AtthaPali Vol.31

89. 4. Pitthadhitalikapetavatthuvannana yankincarammanam katvati idam sattha savatthiyam jetavane viharanto anathapindikassa gahapatino danam arabbha kathesi. @Footnote: ¹ Si. ramanasilo, i. gamanasilo

--------------------------------------------------------------------------------------------- page18.

Anathapindikassa kira gahapatino dhitu dhitaya darikaya dhati pitthadhitalikam ^1- adasi "ayam te dhita, imam gahetva kilassu"ti. Sa tattha dhitusannam uppadesi. Athassa ekadivasam tam gahetva kilantiya pamadena patitva bhijji, tato darika "mama dhita mata"ti parodi. Tam rodantim ^2- kocipi gehajano sannapetum nasakkhi. Tasmim ca samaye sattha anathapindikassa gahapatino gehe pannatte asane nisinno hoti, mahasetthi ca bhagavato samipe nisinno ahosi. Dhati tam darikam gahetva setthissa santikam agamasi. Setthi tam disva "kissayam ^3- darika rodati"ti aha, dhati tam pavattim setthissa arocesi. Setthi tam darikam anke nisidapetva "tava dhitu danam dassami"ti sannapetva satthu arocesi "bhante mama nattudhitaram pitthadhitalikam uddissa danam datukamo, tam me pancahi bhikkhusatehi saddhim svatanaya adhivasetha"ti. Adhivasesi bhagava tunhibhavena. Atha bhagava dutiyadivase pancahi bhikkhusatehi saddhim setthissa gharam gantva bhattakiccam katva anumodanam karonto:- [10] "yankincarammanam katva dajja danam amacchari pubbapete ca arabbha atha va vatthudevata. [11] Cattaro ca maharaje lokapale yasassine ^4- kuveram dhataratthanca virupakkham virulhakam te ceva pujita honti dayaka ca anipphala. [12] Na hi runnam va soko va ya canna ^5- paridevana na tam petassa atthaya evam titthanti natayo. @Footnote: ¹ Si.,i. katapitthadhitalikam ² Ma. tam amaranti ³ Si.,i. kim nissaya @⁴ Si. yasassino ⁵ ka. yavanna

--------------------------------------------------------------------------------------------- page19.

[13] Ayanca kho dakkhina dinna samghamhi supatitthita digharattam hitayassa thanaso upakappati"ti ima gatha abhasi. #[10] Tattha yankincarammanam katvati mangaladisu annataram yankinci arabbha uddissa. Dajjati dadeyya. Amacchariti attano sampattiya parehi sadharanabhavasahanalakkhanassa maccherassa abhavato amacchari, pariccagasilo macchariyalobhadicittamalam durato katva danam dadeyyati adhippayo. Pubbapete ca arabbhati pubbakepi pete ^1- uddissa. Vatthudevatati gharavatthuadisu adhivattha devata arabbhati yojana. Atha vati imina annepi devamanussadike ye keci arabbha danam dadeyyati dasseti. #[11] Tattha devesu tava ekacce pakate deve dassento "cattaro ca maharaje"ti vatva puna te namato ganhanto "kuveran"tiadimaha. Tattha kuveranti vessavanam. Dhataratthantiadini sesanam tinnam lokapalanam namani. Te ceva pujita hontiti te maharajano pubbapetavatthudevatayo ca uddisanakiriyaya patimanita honti. Dayaka ca anipphalati ye danam denti, te dayaka ca paresam uddisanamattena na nipphala, attano danaphalassa bhagino eva honti. #[12] Idani "ye attano natinam maranena rodanti paridevanti socanti, tesam tam niratthakam, attaparitapanamattameva"ti dassetum "na hi runnam va"ti gathamaha. Tattha runnanti ruditam assumocanam na hi katabbanti vacanaseso. Sokoti socanam cittasantapo, antonijjhananti attho. Ya canna paridevanati ya ca runnasokato anna paridevana, "kaham ekaputtaka"tiadivacavippalapo, sopi na katabboti attho. Sabbattha vasaddo vikappanattho. Na tam petassa atthayati @Footnote: ¹ Si.,i. pubbe keci pitaro va

--------------------------------------------------------------------------------------------- page20.

Yasma runnam va soko va paridevana vati sabbampi tam petassa ^1- kalakatassa atthaya upakaraya na hoti, tasma na hi tam katabbam, tathapi evam titthanti natayo aviddasunoti adhippayo. #[13] Evam runnadinam niratthakabhavam dassetva idani ya pubbapetadike arabbha dayakena samghassa dakkhina dinna, tassa satthakabhavam dassento "ayanca kho dakkhina"ti gathamaha. Tattha ayanti dayakena tam dinnam danam paccakkhato dassento vadati. Casaddo byatirekattho, tena yatha runnadi petassa na kassaci atthaya hoti, na evamayam, ayam pana dakkhina digharattam hitayassa hotiti vakkhamanameva visesam joteti. Khoti avadharane. Dakkhinati danam. Samghamhi supatitthitati anuttare punnakkhette samghe sutthu patitthita. Digharattam hitayassati assa petassa cirakalam hitaya atthaya. Thanaso upakappatiti tamkhananneva nipphajjati, na kalantareti attho. Ayam hi tattha dhammata:- yam pete uddissa dane dinne peta ce anumodanti, tavadeva tassa phalena peta parimuccantiti. ^2- Evam bhagava dhammam desetva mahajanam pete uddissa danabhiratamanasam katva utthayasana pakkami. Punadivase setthibhariya avasesa ca nataka setthim anuvattanta evam temasamattam mahadanam pavattesum. Atha raja pasenadikosalo bhagavantam upasankamitva "kasma bhante bhikkhu masamattam mama gharam nagamimsu"ti pucchi. Satthara tasmim karane kathite rajapi setthim anuvattanto buddhappamukhassa bhikkhusamghassa mahadanam pavattesi, tam disva nagara rajanam anuvattanta masamattam mahadanam pavattesum. Evam masadvayam pitthadhitalikamulakam mahadanam pavattesunti. Pitthadhitalikapetavatthuvannana nitthita. @Footnote: ¹ Ma. tassa petassa ² Ma. paribhunjantiti

The Pali Atthakatha in Roman Book 31 page 17-20. http://84000.org/tipitaka/atthapali/read_rm.php?B=31&A=365&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=365&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=89 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3008 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3194 The Pali Tipitaka in Roman Character :- http://84000.org/tipitaka/read/roman_read.php?B=26&A=3194 Contents of The Tipitaka Volume 26 http://84000.org/tipitaka/read/?index_26