AtthaPali Vol.31

page21.

90. 5. Tirokuddapetavatthuvannana ^1- tirokuddesu titthantiti idam sattha rajagahe viharanto sambahule pete arabbha kathesi. Tatrayam vittharakatha:- ito dvanavutikappe kasi nama nagaram ahosi, tattha jayaseno nama raja rajjam karesi, tassa sirima nama devi, tassa kucchiyam phusso nama bodhisatto nibbattitva anupubbena sammasambodhim abhisambujjhi. Jayaseno raja "mama putto mahabhinikkhamanam nikkhamitva ^2- buddho jato, mayhameva buddho, mayham ^3- dhammo, mayham samgho"ti mamattam uppadetva sabbakalam sayameva upatthahati, na annesam okasam deti. Bhagavato kanitthabhataro vematika tayo bhataro cintesum "buddha nama sabbalokahitatthaya uppajjanti, na ekasseva atthaya, amhakanca pita annesam okasam na deti, katham nu kho mayam labheyyama bhagavantam upatthatum bhikkhusamghancati. Tesam etadahosi "handa mayam kinci upayam karoma"ti. Te paccantam kupitam viya karapesum. Tato raja "paccanto kupito"ti sutva tayopi putte paccantam vupasametum pesesi. Te gantva vupasametva agata, raja tuttho varam adasi "yam icchatha, tam ganhatha"ti. Te "mayam bhagavantam upatthatum icchama"ti ahamsu. Raja "etam thapetva annam ganhatha"ti aha. Te "mayam annena anatthika"ti ahamsu. Tena hi paricchedam katva ganhathati. Te sattavassani yacimsu, raja na adasi. Evam "../../bdpicture/cha, panca, cattari, tini, dve, ekam, sattamase, cha, panca, cattaro"ti vatva yava temasam yacimsu, tada raja "ganhatha"ti adasi. Te bhagavantam upasankamitva ahamsu "icchama mayam bhante bhagavantam temasam upatthatum, adhivasetu no bhante bhagava imam temasam vassavasan"ti. Adhivasesi @Footnote: ¹ cha.Ma. tirokutta..., evamuparipi ² Ma. agarasma abhinikkhamitva @³ Si.,i. mayhameva

--------------------------------------------------------------------------------------------- page22.

Bhagava tunhibhavena. Te tayo attano janapade niyuttakapurisassa lekham ^1- pesesum "imam temasam amhehi bhagava upatthatabbo, viharam adim katva sabbam bhagavato upatthanasambharam sampadehi"ti. So sabbam sampadetva patipesesi. Te kasayavatthanivattha hutva purisasahassehi ^2- veyyavaccakarehi bhagavantam bhikkhusamghanca sakkaccam upatthahamana janapadam netva viharam niyyatetva vassam vasapesum. Tesam bhandagariko eko gahapatiputto sapajapatiko saddho ahosi pasanno, so buddhappamukhassa bhikkhusamghassa danavattam sakkaccam ^3- adasi. Janapade niyuttakapuriso tam gahetva janapadehi ekadasamattehi purisasahassehi saddhim sakkaccameva danam pavattapesi. ^4- Tattha keci janapada patihatacitta ahesum, te danassa antarayam katva deyyadhammam attana khadimsu, bhattasalanca aggina dahimsu. Pavarita rajaputta ^5- bhagavato sakkaram katva bhagavantam purakkhatva pitu santikameva paccagamimsu. Tattha gantva bhagava parinibbayi. Rajaputta ca janapade niyuttakapuriso ca bhandagariko ca anupubbena kalam katva saddhim parisaya sagge uppajjimsu. Patihatacitta jana niraye uppajjimsu. Evam tesam ubhayesam jananam saggato saggam nirayato nirayam upapajjantanam dvanavutikappa vitivatta. Atha imasmim bhaddakappe kassapassa bhagavato kale te patihatacitta jana petesu uppanna. Tada manussa attano natakanam petanam atthaya danam datva uddisanti "idam no natinam hotu"ti, te sampattim labhanti, atha imepi peta tam disva kassapam sammasambuddham upasankamitva pucchimsu "kim nu kho bhante mayampi evarupam sampattim labheyyama"ti. Bhagava aha "idani na labhatha, anagate pana gotamo nama sammasambuddho bhavissati, tassa bhagavato kale bimbisaro nama raja bhavissati, so tumhakam ito dvanavutikappe nati ^6- ahosi, @Footnote: ¹ Si. likhitapannam, i. likhapannam ² Ma. addhateyyehi purisasahassehi, @khuddaka.A. 178 ³ Si.,i. sakkaccam danavatthum ⁴ Si.,i. danavatthu pesesi @⁵ Si.,i. saparivara te hi rajaputta ⁶ Si.,i. natako

--------------------------------------------------------------------------------------------- page23.

