|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Dutiyavagga 1. Punnakiriyavatthusuttavannana [60] Dutiyavaggassa pathame punnakiriyavatthuniti pujjabhavaphalam nibbattenti, attano santanam punantiti va punnani, punnani ca tani hetupaccayehi kattabbato kiriya cati punnakiriya, ta eva ca tesam tesam anisamsanam vatthubhavato punnakiriyavatthuni. Danamayanti anupacchinnabhavamulassa anuggahavasena pujavasena va attano deyyadhammassa paresam pariccagacetana diyyati etayati danam, danameva danamayam. Civaradisu hi catusu paccayesu annadisu va dasasu danavatthusu rupadisu va chasu arammanesu tam tam dentassa tesam uppadanato patthaya pubbabhage pariccagakale paccha somanassacittena anussarane cati tisu kalesu vuttanayeneva 1- pavattacetana danamayam punnakiriyavatthu nama. Silamayanti niccasilauposathaniyamadivasena panca attha dasa va silani samadiyantassa silapuranattham pabbajissamiti viharam gacchantassa pabbajantassa manoratham matthakam papetva "pabbajito vatamhi sadhu sutthu"ti avajjentassa saddhaya patimokkham paripurentassa pannaya civaradike paccavekkhantassa satiya apathagatesu rupadisu cakkhudvaradini samvarantassa viriyena ajivam sodhentassa ca pavatta cetana silatiti silamayam punnakiriyavatthu nama. Tatha patisambhidayam 2- vuttena vipassanamaggena cakkhum aniccato dukkhato anattato vipassantassa sotam, ghanam, jivham, kayam, manam. Rupe .pe. Dhamme. Cakkhuvinnanam .pe. Manovinnanam. Cakkhusamphassam .pe. Manosamphassam. @Footnote: 1 cha.Ma. vuttanayena 2 khu.pati. 31/99/76--------------------------------------------------------------------------------------------- page233.
Cakkhusamphassajam vedanam .pe. Manosamphassajam vedanam. Rupasannam .pe. Dhammasannam. Jaramaranam aniccato dukkhato anattato vipassantassa ya cetana, ya ca pathavikasinadisu atthatimsaya arammanesu pavatta jhanacetana, ya ca anavajjesu kammayatanasippayatanavijjatthanesu pariccayamanasikaradivasena pavatta cetana, sabba bhaveti etayati bhavanamayam, vuttanayena punnakiriyavatthu cati. Ekamekancettha yatharaham pubbabhagato patthaya kayena karontassa kayakammam hoti, tadattham vacam niccharentassa vacikammam, kayangam vacanganca acopetva manasa cintentassa manokammam. Annadini dentassa capi "annadanadini 1- demi"ti va danaparamim avajjetva va danakale danamayam punnakiriyavatthu hoti. Vattasise thatva dadato silamayam, khayato vayato kammato sammasanam patthapetva dadato bhavanamayam punnakiriyavatthu hoti. Aparanipi satta punnakiriyavatthuni apacitisahagatam punnakiriyavatthu veyyavaccasahagatam pattianuppadanam abbhanumodanam desanamayam savanamayam ditthujugatam punnakiriyavatthuti. Saranagamanampi hi ditthujugateneva sangayhati. Yampanettha vattabbam, tam parato avi bhavissati. Tattha vuddhataram disva paccuggamanapattacivarapatiggahanaabhivadanamagga- sampadanadivasena apacayanasahagatam veditabbam. Vuddhataranam vattapatipattikaranavasena, gamam pindaya pavittham bhikkhum disva pattam gahetva game bhikkham sampadetva upasamharanavasena, "gaccha bhikkhunam pattam ahara"ti sutva vegena gantva pattaharanadivasena ca veyyavaccasahagatam veditabbam. Cattaro paccaye datva pupphagandhadihi ratanattayassa pujam katva annam va tadisam punnam katva @Footnote: 2 Ma. annapanadini--------------------------------------------------------------------------------------------- page234.
"sabbasattanam patti hotu"ti parinamavasena pattianuppadanam veditabbam. Tatha parehi dinnaya pattiya kevalam va parehi katam punnam "sadhu sutthu"ti anumodanavasena abbhanumodanam veditabbam. Attano pagunadhammam apaccasimsanto hitajjhasayena paresam deseti. Idam desanamayam punnakiriyavatthu nama. Yam pana eko "evam mam dhammakathikoti janissanti"ti icchaya thatva labhasakkarasiloka- sannissito dhammam deseti, tam na mahapphalam hoti. "addha ayam attahitaparahitanam patipajjanupayo"ti yonisomanasikarapurecarikahitapharanena muducittena dhammam sunati, idam savanamayam punnakiriyavatthu hoti. Yam paneko "iti mam saddhoti janissanti"ti sunati, tam na mahapphalam hoti. Ditthiya ujugamanam ditthujugatam. 1- "atthi dinnan"ti adinayappavattassa sammadassanassa etam adhivacanam. Idam hi pubbabhage va pacchabhage va nanavippayuttampi ujukaranakale nanasampayuttameva hoti. Apare panahu "vijanapajanavasena dassanam ditthi kusalanca vinnanam kammassakatananadi ca sammadassanan"ti. Tattha kusalena vinnanena nanassa anuppadepi attana katapunnanussaranavannarahavannadinam sangaho, kammassakatananena kammapathasammaditthiya. Itaram pana ditthujugatam sabbesam niyamalakkhanam. Yam hi kinci punnam karontassa ditthiya ujubhaveneva tam mahapphalam hoti. Imesam pana sattannam punnakiriyavatthunam purimehi tihi danamayadihi punnakiriyavatthuhi sangaho. Tattha hi apacayanaveyyavaccani silamaye, pattianuppadanaabbhanumodanani danamaye, dhammadesanasavanani bhavanamaye, ditthujugatam tisupi. Tenaha bhagava:- "tinimani bhikkhave punnakiriyavatthuni, katamani tini, danamayam .pe. Bhavanamayam punnakiriyavatthu"ti. 2- @Footnote: 1 Si. dituthujjugatam cha.Ma. ditthijugatam 2 an.atthaka. 23/36/245 (sya)--------------------------------------------------------------------------------------------- page235.
Ettha ca atthannam kamavacarakusalacetananam vasena tinnampi punnakiriyavatthunam pavattipi hoti. Yatha hi pagunam dhammam parivattentassa ekacce anusandhim asallakkhentasseva gacchanti, evam pagunam samathavipassanabhavanam anuyunjantassa antarantara nanavippayuttacittenapi manasikaro pavattati. Sabbantam pana mahaggatakusalacetananam vasena bhavanamayameva punnakiriyavatthu hoti, na itarani. Gathaya attho hettha vuttoyeva. Pathamasuttavannana nitthita. --------------The Pali Atthakatha in Roman Book 27 page 232-235. http://84000.org/tipitaka/atthapali/read_rm.php?B=27&A=5111&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5111&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=238 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5574 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5572 The Pali Tipitaka in Roman Character :- http://84000.org/tipitaka/read/roman_read.php?B=25&A=5572 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]