti cuddasa sambhaRa. Vittharato catasso dhatuyo tamnissita vannagandharasaojasanthanasambhavo iti imani dasa catusamutthanikatta cattalisam honti, jivitam bhavo kayapasado cakkhupasadoti cattari ekantakammasamutthananevati imesam catucattalisaya rupanam vasena catucattalisa sambhara, yam loko "setam vattam puthulam visatam vipulam cakkhu"ti sanjananto na cakkhum sanjanati, yo mamsapindo akkhikupake patitthito nharusuttakena matthalungena abaddho yattha setampi atthi kanhampi lohitakampi pathavipi apopi tejopi vayopi, yam semhussadatta setam, pittussadatta kanham, ruhirussadatta lohitakam, pathavussadatta patthaddham, apussadatta paggharati, tejussadatta paridayhati, vayussadatta sambhamati, idam sasambharacakkhu nama. Yo pana ettha sito ettha patibaddho catunnam mahabhutanam upadaya pasado, idam pasadacakkhu nama. Idam hi cakkhuvinnanadinam yatharaham vatthudvarabhavena pavattati. Sotadisupi sotam dibbasotam mamsasotanti duvidham. Ettha "dibbaya sotadhatuya visuddhaya atikkakantamanusikaya ubho sadde sunati"ti idam dibbasotam nama. Mamsasotam pana sasambharasotam pasadasotanti duvidhantiadi sabbam cakkhumhi vuttanayeneva veditabbam. Tatha ghanajivha. Kayo pana copanakayo karajakayo samuhakayo pasadakayotiadina bahuvidho. Tattha:- "kayena samvuta dhira atho vacaya samvuta"ti 1- ayam copanakayo nama. "imamha kaya annam kayam abhinimminati"ti 2- ayam karajakayo nama. Samuhakayo pana vinnanasamuhavasena anekavidho @Footnote: 1 khu.dha. 25/234/57 2 di.Si. 9/236/78, khu.pati. 31/14/422--------------------------------------------------------------------------------------------- page115.
Agato. Tatha hi "../../bdpicture/cha ime avuso vinnanakaya"tiadisu 1- vinnanasamuho vutto. "../../bdpicture/cha phassakaya"tiadisu 2- phassadisamuho. Tatha "kayapassaddhi kayalahuta"tiadisu 3- vedanakkhandhadayo. "idhekacco pathavikayam aniccato anupassati, apokayam tejokayam vayokayam kesakayam lomakayan"tiadisu 4- pathavadisamuho. "kayena photthabbam phusitva"ti 5- ayam pasadakayo. Idhapi pasadakayo veditabbo. So hi kayavinnanadinam yatharaham vatthudvarabhavena pavattati. Manoti pana kincapi sabbam vinnanam vuccati, tathapi dvarabhavassa idhadhippetatta dvarabhutam savajjanam bhavangam veditabbam. Etani yassa dvarani, aguttani ca bhikkhunoti yassa bhikkhuno etani manatchatthani dvarani sativossaggena pamadam apannatta satikavatena apihitani. Bhojanamhi .pe. Adhigacchatiti so bhikkhu vuttanayena bhojane amattannu indriyesu ca samvararahito ditthadhammikanca rogadivasena, samparayikanca duggatipariyapannam kayadukkham ragadikilesasantapavasena, icchavighatavasena ca cetodukkhanti sabbathapi dukkhameva adhigacchati papunati. Yasma cetadevam, tasma duvidhenapi dukkhaggina idhaloke ca paraloke ca dayhamanena kayena dayhamanena cetasa diva va yadi va rattim niccakalameva tadiso puggalo dukkhameva viharati, na tassa sukhaviharassa sambhavo, vattadukkhanatikkame pana vattabbameva natthiti. Pathamasuttavannana nitthita. --------------- @Footnote: 1 Ma.mu. 12/101/72 2 di.pa. 11/323/215, Ma.mu. 12/98/70 @3 abhi.san. 34/114/40 4 khu.pati. 31/35/441 5 an.tika. 20/16/108The Pali Atthakatha in Roman Book 27 page 110-115. http://84000.org/tipitaka/atthapali/read_rm.php?B=27&A=2399&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=2399&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=206 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4909 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5094 The Pali Tipitaka in Roman Character :- http://84000.org/tipitaka/read/roman_read.php?B=25&A=5094 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]