ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                         8. Bhidurasuttavannana
      [77] Atthame bhidurayanti bhiduro ayam. Kayoti rupakayo. So hi
angapaccanganam kesadinanca samuhatthena, evam kucchitanam jegucchanam ayo
uppattidesotipi kayo. Tatrayam vacanattho:- ayanti etthati ayo. Ke
ayanti? kucchita kesadayo. Iti kucchitanam ayotipi kayo. Atthato pana
catusantativasena pavattamananam bhutupadayadhammanam punjo. Idam vuttam hoti:-
bhikkhave ayam catumahabhutamayo rupakayo bhiduro bhedanasilo bhedanasabhavo khane
khane viddhamsanasabhavoti. "bhindarayan"tipi patho, so evattho. Vinnananti
tebhumakam kusaladicittam. Vacanattho pana:- tam tam arammanam vijanatiti vinnanam.
Yam hi sanjananapajananavidhuram arammanavijananam upaladdhi, tam vinnanam. Viragadhammanti
virajjanadhammam, palujjanasabhavanti attho. Sabbe upadhiti khandhupadhi kilesupadhi
abhisankharupadhi pancakamagunupadhiti ete "upadhiyati ettha dukkhan"ti upadhisannita
sabbepi upadanakkhandhakilesabhisankharapancakamagunadhamma hutva abhavatthena
anicca, udayabbayapatipilanatthena dukkha, jaraya maranena cati dvidha
viparinametabbasabhavataya pakativijahanatthena viparinamadhamma.
      Evamettha aniccadassanasukhataya rupadhamme vinnananca visum gahetva puna
upadhivibhagena sabbepi tebhumakadhamme ekajjham gahetva aniccadukkhanupassanamukhena
tathabujjhanakanam puggalanam ajjhasayena sammasanacaro kathito.
Kamancettha lakkhanadvayameva paliyam agatam, "yam dukkham, tadanatta"ti 1- pana
vacanato dukkhalakkhaneneva anattalakkhanampi dassitamevati veditabbam.
      Gathayam upadhisu bhayam disvati upadhisu bhayatupatthanananavasena bhayam disva,
tesam bhayitabbatam passitva. Imina balavavipassanam dasseti. Bhayatupatthanannanameva
@Footnote: 1 sam.kha. 17/15/19
Hi vibhajitva visesavasena adinavanupassana nibbidanupassanati ca vuccati.
Jatimaranamaccagati evam sammasanto vipassanananam maggena ghatetva maggaparamparaya
arahattam patto jatimaranam atito nama hoti. Katham? sampatva paramam santinti
paramam uttamam anuttaram santim sabbasankharupasamam nibbanam adhigantva. Evambhuto
ca kalam kankhati bhavitattoti catunnam ariyamagganam vasena bhavanabhisamayanipphattiya
bhavitakayasilacittapannatta bhavitatto maranam jivitanca anabhinandanto kevalam
attano khandhaparinibbanakalam kankhati udikkhati, na tassa katthaci patthana
hotiti. Tenaha:-
            "nabhinandami maranam      nabhinandami jivitam
             kalanca patikankhami     nibbisam bhatako yatha"ti. 1-
                    Atthamasuttavannana nitthita.
                      --------------



             The Pali Atthakatha in Roman Book 27 page 277-278. http://84000.org/tipitaka/atthapali/read_rm.php?B=27&A=6098&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6098&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=255              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5936              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5861              The Pali Tipitaka in Roman Character :- http://84000.org/tipitaka/read/roman_read.php?B=25&A=5861              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com