AtthaPali Vol.29

10. Utthanasuttavannana [334] Utthahathati utthanasuttam. Ka uppatti? ekam samayam bhagava savatthiyam viharanto rattim jetavane mahavihare vasitva pubbanhasamayam bhikkhusamghaparivuto savatthiyam pindaya caritva pacinadvarena nagara nikkhamitva migaramatupasadam agamasi divaviharatthaya. Acinnam kiretam bhagavato rattim jetavanavihare vasitva migaramatupasade divaviharupagamanam, rattinca migaramatupasade vasitva jetavane divaviharupagamanam. Kasma? dvinnam kulanam anuggahatthaya mahapariccagagunaparidipanatthaya ca. Migaramatupasadassa ca. Hettha panca kutagaragabbhasatani honti, yesu pancasata bhikkhu vasanti. Tattha yada bhagava hetthapasade vasati, tada bhikkhu garavena uparipasadam naruhanti. Tamdivasam pana bhagava uparipasade kutagaragabbham pavisi, tena hetthapasade pancapi gabbhasatani pancasata bhikkhu pavisimsu. Te ca sabbeva nava honti adhunagata imam dhammavinayam uddhata unnala pakatindriya. Te pavisitva divaseyyam supitva sayam utthaya mahatale sannipatitva "ajja bhattagge tuyham kim ahosi, tvam kattha agamasi, aham avuso kosalaranno gharam, aham anathapindikassa, tattha evarupo ca bhojanavidhi ahosi"ti nanappakaram amisakatham kathenta uccasaddamahasadda ahesum.

--------------------------------------------------------------------------------------------- page153.

Bhagava tam saddam sutva "ime maya saddhim vasantapi evam pamatta, aho ayuttakarino"ti. Mahamoggallanattherassa agamanam cintesi. Tavadeva ayasma mahamoggallano bhagavato cittam natva iddhiya agamma padamule vandamanoyeva ahosi. Tato nam bhagava amantesi "ete te moggallana sabrahmacarino pamatta, sadhu ne samvejehi"ti. "evam bhante"ti kho so ayasma mahamoggallano bhagavato patissunitva tavadeva apokasinam samapajjitva kamabhumiyam ^1- thitam mahapasadam navam viya mahavato padangutthakena kampesi saddhim patitthitapathavippadesena. Atha te bhikkhu bhita vissaram karonta sakasakacivarani chaddetva catuhi dvarehi nikkhamimsu. Bhagava tesam attanam dassento annena dvarena gandhakutim pavisanto viya ahosi, te bhagavantam disva vanditva atthamsu. Bhagava "kim bhikkhave bhitattha"ti pucchi, "ayam bhante migaramatupasado kampito"ti ahamsu. Janatha bhikkhave kenati. Na janama bhanteti. Atha bhagava "tumhadisanam bhikkhave mutthassatinam asampajananam pamadaviharinam samvegajananattham moggallanena kampito"ti vatva tesam bhikkhunam dhammadesanattham imam suttamabhasi. Tattha utthahathati asana ^2- utthahatha ghatatha vayamatha, ma kusita hotha. Nisidathati pallankam abhujitva kammatthananuyogatthaya nisidatha. Ko attho supitena voti ko tumhakam anupadaparinibbanatthaya pabbajitanam supitena attho. Na hi sakka supantena koci attho papunitum. Aturanam hi ka nidda, sallaviddhana ruppatanti yatra ca nama appakepi sarirappadese utthitena cakkhurogadina rogena aturanam ekadvangulamattampi pavitthena @Footnote: ¹ cha.Ma. karisabhumiyam, i. karanjabhumiyam ² Si.,i. alasabhava

--------------------------------------------------------------------------------------------- page154.

