ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 31 : PALI ROMAN Peta.A. (paramatthadi.)

                     116. 6. Serinipetivatthuvannana
     nagga dubbannarupasiti idam satthari jetavane viharante serinipetim arabbha
vuttam.
@Footnote: 1 Ma. pannattiya     2 Ma. sattadivase
     Kururatthe kira hatthinipure serini nama eka rupupajivini ahosi. Tattha
ca uposathakaranatthaya tato tato bhikkhu sannipatimsu, puna mahabhikkhusannipato ahosi.
Tam disva manussa tilatanduladim sappinavanitamadhuadinca 1- bahum danupakaranam sajjetva
mahadanam pavattesum, tena ca samayena sa ganika assaddha appasanna
maccheramalapariyutthitacitta tehi 2- manussehi "ehi tava idam danam anumodahi"ti
ussahitapi "kim tena mundakanam samananam dinnena"ti appasadameva nesam sampavedesi,
kuto appamattakassa pariccago.
     Sa aparena samayena kalam katva annatarassa paccantanagarassa parikhapitthe
peti hutva nibbatti. Atha hatthinipuravasi annataro upasako vanijjaya tam
nagaram gantva rattiya paccusasamaye parikhapittham gato tadisena payojanena. Sa
tattha tam disva sanjanitva nagga atthittacamattavasesasarira ativiya bibhacchadassana
avidure thatva attanam dassesi. So tam disva:-
         [464] "nagga dubbannarupasi        kisa dhamanisanthata
               upphasulike kisike          ka nu tvam idha titthasi"ti
gathaya pucchi. Sapissa:-
         [465] "aham bhadante petimhi        duggata yamalokika
               papakammam karitvana          petalokam ito gata"ti
gathaya attanam pakasesi. Puna tena:-
         [466] "kim nu kayena vacaya       manasa dukkatam katam
               kissakammavipakena           petalokam ito gata"ti
gathaya katakammam pucchita:-
@Footnote: 1 Ma. sappidadhimadhuadinca         2 Ma. kehici
         [467] "anavatesu titthesu         vicinim addhamasakam
               santesu deyyadhammesu        dipam nakasimattano.
         [468] Nadim upemi tasita           rittaka parivattati
               chayam upemi unhesu         atapo parivattati.
         [469] Aggivanno ca me vato      dahanto upavayati
               etanca bhante arahami       annanca papakam tato.
         [470] Gantvana hatthinim puram         vajjesi mayha mataram
              `dhita ca te maya dittha      duggata yamalokika
               papakammam karitvana          petalokam ito gata.'
         [471] Atthi me ettha nikkhittam      anakkhatanca tam maya
               cattari satasahassani         pallankassa ca hetthato.
         [472] Tato me danam dadatu         tassa ca hotu jivika
               danam datva ca me mata     dakkhinam anudicchatu 1-
               tadaham sukhita hessam         sabbakamasamiddhini"ti
imahi chahi gathahi attana katakammanceva puna tena attano katabbam atthanca
acikkhi.
    #[467] Tattha anavatesu titthesuti kenaci anivaritesu naditalakadinam
titthapadesesu, yattha manussa nhayanti, udakakiccam karonti, tadisesu thanesu.
Vicinim addhamasakanti "manussehi thapetva vissaritam apinamettha kinci labheyyan"ti
lobhabhibhuta addhamasakamattampi vicinim gavesim. Atha va anavatesu titthesuti
@Footnote: 1 Si.,i. adissatu me
Upasankamanena kenaci anivaritesu sattanam payogasayasuddhiya karanabhavena
titthabhutesu samanabrahmanesu vijjamanesu. Vicinim addhamasakanti
maccheramalapariyutthitacitta kassaci kinci adenti addhamasakampi visesena cinim, na
sancinim punnam. 1- Tenaha "santesu deyyadhammesu, dipam nakasimattano"ti.
    #[468] Tasitati pipasita. Rittakati kakapeyya sandamanapi nadi mama
papakammena udakena ritta tuccha valikamatta hutva parivattati. Unhesuti
unhasamayesu. Atapo parivattatiti chayatthanam mayi upagataya atapo sampajjati.
    #[469-470] Aggivannoti samphassena aggisadiso. Tena vuttam "dahanto
upavayati"ti. Etanca bhante arahamiti bhanteti tam upasakam garukarena vadati,
bhante etanca yathavuttam pipasadidukkham, annanca tato papakam darunam dukkham
anubhavitum arahami tajjassa papassa katattati adhippayo. Vajjesiti vadeyyasi.
    #[471-472] Ettha nikkhittam, anakkhatanti "ettakam ettha nikkhittan"ti
anacikkhitam. Idani tassa parimanam thapitatthananca dassenti "cattari satasahassani,
pallankassa ca hetthato"ti aha. Tattha pallankassati pubbe attano sayanapallankassa.
Tatoti nihitadhanato 2- ekadesam gahetva mamam uddissa danam detu. Tassati
mayham matuya.
     Evam taya petiya vutte so upasako tassa vacanam sampaticchitva tattha
attano karaniyam tiretva hatthinipuram gantva tassa matuya tamattham arocesi.
Tamattham dassetum:-
          [473] Sadhuti so patissutva        gantvana hatthinim puram
                avoca tassa mataram:-
@Footnote: 1 Ma. visesam vicinim sancinim na punnam         2 Ma. vittato
              "dhita ca te maya dittha       duggata yamalokika
               papakammam karitvana           petalokam ito gata.
         [474] Sa mam tattha samadapesi        () 1- vajjesi mayha mataram
              `dhita ca te maya dittha       duggata yamalokika
               papakammam karitvana           petalokam ito gata.
         [475] Atthi ca me ettha nikkhittam     anakkhatanca tam maya
               cattari satasahassani          pallankassa ca hetthato.
         [476] Tato me danam dadatu          tassa ca hotu jivika
               danam datva ca me mata      dakkhinam anudicchatu () 2-
               tadaham sukhita hessam          sabbakamasamiddhini'.
         [477] Tato hi sa danamada         tasma 3- dakkhinamadisi
               peti ca sukhita asi          tassa casi sujivika"ti 4-
sangitikara ahamsu, ta suvinneyyava.
     Tam sutva tassa mata bhikkhusamghassa danam datva tassa adisi, tena
sa patiladdhupakaranasampattiyam thita matu attanam dassetva tam karanam acikkhi,
mata bhikkhunam arocesi. Bhikkhu tam pavattim bhagavato arocesum. Bhagava tamattham
atthuppattim katva sampattaparisaya dhammam desesi, sa desana mahajanassa satthika
ahositi.
                     Serinipetivatthuvannana nitthita.
@Footnote: 1 Ma. (gantvana hatthinim puram)   2 Ma. (tato tuvam danam dehi, tassa dakkhinamadisi)
@3 cha.Ma. tassa             4 Si.,i. sariram carudassananti



             The Pali Atthakatha in Roman Book 31 page 211-215. http://84000.org/tipitaka/atthapali/read_rm.php?B=31&A=4696&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=4696&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=116              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4186              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=4388              The Pali Tipitaka in Roman Character :- http://84000.org/tipitaka/read/roman_read.php?B=26&A=4388              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com