|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
vutthapetabboti. Ussannam hotiti bahum rasikatam hoti bhandagaram na ganhati. Sammukhibhutenati antoupacarasimayam thitena. Bhajetunti kalam ghosapetva patipatiya bhajetum. Kolahalam akasiti amhakam acariyassa detha upajjhayassa dethati evam mahasaddamakasi. Civarabhajakangesu sabhaganam bhikkhunam apapunantampi mahagghacivaram dento chandagatim gacchati nama. Annesam vuddhataranam papunantampi mahaggham civaram adatva appaggham dento dosagatim--------------------------------------------------------------------------------------------- page232.
Gacchati nama. Mohamulho civaradanavattam ajananto mohagatim gacchati nama. Mukharanam navakanampi bhayena apapunantameva mahagghacivaram dento bhayagatim gacchati nama. Yo evam na gacchati sabbesam tulabhuto pamanabhuto majjhatto hoti sammannitabbo. Bhajitabhajitanti ettakani vatthani bhajitani ettakani abhajitaniti jananto bhajitabhajitanca janeyyati vuccati. Uccinitvati idam thulam idam sanham idam ghanam idam tanukam idam paribhuttam idam aparibhuttam idam dighato ettakam idam puthulato ettakanti evam vatthani vicinitva. Tulayitvati idam ettakam agghati idam ettakanti evam agghaparicchedam katva. Vannavannam katvati sace sabbesam ekekameva dasa dasa agghanakam papunati iccetam kusalam no ce papunati yam nava va attha va agghati tam annena ekaagghanakena ca dviagghanakena ca saddhim bandhitva etenevupayena same pativimse thapetvati attho. Bhikkhu ganetva vaggam bandhitvati sace ekekassa diyamane divaso nappahoti dasa dasa bhikkhu ganetva dasa dasa civarapativimse ekekam vaggam bandhitva ekam bhandikam katva ekam civarapativimsam thapetum anujanamiti attho. Ekam thapitesu civarapativimsesu kuso patetabbo tehipi bhikkhuhi puna kusapatam katva bhajetabbam. Samaneranam upaddhapativimsanti ettha ye samanera attissara bhikkhusanghassa kattabbakammam na karonti uddesaparipucchasu yutta--------------------------------------------------------------------------------------------- page233.
Acariyupajjhayanamyeva vattapatipattim karonti na annesam karonti etesamyeva upaddhabhago databbo. Ye pana purebhattanca pacchabhattanca bhikkhusanghasseva kattabbakiccam karonti tesam samako databbo. Idanca pitthisamaye uppannena bhandagare thapitena akalacivareneva kathitam. Kalacivarampana samakameva databbam. Tatruppadam vassavasikam sammunjanibandhanadim sanghassa phatikammam katva gahetabbam. Etanhettha sabbesam vattam bhandagarikacivarepi. Sace samanera agantva bhante mayam yagum pacama bhattam pacama khajjakam pacama apaharitam karoma dantakattham aharama rangachallim kappiyam katva dema kimpana amhehi na katannamati ukkatthim karonti samabhagova databbo. Etam ye ca virajjhitva karonti yesanca karanabhavo na pannayati te sandhaya vuttam. Kurundiyam pana sace samanera kasma mayam bhante sanghakammam na karoma karissamati yacanti samapativimso databboti vuttam. Uttaritukamoti nadim va kantaram va uttaritukamo sattham labhitva disapakkamitukamoti attho. Sakam bhagam datunti idam bhandagarato civarani niharitva punje kate gandiya pahataya bhikkhusanghe sannipatite sattham labhitva gantukamo satthato ma parihayiti etamattham sandhaya vuttam. Tasma anihatesu va civaresu appahataya va gandiya asannipatite va sanghe datum na vattati. Civaresu pana nihatesu gandim paharitva bhikkhusanghe--------------------------------------------------------------------------------------------- page234.
Sannipatite civarabhajakena imassa bhikkhuno kotthasena ettakena bhavitabbanti takketva nayaggahena civaram databbam tulaya tulitamiva hi samasamam datum na sakkoti tasma unam va hotu adhikam va evam takkena nayena dinnam sudinnameva neva unakam puna databbam natirittam patigganhitabbanti. Atirekabhagenati dasa bhikkhu honti satakapi daseva tesu eko dvadasa agghati sesa dasagghanaka sabbesu dasagghanakavasena kuse patite yassa bhikkhuno dvadasagghanake kuso patito so ettakena mama civaram pahotiti tena atirekabhagena gantukamo hoti bhikkhu atirekam avuso sanghassa santakanti vadanti tam sutva bhagava sanghike ca ganasantake ca appakam nama natthi sabbattha samyamo katabbo ganhantenapi kukkuccayitabbanti tam dassetum anujanami bhikkhave anukkhepe dinneti aha. Tattha anukkhepo nama yankinci anukkhipitabbam anuppadatabbam kappiyabhandam yattakam tassa pativimse adhikam tattake agghanake yasmim kisminci kappiyabhande dinneti attho. Vikalake tosetvati ettha civaravikalakam puggalavikalakanti dve vikalaka. Civaravikalakam nama sabbesam panca panca vatthani pattani sesanipi atthi ekekam pana na papunati chinditva databbani chindantehi ca addhamandaladinam va upahanatthavikadinam va pahonakani khandani katva databbani hetthimaparicchedena caturangulavittharampi anuvatapahonakayamam khandam katva datum vattati. Aparibhogam pana--------------------------------------------------------------------------------------------- page235.
Na katabbanti evamettha civarassa appahonakabhavo civaravikalakam. Chinditva dinne pana tam tositam hoti atha kusapato katabbo sacepi ekassa bhikkhuno kotthase ekam va dve va vatthani nappahonti tattha annam samanaparikkharam thapetva yo tena tussati tassa tam bhagam datva paccha kusapato katabbo idampi civaravikalakanti andhakatthakathayam vuttam. Puggalavikalakam nama dasa dasa bhikkhu ganetva vaggam karontanam eko vaggo na purati attha va nava va hoti tesam attha va nava va kotthasa tumhe ime bhage ganetva visum bhajethati databba evamayam puggalanam appahonakabhavo puggalavikalakam. Visum dinne pana tam tositam hoti evam tosetva kusapato katabboti. Athava vikalake tosetvati yo civarabhago unako tam annena parikkharena samam katva kusapato katabbo.The Pali Atthakatha in Roman Book 3 page 231-235. http://84000.org/tipitaka/atthapali/read_rm.php?B=3&A=4763&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4763&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=109 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3032 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3196 The Pali Tipitaka in Roman Character :- http://84000.org/tipitaka/read/roman_read.php?B=4&A=3196 Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]