|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Culasangamavannana ---------- {365} culasangame. Sangamavacarena bhikkhunati sangamo vuccati adhikaranavinicchayatthaya sanghasannipato. Tatra hi attapaccatthika ceva sasanapaccatthika ca uddhammam ubbinayam satthusasanam dipenta samosaranti vesalika vajjiputtaka viya. Yo bhikkhu nesam paccatthikanam laddhim madditva sakavadadipanatthaya tattha avacarati ajjhogahetva vinicchayam pavatteti so sangamavacaro nama yasatthero viya. Tena sangamavacarena bhikkhuna sangham upasankamantena nicacittena sangho upasankamitabbo. Nicacittenati manaddhajam nipatetva nihatamanacittena. Rajoharanasamenati padapunchanasamena yatha rajoharanassa sankilitthe va asankilitthe va pade punchiyamane neva rago na doso evam itthanitthesu arajantena adussantenati attho. Yathapatirupe asaneti yathapatirupam asanam natva attano papunanatthane theranam bhikkhunam pitthim adassetva nisiditabbam. Ananakathikenati nanavidham tam tam anatthakatham akathentena. Atiracchanakathikenati dittham sutam mutampi rajakathadikam tiracchanakatham akathentena. Samam va dhammo bhasitabboti sanghasannipatatthane kappiyakappiyanissita va ruparupaparicchedasamathacaravipassana- carathananisajjavattadinissita--------------------------------------------------------------------------------------------- page558.
Va katha dhammo nama. Evarupo dhammo sayam va bhasitabbo paro va ajjhesitabbo. Yo bhikkhu tatharupim katham kathetum pahoti so vattabbo avuso sanghamajjhamhi panhe uppanne tvam katheyyasiti. Ariyo va tunhibhavo natimannitabboti ariya tunhi nisidanta na balaputhujjana viya nisidanti annataram kammatthanam gahetvava nisidanti. Iti kammatthanamanasikaravasena tunhibhavo ariyo tunhibhavo nama. So natimannitabbo kim kammatthananuyogenati navajanitabbo. Attano patirupam kammatthanam gahetva nisiditabbanti attho. Na upajjhayo pucchitabboti konamo tuyham upajjhayoti na pucchitabbo. Eseva nayo sabbattha. Na jatiti tvam khattiyajatiyo tvam brahmanajatiyoti evam jati na pucchitabba. Na agamoti dighabhanako tvam majjhimabhanakoti evam agamo na pucchitabbo. Kulapadeso khattiyakuladivasena veditabbo. Atrassa pemam va doso vati atra puggale etesam karananam annataravasena pemam va bhaveyya doso va. No parisakappiyenati parisakappikena parisanuvidhayakena na bhavitabbam. Yam parisaya ruccati tadeva cetetva kappetva na kathetabbanti attho. Na hatthamuddha dassetabbati kathetabbe ca akathetabbe ca sannajananattham hatthavikaro na katabbo. Attham anuvidhiyantenati vinicchayapativedhameva sallakkhentena idam suttam upalabbhati imasmim vinicchaye idam vakkhamiti--------------------------------------------------------------------------------------------- page559.
Evam paritulayantena nisiditabbanti attho. Na ca asana vutthatabbanti na asana vutthaya sannipatamandale vicaritabbam. Vinayadhare vutthite sabba parisa vutthahati. Na vitihatabbanti na vinicchayo hapetabbo. Na kummaggo sevitabboti na apatti dipetabba. Asahasikena bhavitabbanti na sahasa karina bhavitabbam. Sahasa duruttavacanam na kathetabbanti attho. Vacanakkhamenati duruttavacam khamanasilena. Hitaparisakkinati hitesina hitagavesina. Karuna ca karunapubbabhago ca upatthapetabboti ayam padadvayepi adhippayo. Anasuruttenati na asuruttena. Asuruttam vuccati viggahikakathasankhatam asundaravacanam tam na kathetabbanti attho. Atta pariggahetabboti vinicchitum vupasametum sakkhissami nu kho noti evam atta pariggahetabbo. Attano pamanam janitabbanti attho. Paro pariggahetabboti lajjiya nu kho ayam parisa sakka sannapetum udahu noti evam paro pariggahetabbo. Codako pariggahetabboti dhammacodako nu kho noti evam codako pariggahetabbo. Cuditako pariggahetabboti dhammacuditako nu kho noti evam cuditako pariggahetabbo. Adhammacodako pariggahetabboti tassa pamanam janitabbam. Sesesupi eseva nayo. Vuttam ahapentenati codakacuditakehi vuttavacanam ahapentena. Avuttam appakasentenati anosatam vatthum appakasentena. Vepo 1- @Footnote: 1. idam paliyanuvattanavaseneva sodhitanti veditabbam. puranapotthakesu pana vedhoti @dissati.--------------------------------------------------------------------------------------------- page560.
Pahasetabboti mando momuho pagganhitabbo. Nanu tvam kulaputtoti uttejetva anuyogavattam kathapetva tassa anuyogo ganhitabbo. Bhiru assasetabboti yassa sanghamajjham va ganamajjham va anosatapubbatta sarajjam uppajjati tadiso ma bhayi visattho kathehi mayante upatthambha bhavissamati vatvapi anuyogavattam kathapetabbo. Cando nisedhetabboti apasadetabbo tajjetabbo. Asuci vibhavetabboti alajji pakasetva apattim desapetabbo. Uju maddavenati yo bhikkhu uju silava kayavankadirahito so maddaveneva upacaritabbo. Dhammesu ca puggalesu cati ettha yo dhammagaruko hoti na puggalagaruko ayameva dhammesu ca puggalesu ca majjhattoti veditabbo. {366} Suttam samsandanatthayatiadisu. Tena ca pana evam sabrahmacarinam piyamanapagarubhavaniyena anuvijjakena samudahatesu suttadisu suttam samsandanatthaya apattanapattinam samsandanatthayati veditabbam. Opammam nidassanatthayati upamam atthadassanatthaya. Attho vinnapanatthayati attho janapanatthaya. Patipuccha thapanatthayati puccha puggalassa thapanatthaya. Okasakammam codanatthayati vatthuna va apattiya va codanatthaya. Codana saranatthayati dosadosam sarapanatthaya. Sarana savacaniyatthayati dosadosasarana savacaniyakaranatthaya. Savacaniyam palibodhatthayati savacaniyam imamha avasa ekapadampi ma pakkamiti--------------------------------------------------------------------------------------------- page561.