So buddhassa danam datva tumhakam uddisissati, tada labhissatha"ti. Evam vutte kira tesam petanam tam vacanam "sve labhissatha"ti vuttam viya ahosi. Tato ekasmim buddhantare vitivatte ^1- amhakam bhagava uppajji. Tepi tayo rajaputta purisasahassena saddhim devalokato cavitva magadharatthe brahmanakule uppajjitva anupubbena tapasapabbajjam pabbajitva gayasise tayo jatila ahesum, janapade niyuttakapuriso raja bimbisaro ahosi, bhandagariko gahapatiputto visakho nama setthi ahosi, tassa pajapati dhammadinna nama setthidhita ahosi, avasesa pana parisa ranno eva parivara hutva nibbattimsu. Amhakampi bhagava loke uppajjitva sattasattaham atikkamitva ^2- anupubbena baranasim agamma dhammacakkam pavattetva pancavaggiye adim katva yava sahassaparivare ^3- tayo jatile vinetva rajagaham agamasi, tattha ca tadahupasankamantamyeva rajanam bimbisaram sotapattiphale patitthapesi saddhim ekadasanahutehi angamagadhavasihi brahmanagahapatikehi. Atha ranna svatanaya bhattena nimantito adhivasetva dutiyadivase manavakavannena sakkena devanamindena purato gacchantena:- "danto dantehi saha puranajatilehi vippamutto vippamuttehi singinikkhasavanno rajagaham pavisi bhagava"ti ^4- evamadihi gathahi abhitthaviyamano rajagaham pavisitva ranno nivesane mahadanam sampaticchi. Te pana peta "idani raja danam amhakam uddisissati, idani uddisissati"ti asaya samparivaretva ^5- atthamsu @Footnote: ¹ Si.,i. vitivatte loke ² Si.,i. vitinametva ³ Ma. addhateyyasahassaparivare @⁴ vi.maha. 4/58/49 ⁵ Si. danam datva uddisissatiti geham samparivaretva

--------------------------------------------------------------------------------------------- page24.

Raja danam datva "kattha nu kho bhagava vihareyya"ti bhagavato viharatthanameva cintesi, na tam danam kassaci uddisi. Tatha tam danam alabhanta ^1- peta chinnasa hutva rattiyam ranno nivesane ativiya bhimsanakam vissaramakamsu. raja bhayasantasasamvegam apajjitva vibhataya rattiya bhagavato arocesi "evarupam saddam assosim, kim nu kho me bhante bhavissati"ti. Bhagava "ma bhayi maharaja, na te kinci papakam bhavissati, apica kho santi te purananataka petesu uppanna, te ekam buddhantaram tameva paccasimsanta `buddhassa danam datva amhakam uddisissati'ti vicaranta taya hiyyo danam datva na uddisitatta chinnasa hutva tatharupam vissaramakamsu"ti ^2- aha. Kim idanipi bhante dinne te labheyyunti. Ama maharajati. Tena hi bhante adhivasetu me bhagava ajjatanaya danam, tesam uddisissamiti. Adhivasesi bhagava tunhibhavena. Raja nivesanam gantva mahadanam patiyadapetva bhagavato kalam arocapesi, bhagava rajantepuram gantva pannatte asane nisidi saddhim bhikkhusamghena. Te peta "api nama ajja labheyyama"ti gantva tirokuddadisu atthamsu. Bhagava tatha akasi, yatha te sabbeva ranno apatham gata ahesum. Raja dakkhinodakam dento "idam me natinam hotu"ti uddisi, tavadeva petanam kamalakuvalayasanchanna pokkharaniyo nibbattimsu. Te tattha nhatva ca pivitva ca patippassaddhadarathakilamathapipasa suvannavanna ahesum. Raja yagukhajjabhojjani datva uddisi, tesam tamkhananneva dibbayagukhajjabhojjani nibbattimsu, te tani paribhunjitva pinindriya ahesum. Atha vatthasenasanani datva uddisi, tesam dibbavatthapasadapaccattharanaseyyadialankaravidhayo nibbattimsu. Sa ca tesam sampatti sabbapi yatha ranno pakata hoti, tatha bhagava adhitthasi. Raja tam disva ativiya attamano ahosi. @Footnote: ¹ Ma. yatha tam tamattham ajananta ² Si.,i. tatharupam bhimsanakam bheravamakamsuti

--------------------------------------------------------------------------------------------- page25.

