AtthaPali Vol.30

9. Padipavimanavannana ^1- abhikkantena vannenati padipavimanam. Tassa ka uppatti? bhagavati savatthiyam viharante uposathadivase sambahula upasaka uposathika hutva purebhattam yathavibhavam danam datva kalasseva bhunjitva suddhavatthanivattha suddhuttarasanga gandhamaladihattha pacchabhattam viharam gantva manobhavaniye bhikkhu payirupasitva sayanhe dhammam sunanti. Vihareyeva vasitukamanam tesam dhammam sunantanamyeva suriyo atthangato, andhakaro jato. Tattheka annatara itthi "idani padipalokam ^2- katum yuttan"ti cintetva attano gehato padipeyyam aharapetva padipam ujjaletva dhammasanassa purato thapetva dhammam suni, sa tena padipadanena attamana pitisomanassajata hutva vanditva attano geham gata. Sa aparabhage kalam katva tavatimsabhavane jotirasavimane nibbatti, sarirasobha panassa ativiya pabhassara anne deve abhibhavitva dasa disa obhasayamana titthati. Athekadivasam ayasma mahamoggallano devacarikam carantoti sabbam hettha agatanayeneva veditabbam. Idha pana:- @Footnote: ¹ cha.Ma. dipavimana... ² cha.Ma. dipalokam

--------------------------------------------------------------------------------------------- page54.

[75] "abhikkantena vannena ya tvam titthasi devate obhasenti disa sabba osadhi viya taraka. [76] Kena te'tadiso vanno kena te idha mijjhati uppajjanti ca te bhoga ye keci manaso piya. [77] Kena tvam vimalobhasa atirocasi devate ^1- kena te sabbagattehi sabba obhasate disa. [78] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti catuhi gathahi pucchi. [79] Sa devata attamana moggallanena pucchita panham puttha viyakasi yassa kammassidam phalam. [80] "aham manussesu manussabhuta purimaya jatiya manussaloke tamandhakaramhi timisikayam padipakalamhi adam padipam. ^2- [81] Yo andhakaramhi timisikayam padipakalamhi dadati dipam uppajjati jotirasam vimanam pahutamalyam bahupundarikam. @Footnote: ¹ cha.Ma. devata ² cha.Ma. adasi dipam

--------------------------------------------------------------------------------------------- page55.

[82] Tena me'tadiso vanno tena me idha mijjhati uppajjanti ca me bhoga ye keci manaso piya. [83] Tenaham vimalobhasa atirocami devata tena me sabbagattehi sabba obhasate ^1- disa. [84] Akkhami te bhikkhu mahanubhava manussabhuta yamakasi punnam tenamhi evanjalitanubhava vanno ca me sabbadisa pabhasati"ti vissajjesi. #[75] Tattha abhikkantena vannenati ettha abhikkantasaddo "abhikkanta bhante ratti, nikkhanto pathamo yamo"tiadisu ^2- khaye agato. "ayam imesam catunnam puggalanam abhikkantataro ca panitataro ca"tiadisu ^3- sundare. "abhikkantam bhante abhikkantam bhante"tiadisu ^4- abbhanumodane. "abhikkantena vannena, sabba obhasayam disa"tiadisu ^5- abhirupe. Idhapi abhirupe eva datthabbo. Tasma abhikkantenati atikantena atimanapena, abhirupenati attho. Vannenati chavivannena. Obhasenti disa sabbati sabbapi dasa disa jotenti ekalokam karonti. Kim viyati aha "osadhi viya taraka"ti. Ussanna pabha etaya dhiyati, osadhinam va anubalappadayikati katva "osadhi"ti laddhanama taraka yatha samantato alokam kurumana titthati, evameva tvam sabba disa obhasayanti titthasiti. @Footnote: ¹ paliyam. obhasare ² vi.cula. 7/383/204, an.atthaka. 23/110/207 (sya), @khu.u. 25/45/164 ³ an.catukka. 21/100/113 ⁴ vi.mahavi. 1/15/7, @di.Si. 9/250,299/85,108 ⁵ khu.vimana. 26/857/87

--------------------------------------------------------------------------------------------- page56.

#[77] Sabbagattehiti sabbehi sariravayavehi, sakalehi angapaccangehi obhasatiti adhippayo, hetumhi cetam karanavacanam. Sabba obhasate disati sabbapi dasadisa ^1- vijjotenti. ^2- "obhasare"tipi pathanti, tesam sabba disati bahuvacanametam ^3- datthabbam. #[81] Padipakalamhiti padipakaranakale, padipujjalanayogge andhakareti attho. Tenaha "yo andhakaramhi timisikayan"ti, bahale mahandhakareti attho. Dadati dipanti padipam ujjalento va anujjalento va padipadanam dadati, padipopakaranani ^4- dakkhineyye uddissa pariccajati. Upapajjati jotirasam vimananti patisandhiggahanavasena jotirasam vimanam upagacchatiti. ^5- Sesam vuttanayameva. Atha yathapucchite atthe devataya kathite thero tameva katham atthuppattim katva danadikathaya tassa kallacittadibhavam natva saccani pakasesi, saccapariyosane saparivara sa devata sotapattiphale patitthahi. Thero tato agantva tam pavattim bhagavato arocesi, bhagava tasmim ca ^6- vatthusmim sampatta- parisaya vittharena dhammam desesi, sa desana mahajanassa satthika jata, mahajano ^7- visesato padipadane sakkaccakari ahositi. Padipavimanavannana nitthita. ------------------ @Footnote: ¹ Ma. sabbadisa vidisa ² cha.Ma. vijjotati @³ cha.Ma. bahuvacanameva ⁴ Ma. padipapujakaranani @⁵ Si. uppajjati ⁶ cha.Ma. ayam saddo na dissati ⁷ Si.,i. sesamahajano ca

The Pali Atthakatha in Roman Book 30 page 53-56. http://84000.org/tipitaka/atthapali/read_rm.php?B=30&A=1145&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=1145&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=9 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=218 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=246 The Pali Tipitaka in Roman Character :- http://84000.org/tipitaka/read/roman_read.php?B=26&A=246 Contents of The Tipitaka Volume 26 http://84000.org/tipitaka/read/?index_26