|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
99. 2. Sariputtattheramatupetivatthuvannana nagga dubbannarupasiti idam satthari veluvane viharante ayasmato sariputtattherassa ito pancamaya jatiya matubhutam petim arabbha vuttam. Ekadivasam ayasma ca sariputto ayasma ca mahamoggallano ayasma ca anuruddho ayasma ca kappino rajagahassa avidure annatarasmim arannayatane viharanti. Tena ca samayena baranasiyam annataro brahmano addho mahaddhano mahabhogo samanabrahmanakapanaddhikavanibbakayacakanam opanabhuto annapanavatthasayanadini deti. Dento ca agatagatanam yathakalam yatharaham 1- ca padodakapadabbhanjanadi- dananupubbakam sabbabhideyyam 2- patipanno hoti. Purebhattam bhikkhu annapanadina sakkaccam parivisati. So desantaram gacchanto bhariyam aha "bhoti yathapannattam imam danavidhim aparihapenti sakkaccam anupatitthahi"ti. Sa "sadhu"ti patissunitva tasmim pakkante eva tava bhikkhunam pannattam danavidhim pacchindi, addhikanam pana nivasatthaya upagatanam gehapitthito chadditam jarasalam dassesi "ettha vasatha"ti. Annapanadinam atthaya tattha addhikesu agatesu "gutham khadatha, muttam pivatha, lohitam pivatha, tumhakam matu matthalungam khadatha"ti yam yam asuci jeguccham, tassa tassa namam gahetva nitthuram vadati. Sa aparena samayena kalam katva kammanubhavukkhitta petayoniyam nibbattitva attano vaciduccaritanurupam dukkham anubhavanti purimajatisambandham anussaritva ayasmato sariputtassa santikam upasankamitukama viharadvaram sampapuni, tassa viharadvaradevatayo viharappavesanam nivaresum. Sa kira ito pancamaya jatiya therassa matubhutapubba, tasma evamaha "aham ayyassa sariputtattherassa ito pancamaya jatiya mata, detha me dvarappavesanam theram datthun"ti. Tam sutva devata @Footnote: 1 Ma. yathabalam 2 Ma. sabbapatheyyam--------------------------------------------------------------------------------------------- page85.
Tassa pavesanam anujanimsu. Sa pavisitva cankamanakotiyam thatva therassa attanam dassesi. Thero tam disva karunaya sancoditamanaso hutva:- [116] "nagga dubbannarupasi kisa dhamanisanthata upphasulike kisike ka nu tvam idha titthasi"ti gathaya pucchi. Sa therena puttha pativacanam denti:- [117] "aham te sakiya mata pubbe annasu jatisu upapanna pettivisayam khuppipasasamappita. [118] Chadditam khipitam khelam singhanikam silesumam vasanca dayhamananam vijatananca lohitam. [119] Vanikananca yam ghana- sisacchinnana lohitam khudapareta bhunjami itthipurisanissitam. [120] Pubbalohitam bhakkhami pasunam manusana ca alena anagara ca nilamancaparayana. [121] Dehi puttaka me danam datva anvadisahi me appeva nama mucceyyam pubbalohitabhojana"ti panca gatha abhasi. #[117] Tattha aham te sakiya matati aham tuyham jananibhavato sakiya mata. Pubbe annasu jatisuti mata hontipi na imissam jatiyam, atha kho pubbe annasu jatisu, ito pancamiyanti datthabbam. Upapanna pettivisayanti patisandhivasena petalokam upagata. Khuppipasasamappitati khudaya ca pipasaya ca abhibhuta, 1- nirantaram jighacchapipasahi abhibhuyyamanati attho. @Footnote: 1 Si.,i. samangibhuta--------------------------------------------------------------------------------------------- page86.