Tato bhagava bhuttavi pavarito ranno bimbisarassa anumodanattham tirokuddapetavatthum abhasi:- [14] "tirokuddesu titthanti sandhisinghatakesu ca dvarabahasu titthanti agantvana sakam gharam. [15] Pahute annapanamhi khajjabhojje upatthite na tesam koci sarati sattanam kammapaccaya. [16] Evam dadanti natinam ye honti anukampaka sucim panitam kalena kappiyam panabhojanam. [17] Idam vo natinam hotu sukhita hontu natayo te ca tattha samagantva natipeta samagata pahute annapanamhi sakkaccam anumodare. [18] Ciram jivantu no nati yesam hetu labhamase amhakanca kata puja dayaka ca anipphala. [19] Na hi tattha kasi atthi gorakkhettha na vijjati vanijja tadisi natthi hirannena kayakayam ito dinnena yapenti peta kalagata ^1- tahim. [20] Unname udakam vuttham ^2- yatha ninnam pavattati evameva ito dinnam petanam upakappati. [21] Yatha varivaha pura paripurenti sagaram evameva ito dinnam petanam upakappati. @Footnote: ¹ Si. kalakata, Ma. kalankata ² Si. vattham

--------------------------------------------------------------------------------------------- page26.

[22] Adasi me akasi me natimitta sakha ca me petanam dakkhinam dajja pubbe katamanussaram. [23] Na hi runnam va soko va ya canna paridevana na tam petanamatthaya evam titthanti natayo. [24] Ayanca kho dakkhina dinna samghamhi supatitthita digharattam hitayassa thanaso upakappati. [25] So natidhammo ca ayam nidassito petana puja ca kata ulara balanca bhikkhunamanuppadinnam tumhehi punnam pasutam anappakan"ti. #[14] Tattha tirokuddesuti kuddanam parabhagesu. Titthantiti nisajjadipatikkhepato thanakappanavacanametam, gehapakarakuddanam dvarato ^1- bahi eva titthantiti attho. Sandhisinghatakesu cati sandhisu ca singhatakesu ca. Sandhiti catukkonaraccha, gharasandhibhittisandhialokasandhiyopi vuccanti. Singhatakati tironaraccha. Dvarabahasu titthantiti nagaradvaragharadvaranam baha nissaya titthanti. Agantvana sakam gharanti sakagharam nama pubbanatigharampi attana samibhavena ajjhavutthagharampi, tadubhayampi te yasma sakagharasannaya agacchanti, tasma "agantvana sakam gharan"ti aha. #[15] Evam bhagava pubbe anajjhavutthapubbampi pubbanatigharatta bimbisaranivesanam sakagharasannaya agantva tirokuddadisu thite issamacchariyaphalam anubhavante ativiya duddasikavirupabhayanakadassane bahu pete ranno dassento "tirokuddesu titthanti"ti gatham vatva puna tehi katassa kammassa darunabhavam dassento "pahute annapanamhi"ti dutiyagathamaha. @Footnote: ¹ Ma. parato

--------------------------------------------------------------------------------------------- page27.

