AtthaPali Vol.3

{300} Kajehi gahapetvati pancahi kajasatehi susankhatassa badarapanassa kutasahassam gahapetva. Etasmim nidane etasmim pakarane dhammim katham katvati sadhu bhikkhave panam apivanta samanassa gotamassa savaka paccayabahullikati vadam na uppadayittha mayi ca garavam akattha mama ca tumhe sugaravam janayittha iti vo aham imina karanena sutthu pasannotiadina nayena dhammim katham katva anujanami bhikkhave attha pananitiadimaha. Tattha ambapananti amehi va pakkehi va ambehi katapanam. Tattha amehi karontena ambatarunani bhinditva udake pakkhipitva atape adiccapakena pacitva parissavetva tadahupatiggahitehi madhusakkarakappuradihi yojetva katabbam. Evam katam purebhattameva kappati. Anupasampannehi katam labhitva pana purebhattam patiggahitam purebhattam samisaparibhogenapi vattati pacchabhattam niramisaparibhogena yava arunuggamana vattati. Esa nayo sabbapanesu. Tesu pana jambupananti jambuphalehi katapanam. Cocapananti atthikehi kadaliphalehi

--------------------------------------------------------------------------------------------- page203.

Katapanam. Mocapananti anatthikehi kadaliphalehi katapanam. Madhukapananti madhukanam jatirasena katapanam. Tam pana udakasambhinnam vattati suddham na vattati. Muddikapananti muddika udake madditva ambapanam viya katapanam. Salukapananti rattuppalaniluppaladinam saluke madditva katapanam. Pharusakapananti pharusakehi ambapanam viya katapanam. Imani atthapanani sitanipi adiccapakanipi vattanti aggipakani na vattanti. Dhannaphalarasanti sattannam dhannanam phalarasam. Dakarasanti pakkadakarasam. Yavakalikapattananhi purebhattameva raso kappati. Yavajivikanam patiggahetva thapitasappiadihi saddhim pakkanam sattaham kappati. Sace pana suddhodakena paccati yavajivampi vattati. Khiradihi saddhim pacitum na vattati. Annehi pakkampi dakarasasankhameva gacchati. Kurundiyampana yavakalikapattanampi sitodake madditva kataraso va adiccapako va vattatiti vuttam. Thapetva madhukapuppharasanti ettha madhukapuppharaso aggipako va hotu adiccapako va pacchabhattam na vattati. Purebhattampi yam pakam gahetva majjam karonti so adito patthaya na vattati. Madhukapupphampana allam va sukkham va bhajjitam va tena kataphanitam va yato patthaya majjam na karoti tam sabbam purebhattam vattati. Ucchuraso nikkasato pacchabhattam vattati. Iti panani anujanantena imepi cattaro rasa anunnatati.

--------------------------------------------------------------------------------------------- page204.

{301-302} Rojavatthum uttanameva. Tattha sabbanca dakanti sappiadihi pakkam va apakkam va yankinci dakam. Pitthakhadaniyanti pitthamayam khadaniyam. Rojo kira idam ubhayampi satasahassam vayam katva patiyadapesi. Sangaram akamsuti katikam akamsu. Ularam kho te idanti sundaram kho te idam. Naham bhante ananda bahukatoti naham buddhadigatappasadabahumanena idhagatoti dasseti.

The Pali Atthakatha in Roman Book 3 page 202-204. http://84000.org/tipitaka/atthapali/read_rm.php?B=3&A=4166&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4166&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=-91 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2022 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=2223 The Pali Tipitaka in Roman Character :- http://84000.org/tipitaka/read/roman_read.php?B=4&A=2223 Contents of The Tipitaka Volume 4 http://84000.org/tipitaka/read/?index_4