#[118-119] Chadditanti ucchitthakam, vantanti attho. Khipitanti khipitena saddhim mukhato nikkhantamalam. Khelanti nitthubham 1-. Singhanikanti matthalungato vissanditva nasikaya nikkhantamalam. Silesumanti semham. Vasanca dayhamanananti citakasmim dayhamananam kalevaranam vasatelanca. Vijatananca lohitanti pasutanam itthinam lohitam, gabbhamalam casaddena sanganhati. Vanikananti 2- sanjatavananam. Yanti yam lohitanti sambandho. Ghanasisacchinnananti ghanacchinnanam sisacchinnananca yam lohitam, tam bhunjamiti yojana. Desanasisametam "ghanasisacchinnanan"ti, yasma hatthapadadicchinnanampi lohitam bhunjamiyeva. Tatha "vanikanan"ti imina tesampi lohitam sangahitanti datthabbam. Khudaparetati jighacchabhibhuta hutva. Itthipurisanissitanti itthipurisasariranissitam yathavuttam annanca cammamamsanharupubbadikam paribhunjamiti dasseti. #[120-121] Pasunanti ajagomahimsadinam. Alenati asarana. Anagarati anavasa. Nilamancaparayanati susane chadditamalamancasayana. 3- Atha va nilati charikangarabahula 4- susanabhumi adhippeta, tamyeva mancam viya adhisayanati attho. Anvadisahi meti 5- yatha dinnam dakkhinam mayham upakappati, tatha uddissa pattidanam dehi. Appeva nama mucceyyam, pubbalohitabhojanati tava uddisanena etasma pubbalohitabhojana petajivika api nama mucceyyam. Tam sutva ayasma sariputtatthero dutiyadivase mahamoggallanattheradike tayo there amantetva tehi saddhim rajagahe pindaya caranto ranno bimbisarassa nivesanam agamasi, raja there disva "kim bhante agatattha"ti agamanakaranam pucchi, ayasma mahamoggallano tam pavattim ranno arocesi. Raja "annatam bhante"ti vatva there vissajjetva sabbakammikam amaccam pakkosapetva anapesi @Footnote: 1 Si.,i. nitthubhanam 2 Si.,i.,Ma. vanitananti 3 Ma. chadditamallanam mancaparayana @4 Ma. jhayitangarabahula 5 Si.,i. uddisahi meti--------------------------------------------------------------------------------------------- page87.
"nagarassa avidure vivitte chayudakasampanne thane catasso kutiyo karehi"ti. Antepure ca pahonakavisesavasena tidha vibhajitva catasso kutiyo paticchapesi, sayanca tattha gantva katabbayuttakam akasi. Nitthitasu kutikasu sabbam balikaranam sajjapetva annapanavatthadini buddhappamukhassa catuddisassa bhikkhusamghassa anucchavike sabbaparikkhare ca upatthapetva ayasmato sariputtattherassa tam sabbam niyyadesi. Atha thero tam petim uddissa tam sabbam buddhappamukhassa catuddisassa bhikkhusamghassa adasi, sa peti tam anumoditva devaloke nibbattitva sabbakamasamiddha ca hutva aparadivase ayasmato mahamoggallanattherassa santikam upagantva vanditva atthasi. Tam thero patipucchi, sa attano petupapattim puna devupapattinca vittharato kathesi. Tena vuttam:- [122] "matuya vacanam sutva upatissonukampako amantayi moggallanam anuruddhanca kappinam. [123] Catasso kutiyo katva samghe catuddise ada kutiyo annapananca matu dakkhinamadiSi. [124] Samanantaranudditthe vipako udapajjatha bhojanam paniyam vattham dakkhinaya idam phalam. [125] Tato suddha sucivasana kasikuttamadharini vicittavatthabharana kolitam upasankami"ti. #[123] Tattha samghe catuddise adati catuddisassa samghassa adasi, niyyadesiti attho. Sesam vuttatthameva. 1- @Footnote: 1 ka. vuttanayameva. evamuparipi--------------------------------------------------------------------------------------------- page88.
Athayasma mahamoggallano tam petim:- [126] "abhikkantena vannena ya tvam titthasi devate obhasenti disa sabba osadhi viya taraka. [127] Kena tetadiso vanno kena te idha mijjhati uppajjanti ca te bhoga ye keci manaso piya. [128] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti pucchi. [129-133] Atha sa "sariputtassaham 1- mata"tiadina vissajjesi. Sesam vuttatthameva. Athayasma mahamoggallano tam pavattim bhagavato arocesi. Bhagava tamattham atthuppattim katva sampattaparisaya dhammam desesi, sa desana mahajanassa satthika ahositi. Sariputtattheramatupetivatthuvannana nitthita. -------------------The Pali Atthakatha in Roman Book 31 page 84-88. http://84000.org/tipitaka/atthapali/read_rm.php?B=31&A=1849&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=1849&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=99 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3319 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3497 The Pali Tipitaka in Roman Character :- http://84000.org/tipitaka/read/roman_read.php?B=26&A=3497 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]