Tattha pahuteti anappake bahumhi, yavadattheti attho. Bakarassa hi pakaro labbhati "pahu santo na bharati"tiadisu ^1- viya. Keci pana "bahuke"ti pathanti, so pana pamadapatho. ^2- Annapanamhiti anne ca pane ca. Khajjabhojjeti khajje ca bhojje ca. Etena asitapitakhayitasayitavasena catubbidhampi aharam dasseti. Upatthiteti upagamma thite sajjite, patiyatteti attho. Na tesam koci sarati sattananti tesam pettivisaye uppannanam sattanam koci mata va pita va putto va natta va na sarati. Kimkarana? kammapaccayati, attana katassa adanadanapatisedhanadibhedassa kadariyakammassa karanabhavato. Tam hi kammam tesam natinam saritum na deti. #[16] Evam bhagava anappakepi annapanadimhi vijjamane natinam paccasisantanam petanam kammaphalena ^3- natakanam anussaranamattassapi abhavam dassetva idani pettivisayupapanne natake uddissa ranna dinnadanam pasamsanto "evam dadanti natinan"ti tatiyagathamaha. Tattha evanti upamavacanam, tassa dvidha sambandho:- tesam sattanam kammapaccaya asarantesupi kesuci ^4- keci dadanti natinam, ye evam ^5- anukampaka hontiti ca, maharaja yatha taya dinnam, evam sucim panitam kalena kappiyam panabhojanam dadanti natinam, ye honti anukampakati ca. Tattha dadantiti denti uddisanti niyyatenti. Natinanti matito ca pitito ca sambandhanam. Yeti ye keci puttadayo. Hontiti bhavanti. Anukampakati atthakama hitesino. Sucinti suddham manoharam dhammikanca. ^6- Panitanti ularam. Kalenati dakkhineyyanam paribhogayoggakalena, natipetanam va tirokuddadisu agantva thitakalena. Kappiyanti anucchavikam patirupam ariyanam paribhogaraham. Panabhojananti pananca bhojananca, tadupadesena cettha sabbam deyyadhammam vadati. @Footnote: ¹ khu.su. 25/98/355 ² Ma. te pamadapatha ³ Si.,i. papakammavasena @⁴ Si.,i. tesu ⁵ Ma. natinamyeva, evam ⁶ Si.,i. manapikam

--------------------------------------------------------------------------------------------- page28.

#[17] Idani yena pakarena tesam petanam dinnam nama hoti, tam dassento "idam vo natinam hotu, sukhita hontu natayo"ti catutthagathaya pubbaddham aha. Tam tatiyagathaya pubbaddhena sambandhitabbam:- "evam dadanti natinam ye honti anukampaka idam vo natinam hotu sukhita hontu natayo"ti. Tena "idam vo natinam hotuti evam pakarena dadanti, no annatha"ti akaratthena evamsaddena databbakaranidassanam katam hoti. Tattha idanti deyyadhammanidassanam. Voti nipatamattam "yehi vo ariya"tiadisu ^1- viya. Natinam hotuti pettivisaye uppannanam natakanam hotu. "no natinan"ti ca pathanti, amhakam natinanti attho. Sukhita hontu natayoti te pettivisayupapanna natayo idam phalam paccanubhavanta sukhita sukhappatta hontu. Yasma "idam vo natinam hotu"ti vuttepi annena katakammam na annassa phaladam hoti, kevalam pana tatha uddissa diyamanam tam vatthu natipetanam kusalakammassa paccayo hoti, tasma yatha tesam tasmim vatthusmim tasmimyeva khane phalanibbattakam kusalakammam hoti, tam dassento "te ca tattha"tiadimaha. Tattha teti natipeta. Tatthati yattha danam diyati, tattha. Samagantvati "ime no natayo amhakam atthaya danam uddisanti"ti anumodanattham tattha samagata hutva. Pahute annapanamhiti attano uddissa diyamane tasmim vatthusmim. Sakkaccam anumodareti kammaphalam abhisaddahanta cittikaram avijahanta avikkhittacitta hutva "idam no danam hitaya sukhaya hotu"ti modanti anumodanti pitisomanassajata honti. @Footnote: ¹ Ma.mu. 12/35/23

--------------------------------------------------------------------------------------------- page29.

#[18] Ciram jivantuti ciram jivino dighayuka hontu. No natiti amhakam nataka. Yesam hetuti yesam karana ye nissaya. Labhamaseti idisam sampattim patilabhama. Idanhi uddisanena laddhasampattim anubhavantanam petanam attano natinam thomanakaradassanam. Petananhi attano anumodanena, dayakanam uddisanena, dakkhineyyasampattiya cati tihi angehi dakkhina tamkhananneva phalanibbattika hoti. Tattha dayaka visesahetu. Tenaha "yesam hetu labhamase"ti. Amhakanca kata pujati "idam vo natinam hotu"ti evam uddisantehi dayakehi amhakanca puja kata, te dayaka ca anipphala yasmim santane pariccagamayam kammam nibbattam tassa tattheva phaladanato. Etthaha:- "kim pana pettivisayupapanna eva nati hetusampattiyo labhanti, udahu annepi"ti? na cettha amhehi vattabbam atthi bhagavata eva byakatatta. Vuttam hetam:- "mayamassu bho gotama brahmana nama danani dema, punnani karoma `idam danam petanam natisalohitanam upakappatu, idam danam peta natisalohita paribhunjantu'ti. Kacci tam bho gotama danam petanam natisalohitanam upakappati, kacci te peta natisalohita tam danam paribhunjantiti. Thane kho brahmana upakappati no atthaneti. Katamam pana bho gotama thanam, katamam atthananti. Idha brahmana ekacco panatipati hoti .pe. Micchaditthiko hoti, so kayassa bheda param marana nirayam upapajjati, yo nerayikanam sattanam aharo, tena so tattha yapeti, tena so tattha titthati. Idam kho brahmana atthanam, yattha thitassa tam danam na upakappati.

