AtthaPali Vol.32

322. 16. Vimalattheragathavannana papamitteti ayasmato vimalattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto padumuttarassa bhagavato kale kulagehe nibbattitva vinnutam patto satthari parinibbute sadhukilanadivasesu vitivattesu satthu sariram gahetva upasakesu jhapanatthanam gacchantesu satthu gune avajjitva pasannamanaso sumanapupphehi pujamakasi. So tena punnakammena devamanussesu samsaranto imasmim buddhuppade baranasiyam brahmanakule nibbattitva vimaloti laddhanamo vayappatto somamittattheram nissaya sasane pabbajitva teneva ussahito vipassanam patthapetva na cirasseva arahattam papuni. Tena vuttam apadane 1-:- "niharante sariramhi vijjamanasu ^2- bherisu pasannacitto sumano ^4- sattipuppham apujayim. ^3- @Footnote: ¹ khu.apa. 33/49/74 sattipanniyattherapadan(sya) ² cha.Ma. vajjamanasu @³ ka. sumanapupphehi pujayim, cha.Ma. pattipupphamapujayim Satasahasse ito ^1- kappe yam pupphamabhipujayim duggatim nabhijanami dehapujayidam ^2- phalam. Kilesa jhapita mayham .pe. katam buddhassa sasanan"ti. Arahattam pana patva attano sahayassa bhikkhussa ovadam dento:- [264] "papamitte vivajjetva bhajeyyuttamapuggalam ^3- ovade cassa tittheyya patthento acalam sukham. [265] Parittam darumaruyha yatha side mahannave evam kusitamagamma sadhujivipi sidati tasma tam parivajjeyya kusitam hinaviriyam. [266] Pavivittehi ariyehi pahitattehi jhayihi ^4- niccam araddhaviriyehi panditehi sahavase"ti tisso gatha abhasi. Tattha papamitteti akalyanamitte asappurise hinaviriye. Vivajjetvati tam abhajanavasena durato vajjetva. Bhajeyyuttamapuggalanti sappurisam panditam kalyanamittam ovadanusasanigahanavasena seveyya. Ovade cassa tittheyyati assa kalyana- mittassa ovade anusitthiyam yathanusittham patipajjanavasena tittheyya. Patthentoti akankhanto. Acalam sukhanti nibbanasukham phalasukhanca. Tampi hi akuppabhavato "acalan"ti vuccati. Sesam vuttatthameva. Vimalattheragathavannana nitthita. Tikanipatavannana nitthita. Pathamo bhago nitthito.

The Pali Atthakatha in Roman Book 32 page 581-582. http://84000.org/tipitaka/atthapali/read_rm.php?B=32&A=13046&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=13046&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=322 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6171 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6296 The Pali Tipitaka in Roman Character :- http://84000.org/tipitaka/read/roman_read.php?B=26&A=6296 Contents of The Tipitaka Volume 26 http://84000.org/tipitaka/read/?index_26