Ayasallaatthisalladantasallavisanasallakatthasallanam annatarena sallena ruppamananam manussanam nidda natthi, tattha tumhakam sakalacittasarirasantanam bhunjitva uppannehi nanappakarakilesarogehi aturananhi ka nidda ragasalladihi ca pancahi sallehi antohadayam pavisiya viddhatta sallaviddhanam ruppatam. [335] Evam vatva puna bhagava bhiyyoso mattaya te bhikkhu ussahento samvejento ca aha "utthahatha .pe. Vasanuge"ti. Tatrayam sadhippayayojana atthavannana:- evam kilesasallaviddhanam hi vo bhikkhave kalo pabujjhitum. ^1- Kimkaranam? mandapeyyamidam bhikkhave brahmacariyam, sattha sammukhibhuto, ito pubbe pana vo digharattam suttam, girisu suttam, nadisu suttam, samesu, visamesu suttam, rukkhaggesupi suttam adassana ariyasaccanam, tasma tassa niddaya antakiriyattham utthahatha nisidatha dalham sikkhatha santiya. Tattha purimapadassattho vuttanayo eva. Dutiyapade pana santiti tisso santiyo accantasanti tadangasanti sammutisantiti, nibbanavipassanaditthigatanametam adhivacanam. Idha pana accantasanti nibbanamadhippetam, tasma nibbanattham dalham sikkhatha, asithilaparakkama hutva sikkhathati vuttam hoti. Kimkaranam? ma vo pamatte vinnaya maccuraja amohayittha vasanuge, ma tumhe "pamatta ete"ti evam natva maccurajapariyayanamo maro vasanuge amohayittha, yatha tassa vasam gacchatha, evam vasanuge karonto ma amohayitthati vuttam hoti. [336] Yato tassa vasam anugacchante ^2- yaya deva ca manussa ca .pe. Samappita, yaya deva ca manussa ca atthika rupasaddagandharasaphotthabbatthika, tam rupadim sita nissita allina hutva titthanti, taratha samatikkamatha @Footnote: ¹ ka. pamajjitum ² cha.Ma.,i. anupagacchanta

--------------------------------------------------------------------------------------------- page155.

Etam nanappakaresu visayesu visatavitthinnavisalatta visattikam bhavabhogatanham. Khano vo ma upaccaga, ayam tumhakam samanadhammakaranakkhano ma atikkami. Yesam hi ayamevarupo khano atikkamati, ye ca imam khanam atikkamanti, te khanatita hi socanti nirayamhi samappita, nirassadatthena nirayasannite catubbidhepi apaye patitthita "akatam vata no kalyanan"tiadina nayena socanti. [337] Evam bhagava te bhikkhu ussahetva samvejetva ca idani tesam tam pamadaviharam garahitva sabbeva te appamade niyojento "pamado rajo"ti imam gathamaha. Tattha pamadoti sankhepato sativippavaso, so cittamalinatthena rajo. Tam pamadam anupatito pamadanupatito, pamadanupatitatta aparaparuppanno pamado eva, sopi rajo. Na hi kadaci pamado nama arajo atthi. Tena kim dipeti? ma tumhe "dahara tava mayam, paccha janissama"ti vissasamapajjittha. Daharakalepi hi pamado rajo, majjhimakalepi therakalepi pamadanupatitatta maharajo sankarakuto eva hoti, yatha ghare ekadvedivasiko rajo rajo eva, vaddhamano pana ganavassiko sankarakuto eva hoti. Evam santepi pana pathamavaye buddhavacanam pariyapunitva itaravayesu samanadhammam karonto, pathamavaye va pariyapunitva majjhimavaye sunitva pacchimavaye samanadhammam karontopi bhikkhu pamadavihari na hoti, appamadanulomapatipadam patipannatta. Yo pana sabbavayesu pamadavihari divaseyyam amisakathanca anuyutto seyyathapi tumhe, tasseva so pathamavaye pamado rajo, itaravayesu pamadanupatito mahapamado ca maharajoyevati.

--------------------------------------------------------------------------------------------- page156.

Evam tesam pamadaviharam vigarahitva appamade niyojento aha "appamadena vijjaya, abbulhe ^1- sallamattano"ti. Tassattho:- yasma evameso sabbadapi pamado rajo, tasma satiavippavasasankhatena appamadena asavanam khayananasankhataya ca vijjaya pandito kulaputto uddhare attano hadayanissitam ragadipancavidham sallanti arahattanikutena desanam samapesi. Desanapariyosane samvegamapajjitva tameva dhammadesanam manasikaritva paccavekkhamana vipassanam arabhitva pancasatapi te bhikkhu arahatte patitthahimsuti. Paramatthajotikaya khuddakatthakathaya suttanipatatthakathaya utthanasuttavannana nitthita. ---------------

The Pali Atthakatha in Roman Book 29 page 152-156. http://84000.org/tipitaka/atthapali/read_rm.php?B=29&A=3417&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=3417&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=327 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=8093 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=8077 The Pali Tipitaka in Roman Character :- http://84000.org/tipitaka/read/roman_read.php?B=25&A=8077 Contents of The Tipitaka Volume 25 http://84000.org/tipitaka/read/?index_25