--------------------------------------------------------------------------------------------- page30.

Idha pana brahmana ekacco panatipati hoti .pe. Micchaditthiko hoti, so kayassa bheda param marana tiracchanayonim upapajjati, yo tiracchanayonikanam sattanam aharo, tena so tattha yapeti, tena so tattha titthati. Idampi kho brahmana atthanam, yattha thitassa tam danam na upakappati. Idha pana brahmana ekacco panatipata pativirato hoti .pe. Sammaditthiko hoti, so kayassa bheda param marana manussanam sahabyatam upapajjati .pe. Devanam sahabyatam upapajjati. Yo devanam aharo, tena so tattha yapeti, tena so tattha titthati. Idampi kho brahmana atthanam, yattha thitassa tam danam na upakappati. Idha pana brahmana ekacco panatipati hoti .pe. Micchaditthiko hoti, so kayassa bheda param marana pettivisayam upapajjati, yo pettivisayikanam sattanam aharo, tena so tattha yapeti, tena so tattha titthati. Yam va panassa ito anupavecchenti mittamacca va natisalohita va, tena so tattha yapeti, tena so tattha titthati. Idam kho brahmana thanam, yattha thitassa tam danam upakappatiti. Sace pana bho gotama so peto natisalohito tam thanam anupapanno hoti, ko tam danam paribhunjatiti. Annepissa brahmana peta natisalohita tam thanam upapanna honti, te tam danam paribhunjantiti. Sace pana bho gotamo so eva peto natisalohito tam thanam anupapanno hoti, annepissa peta natisalohita tam thanam anupapanna honti, ko tam danam paribhunjatiti. Atthanam kho etam brahmana anavakaso,

--------------------------------------------------------------------------------------------- page31.

Yam tam thanam vivittam ^1- assa imina dighena addhuna yadidam petehi natisalohitehi, apica ^2- brahmana dayakopi ^3- anipphalo"ti. ^4- #[19] Idani pettivisayupapannanam tattha annassa kasigorakkhadino sampattipatilabhakaranassa abhavam ito dinnena yapananca dassetum "na hi"tiadi vuttam. Tattha na hi tattha kasi atthiti tasmim pettivisaye kasi na hi atthi, yam nissaya peta sukhena jiveyyum. Gorakkhettha na vijjatiti ettha pettivisaye na kevalam kasiyeva natthi, atha kho gorakkhapi na vijjati, yam nissaya te sukhena jiveyyum, vanijja tadisi natthiti vanijjapi tadisi natthi, ya tesam sampatti- patilabhahetu bhaveyya. Hirannena kayakayanti hirannena kayavikkayampi tattha tadisam natthi, yam tesam sampattipatilabhahetu bhaveyya. Ito dinnena yapenti, peta kalagata tahinti kevalam pana ito natihi va mittamaccehi va dinnena yapenti, attabhavam pavattenti. Petati ^5- pettivisayupapanna satta. Kalagatati attano maranakalena gata. ^6- "kalakata"ti va patho, katakala katamarana maranam sampatta. Tahinti tasmim pettivisaye. #[20-21] Idani yathavuttamattham upamahi pakasetum "unname udakam vutthan"ti gathadvayamaha. tassattho:- yatha unname thale unnatappadese meghehi abhivuttham udakam yatha ninnam pavattati, yo bhumibhago ninno onato, tam upagacchati, evameva ito dinnam danam petanam upakappati, phaluppattiya viniyujjati. Ninnamiva hi udakappavattiya thanam petaloko danupakappanaya. Yathaha "idam kho brahmana thanam, yattha thitassa tam danam upakappati"ti. ^7- Yatha ca kandarapadarasakhapasakhakusobbhamahasobbhehi ogalitena ^8- udakena varivaha mahanajjo pura hutva sagaram paripurenti, evam ito dinnadanam pubbe vuttanayena petanam upakappatiti. @Footnote: ¹ Si.,i. rittam ² Si.,i. apica kho ³ cha.Ma. brahmanadayakopi @⁴ an.dasaka. 24/177/223 ⁵ Ma. peta ⁶ Ma. kalankatati attano @maranakalena kata ⁷ an. dasaka. 24/177/222 ⁸ Ma. ovutthitena

--------------------------------------------------------------------------------------------- page32.