Evam palibodhatthaya. Palibodho vinicchayatthayati vinicchayathapanatthaya. Vinicchayo santiranatthayati dosadosam santiranatthaya tulanatthaya. Santiranam thanathanagamanatthayati apattim anapattim garukalahukapattim jananatthaya. Sangho sampariggahasampaticchanatthayati vinicchaya- sampatiggahanatthaya ca suvinicchitadubbinicchitabhavajananatthaya cati attho. Paccekatthayino avisamvadakatthayinoti issariyadhipacca- jetthakatthane avisamvadakatthane ca thita na te apasadetabbati attho. Idani ye mandabuddhino evam vadeyyum vinayo nama kimatthayati tesam vacanokasapidahanattham attham dassetum vinayo samvaratthayatiadimaha. Tattha vinayo samvaratthayati sakalapi vinayapannatti kayavacidvarasamvaratthaya ajivaparisuddhipariyosanassa silassa upanissayo hoti paccayo hotiti attho. Eseva nayo sabbattha. Apicettha avippatisaroti papapunnanam katakatavasena cittavippatisarabhavo. Pamujjanti dubbala tarunapiti. Pititi balava bahalapiti. Passaddhiti kayacittadarathapatippassaddhi. Sukhanti kayikacetasikasukham. Tam hi duvidhampi samadhissa upanissayapaccayo hoti. Samadhiti cittekaggata. Yathabhutananadassananti tarunavipassana. Udayabbayananassetam adhivacanam. Cittekaggata hi tarunavipassanaya upanissayapaccayo hoti. Nibbidati sikhappatta vutthanagamini balavavipassana. Viragoti ariyamaggo. Vimuttiti arahattaphalam. Catubbidhopi hi ariyamaggo arahattassa upanissayapaccayo hoti.--------------------------------------------------------------------------------------------- page562.
Vimuttinanadassananti paccavekkhanananam. Vimuttinanadaslanam anupadaparinibbanatthayati apaccayaparinibbanatthaya. Apaccaya- parinibbanassa hi tam paccayo hoti tasmim anuppatte avassam parinibbayitabbatoti. Etadattha kathati ayam vinayakatha nama etadattha. Mantanati vinayamantana eva. Upanisati ayam vinayo samvaratthayatiadika paramparapaccayatapi etadatthaya. Sotavadhananti imissa paramparapaccayakathaya sotavadhanam. Imam attham sutva yam uppajjati nanam tampi etadatthaya. Yadidam anupada cittassa vimokkhoti yo ayam catuhi upadanehi anupadiyitva cittassa arahattaphalasankhato vimokkho sopi etadatthaya apaccaya- parinibbanatthayaevati attho. {367} Anuyogavattagathasu pathamagatha vuttattha eva. Vatthum vipattim apattim nidanam akaraakovido pubbaparam na janatiti vatthuntiadinam na janatipadena sambandho. Akovidoti padassa save tadisakoti imina sambandho. Tasma ayamettha yojana. Yo bhikkhu parajikadinam vatthum na janati catubbidham vipattim na janati sattavidham apattim na janati imam sikkhapadam amukasmim nama nagare pannattanti evam nidanam na janati. Idam purimavacanam idam pacchimavacananti pubbaparam na janati. Idam katam idam akatanti katakatam na janati. Samena cati teneva pubbaparam ajanantassa samena annanena katakatam na janatiti vuttam hoti. Evam--------------------------------------------------------------------------------------------- page563.
Tava na janatipadena saddhim sambandho veditabbo. Yam panetam akaraakovidoti vuttam. Tattha akaraakovidoti karanakarane akovido. Iti yvayam vatthuadini ca na janati akarassa ca akovido save tadisako bhikkhu appatikkhoti vuccati. Kammanca adhikaranancati imesampi padanam na janatipadeneva sambandho. Ayam panettha yojana. Tatheva yvayam kammanca na janati adhikarananca na janati. Sattappakare samathe capi akovido ragadihi pana ratto duttho ca mulho ca bhayena bhaya gacchati sammohena moha gacchati rattatta pana dutthatta ca chanda dosa gacchati. Param sannapetum asamatthataya na ca sannattikusalo. Karanakaranadassane asamatthataya nijjhattiya ca akovido. Attano sadisaya parisaya laddhatta laddhapakkho hiriya paribahiratta ahiriko kalakehi kammehi samannagatatta kanhakammo dhammadariya- puggaladariyanam abhavato anadaro. Save tadisako bhikkhu appatikkhoti vuccati. Nappatikkhitabbo na oloketabbo. Na sammannitva issariyadhipaccajetthakatthane thapetabboti attho. Sukkapakkhagathanampi yojananayo vuttanayeneva veditabboti. Culasangamavannana nitthita. ----------The Pali Atthakatha in Roman Book 3 page 557-563. http://84000.org/tipitaka/atthapali/read_rm.php?B=3&A=11319&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=11319&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]