|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
118. 8. Dutiyamigaluddakapetavatthuvannana kutagare ca pasadeti idam bhagavati veluvane viharante aparam migaluddakapetam arabbha vuttam. Rajagahe kira annataro magaviko manavo vibhavasampannopi samano bhogasukham pahaya rattindivam mige hananto vicarati. Tassa sahayabhuto eko upasako anuddayam paticca "sadhu samma panatipatato viramahi, ma te ahosi digharattam ahitaya dukkhaya"ti ovadam adasi. So tam anadiyi. Atha so upasako annataram attano manobhavaniyam khinasavattheram yaci "sadhu bhante amukapurisassa 1- tatha dhammam desetha, yatha so panatipatato virameyya"ti. Athekadivasam so thero rajagahe pindaya caranto tassa gehadvare atthasi, tam disva so magaviko sanjatabahumano paccuggantva geham pavesetva asanam pannapetva adasi. Nisidi thero pannatte asane, sopi theram upasankamitva nisidi. Tassa thero panatipate adinavam 2- tato viratiya anisamsanca pakasesi. So tam sutvapi tato viramitum na icchi. Atha nam thero aha "sace tvam avuso sabbena sabbam viramitum na sakkosi, rattimpi tava viramassu"ti, so "sadhu bhante viramami rattin"ti tato virami, sesam anantaravatthusadisam. Gathasu pana:- [488] "kutagare ca pasade pallanke gonakatthate 3- pancangikena turiyena ramasi suppavadite. [489] Tato ratya vivasane 4- suriyuggamanam pati apaviddho susanasmim bahudukkham nigacchasi. @Footnote: 1 cha.Ma. asukapurisassa 2 Si.,i. adinavam kathetva @3 Ma. gonasanthate 4 Si. ratyabyavasane--------------------------------------------------------------------------------------------- page221.
[490] Kim nu kayena vacaya manasa dukkatam katam kissakammavipakena idam dukkham nigacchasi"ti tihi gathahi naradatthero nam patipucchi. Athassa peto:- [491] "aham rajagahe ramme ramaniye giribbaje migaluddo pure asim luddo casimasannato. [492] Tassa me sahayo suhadayo saddho asi upasako tassa kulupako bhikkhu asi gotamasavako sopi mam anukampanto nivaresi punappunam. [493] `makasi Papakam kammam ma tata duggatim aga sace icchasi pecca sukham virama panavadha asamyama.' [494] Tassaham vacanam sutva sukhakamassa hitanukampino nakasim sakalanusasanim cirapapabhirato abuddhima. [495] So mam puna bhurisumedhaso anukampaya samyame nivesayi `sace diva hanasi panino atha te rattim bhavatu samyamo.' [496] Svaham diva hanitva panino virato rattimahosi sannato rattaham paricaremi diva khajjami duggato.--------------------------------------------------------------------------------------------- page222.
[497] Tassa kammassa kusalassa anubhomi rattim amanusim diva patihatava kukkura upadhavanti samanta khaditum. [498] Ye ca te satatanuyogino dhuvam payutta 1- sugatassa sasane mannami te amatameva kevalam adhigacchanti padam asankhatan"ti tamattham acikkhi. Tasam attho hettha vuttanayova. Dutiyamigaluddakapetavatthuvannana nitthita. ----------------The Pali Atthakatha in Roman Book 31 page 220-222. http://84000.org/tipitaka/atthapali/read_rm.php?B=31&A=4875&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=4875&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=118 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4251 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=4452 The Pali Tipitaka in Roman Character :- http://84000.org/tipitaka/read/roman_read.php?B=26&A=4452 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]