#[22] Yasma peta "ito kinci labhama"ti asabhibhuta natigharam agantvapi "idam nama no detha"ti yacitum na sakkonti, tasma tesam imani anussaranavatthuni anussaranto kulaputto dakkhinam dajjati dassento "adasi me"ti gathamaha. Tassattho:- idam nama me dhanam va dhannam va adasi, idam nama me kiccam attanayeva yogam apajjanto akasi, "asuko me matito va pitito va sambandhatta nati, sinehavasena tanasamatthataya mitto, asuko me sahapamsukilakasahayo sakha"ti ca etam sabbamanussaranto petanam dakkhinam dajja danam niyyateyya. "dakkhina dajja"ti va patho, petanam dakkhina databba, tena "adasi me"tiadina nayena pubbe katamanussaram anussaratati vuttam hoti. Karanatthe hi idam paccattavacanam. #[23-24] Ye pana satta natimaranena runnasokadipara eva hutva titthanti, na tesam atthaya kinci denti, tesam tam runnasokadi kevalam attaparitapanamattameva hoti, tam na petanam kanci attham sadhetiti dassento "na hi runnam va"ti gatham vatva puna magadharajena dinnadakkhinaya satthakabhavam dassetum "ayanca kho"ti gathamaha. Tesam attho hettha vuttoyeva. #[25] Idani yasma imam dakkhinam dentena ranna natinam natihi kattabbakiccakaranena natidhammo nidassito, bahujanassa pakato kato, ^1- nidassanam pakatam katam "tumhehipi evameva natisu natidhammo paripuretabbo"ti. Te ca pete dibbasampattim adhigamentena petanam puja kata ulara, buddhappamukham bhikkhusamgham annapanadihi santappentena bhikkhunam balam anuppadinnam, anukampadigunaparivaranca cagacetanam nibbattentena anappakam punnam pasutam, tasma bhagava imehi yathabhuccagunehi rajanam sampahamsento "so natidhammo"ti osanagathamaha. @Footnote: ¹ Si. pakate kate

--------------------------------------------------------------------------------------------- page33.

Tattha natidhammoti natihi natinam kattabbakaranam. Ularati phita samiddha. Balanti kayabalam. Pasutanti upacitam. Ettha ca "so natidhammo ca ayam nidassito"ti etena bhagava rajanam dhammiya kathaya sandassesi. Natidhammadassanam hettha sandassanam. ^1- "petana puja ca kata ulara"ti imina samadapesi. "ulara"ti pasamsanam hettha ^2- punappunam pujakarane samadapanam. "balanca bhikkhunamanuppadinnan"ti imina samuttejesi. Bhikkhunam balanuppadanam hettha evam vidhanam balanuppadane ussahavaddhanena ^3- samuttejanam. "tumhehi punnam pasutam anappakan"ti imina sampahamsesi. Punnapasavanakittanam hettha tassa yathabhuccagunasamvannanabhavena sampahamsananti ^4- evamettha yojana veditabba. Desanapariyosane ca pettivisayupapattiadinavasamvannanena samviggahadayanam yoniso padahatam caturasitiya panasahassanam dhammabhisamayo ahosi. Dutiyadivasepi devamanussanam idameva tirokuddadesanam desesi. Evam yava satta divasa tadisova dhammabhisamayo ahositi. Tirokuddapetavatthuvannana nitthita. -----------------

The Pali Atthakatha in Roman Book 31 page 21-33. http://84000.org/tipitaka/atthapali/read_rm.php?B=31&A=437&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=437&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=90 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3021 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3206 The Pali Tipitaka in Roman Character :- http://84000.org/tipitaka/read/roman_read.php?B=26&A=3206 Contents of The Tipitaka Volume 26 http://84000.org/tipitaka/read/?index_26