AtthaPali Vol.3

{254} Uccasayanamahasayananiti ettha uccasayananti pamanatikkantam mancam. Mahasayananti akappiyapaccattharanam. Asandiadisu asanditi pamanatikkantasanam. Pallankoti padesu (va) valarupani thapetva kato. Gonakoti dighalomako mahakojavo. Caturanguladhikani kira tassa lomani. Cittakoti valacitta- unnamayattharako ^1-. Patikati unnamayo setattharako. Patalikati ghanapupphako unnamayattharako yonakadamilapatoti vuccati. Tulikati pakatitulikayeva. Vikatikati sihabyagghadirupavicitto unnamayattharako. @Footnote: ^1. yebhuyyena pana vanacitta...iti dissati.

--------------------------------------------------------------------------------------------- page184.

Uddhalomiti ekato uggatalomam unnamayattharanam uddhamlomitipi patho. Ekantalomiti ubhato uggatalomam unnamayattharanam. Katissanti ratanaparisibbitam koseyyakatissamayam paccattharanam. Koseyyanti ratanaparisibbitam koseyyasuttamayam paccattharanam. Suddhakoseyyam pana vattati. Kuttakanti solasannam natakitthinam thatva naccayoggam unnamayapaccattharanam. Hatthattharaassatthara hatthi- assapitthisu attharakaeva. Rathattharepi eseva nayo. Ajinap- paveniti ajinacammehi mancappamanena sibbitva kata paveni. Kadalimigapavarapaccattharananti kadalimigacammannama atthi tena katam pavarapaccattharanam. Uttamapaccattharananti attho. Tam kira setavatthassa upari kadalimigacammam pattharitva sibbetva karonti. Sauttaracchadanti saha uttaracchadena uparibaddhena rattavitanena saddhinti attho. Setavitanampi hettha akappiyapaccattharane sati na vattati asati pana vattati. Ubhatolohitakupadhananti sisupadhananca padupadhanancati mancassa ubhato lohitakupadhanam etam na vattati. Yampana ekameva upadhanam ubhosu passesu rattam va hotu padumavannam va cittam va sace pamanayuttam vattati. Mahaupadhanam pana patikkhittam. {255} Dipicchapoti dipipotako. Ogumphiyantiti bhittidandakadisu vethetva bandhanati. {256} Abhinisiditunti abhi nissaya nisiditum. Gilanena bhikkhuna saupahanenati ettha gilano nama yo na sakkoti anupahano gamam pavisitum.

The Pali Atthakatha in Roman Book 3 page 183-184. http://84000.org/tipitaka/atthapali/read_rm.php?B=3&A=3779&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=3779&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=6 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=160 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=116 The Pali Tipitaka in Roman Character :- http://84000.org/tipitaka/read/roman_read.php?B=4&A=116 Contents of The Tipitaka Volume 4 http://84000.org/tipitaka/read/?index_4